muthuppettai.com

2012-02-06T11:20:00.003+04:00

நீதிமன்றமே நியாயம் இல்லையா?காந்தி தேசமே கேட்பார் இல்லையா?

அன்பார்ந்த சகோதர்களே....

இறைவனின் சாந்தியும் சமாதானமும் உரித்தாகுக.கடந்த 1995ல் மார்ச் 3ம் தேதி நாகப்பட்டினத்தில் நடைபெற்ற பார்சல் குண்டு சம்பவம் தொடர்பான வழக்கில் ஐந்து பேருக்கு பூந்தமல்லி சிறப்பு நீதிமன்றம் ஆயுள் தண்டனை வழங்கியுள்ளது. அதில் ஜே.எஸ்.ரிபாயி அவர்களும் அடக்கம்.

இவ்வழக்கில் நேரடி சாட்சியங்கள் இல்லை. இதை தீர்ப்பில் நீதிபதியே குறிப்பிடுகிறார்.தீர்ப்பின் 49ம் பக்கத்தில் 13ம் பாராவில் கீழ்க்கண்டவாறு நீதிபதி குறிப்பிடுகிறார்.

Admittedly, There is no eye witness to the occurrence. The prosecution relied upon and put forward the circumstantial evidence to prove it's case.
(அதாவது இவ்வழக்கில் நேரடி சாட்சியங்கள் இல்லை. சந்தர்ப்ப சூழ்நிலைகளே சாட்சியங்களாக இருக்கின்றனவாம்!)

இந்நிலையில் நேரடி ஆதாரங்கள் இல்லாமல் சந்தர்ப்ப சூழ்நிலைகளையும், யூகங்களையும் முன்வைத்து தீர்ப்பளிப்பது என்ன நியாயம்? குற்றம் சாட்டப்பட்டவர்கள் முஸ்லிம்களாக இருக்கும் நிலையில் பாரபட்சத்தோடு & ஒரு முன் முடிவின் அடிப்படையில் இத்தீர்ப்பு அமைந்துள்ளதோ என சந்தேகம் வலுக்கிறது.

சாட்சியங்கள் இல்லாத ஒரு வழக்கில் ஆயுள் தண்டனை அளிக்கும் முடிவு ஒரு கொடுமை அல்லவா? ஒரு சமுதாயத்தின் முக்கிய தலைவருக்கே இந்நிலை என்றால் சாமானியர்களின் நிலை என்ன? நாடு முழுக்க பொய் வழக்குகளில் சிறைகளில் வாடும் அப்பாவிகளின் நிலைதான் என்ன-? நினைக்கும்போது குலை நடுங்குகிறது.

முஸ்லிம்கள் தொடர்பான வழக்குகளில் மட்டும் இந்திய நீதிமன்றங்கள் கண்மூடித்தனமாக தீர்ப்பளிக்கின்றன என்பதற்கு இது மற்றொரு உதாரணமாகும்.

இந்திய நீதி மன்றங்கள் ஊழல் மயமாகி வருகின்றன. சாதி, மத வெறியர்களின் ஆதிக்கத்தில் திணறுகின்றன. நீதி கொள்ளப்படுகிறது.

வன்முறை, பயங்கரவாதம் போன்றவற்றில் ஈடுபடும் குற்றவாளிகள் தண்டிக்கப்பட வேண்டும் என்பதில் இருவேறு கருத்துகளுக்கு இடமில்லை. ஆனால், எப்படியாவது; யாருக்காவது தண்டனை கொடுக்கப்பட வேண்டும் என முன்முடிவோடு நீதிமன்றங்கள் செயல்படுவது என்ன நியாயம்?

ராஜிவ் காந்தி கொலை வழக்கில் சிறையிலிருக்கும் பேரறிவாளன் முதல் நாடளுமன்ற தாக்குதல் வழக்கில் சிறையிலிருக்கும் அப்சல் குரு வரை பல அப்பாவிகளின் வாழ்வு இப்படிதான் நசுக்கப்படுகிறதோ...?

நியாயவான்களே! யாரும் மனம் கலங்காதீர்கள்!!
எனவே நீங்கள் தைரியத்தை இழக்காதீர்கள்; கவலையும் கொள்ளாதீர்கள்; நீங்கள் முஃமின்களாக இருந்தால் நீங்கள் தாம் உன்னதமானவர்களாக இருப்பீர்கள். (அல்குர்ஆன் 3:139)

இவ்வழக்கை துணிந்து எதிர்கொள்வோம். உயர்நீதிமன்றத்தில் முறையிடுவோம். ஜே.எஸ்.ரிபாயி உட்பட அப்பாவிகளை மீட்போம்.

நாங்கள் கடலில் மிதக்கும் கட்டுமரங்கள் அல்ல. அலைகடலை கிழிக்கும் போர் கப்பல்கள் என்பதை ஜனநாயக வழியில் நிரூபிப்போம்.

ஒவ்வொரு வீழ்ச்சியில் இருந்து தான் எங்களின் வளர்ச்சிகள் தொடங்குகின்றன. இதை ஆதிக்க சக்திகளுக்கு சொல்லி வைக்கிறோம்.

-- எம்.தமிமுன் அன்சாரி

2012-02-05T12:34:00.004+04:00

15 ஆண்டுகளுக்கு பின்னால் ஷஹீத் பழனிபாபா

-- எம்.தமிமுன் அன்சாரி

ஒடுக்கப்பட்ட மற்றும் சிறுபான்மை மக்களின் போர் குரலாய் சுமார் 25 ஆண்டுகாலம் சுழன்ற போராளி இன்று நமது நினைவுகளில் நீங்கா இடம் பெற்றிருக்கிறார்.

திண்டுக்கல் மாவட்டம் பழனி அருகே புது ஆயக்குடியில் பிறந்த அஹ்மது அலி; பின்னாளில் பழனிபாபாவாக மக்களிடம் அறிமுகமானார். வசதயான குடும்ப பின்னனியும், பிறவி போராட்ட குணமும் அவரை இளமையிலேயே தலைவராக வார்த்தெடுத்தது.

புது ஆயக்குடியில் நடைபெற்ற ஒரு வகுப்பு கலவரத்தின் தாக்கம்தான் அவரை மதவெறிக்கு எதிராக போராட தூண்டியது என்கிறார் அவரது ஊரை சேர்ந்த ஆசிக் உசேன். இவரும் பாபாவும் பழனி அரசு கலைக்கல்லூரியில் ஒன்றாக படித்தவர்கள்.

ஊட்டி லேடவுல் என்ற புகழ்பெற்ற பள்ளிக்கூடத்தில் படித்ததால். தேசிய புகழ்பெற்ற பல தலைவர்களின் பிள்ளைகளோடு அவருக்கு தொடர்பு ஏற்பட்டது.

இளம் வயதில் தனது தாய் மாமாவின் அரவணைப்பால் வளர்ந்திருக்கிறார். இடையில் குடும்பத்துடன் மனக்கசப்பு. அதை தொடர்ந்து சில காலம் கேரளாவில் முகாம் என, திசையற்ற ஒரு பயணத்தை தொடர்ந்திருக்கிறார்.

காலச்சூழல் அவரை திமுகவின் முக்கிய தலைவர்களோடு நெருக்கத்தை ஏற்படுத்தியது. கலைஞர், எம்-.ஜி.ஆர்., வை.கோ, வீரமணி உள்ளிட்ட பலருடன் நெருக்கம் ஏற்பட்டது. 1980களில் இவரது பொதுவாழ்வு பயணம் இப்படித்தான் தொடங்கியிருக்கிறது.

எம்.ஜி.ஆருடன் ஏற்பட்ட மனக்கசப்பில் கலைஞருடன் நெருக்கமாகி திமுகவின் தவிர்க்க முடியாத பிரச்சாரரானர் பாப. பாபாவின் உரைகள் எம்.ஜி.ஆரை மிரட்டியது.

அதேகால கட்டத்தில் நெல்லை மாவட்டத்தில் மீனாட்சிபுரத்தில் நடைபெற்ற சமூக புரட்சியின் விளைவாக இந்து முன்னணி உருவாகியது. ராமகோபால ஐயரின் வன்முறை பேச்சுகளால் பல இடங்களில் வன்முறைகளும், கலவரங்களும் நடைபெற்றன.

ராமகோபல ஐயரின் மதவெறி பேச்சுக்கு, பாபா பதிலடி கொடுக்கலானார். அதுவே அவரை சிறுபான்மை மக்களிடம் பிரபலமாக்கியது.

அதே சமயம்; அவரது உரை பல இடங்களில் சர்சையானது அவரது கருத்துக்கள் ஏற்கப்பட்டாலும், சில வார்த்தைகள் எதிர்க்கப்பட்டன என்பது உண்மை.

1989ல் திமுக ஆட்சிக்கு வந்த நேரம். ராமகோபால ஐயரால் நாகூரில் பதற்றம் ஏற்பட்டது. ஆனால் கலைஞர் அரசு பாபாவை கைது செய்து தேசிய பாதுகாப்பு சட்டத்தில் சிறையிலடைத்தது.

திமுக காரராகவே வலம் வந்த பாப; ஒரு தலைவராக உருவாவதற்கு இச்சம்பவம் ஒரு முக்கிய காரணமாகும். அகில இந்திய ஜிஹாத் கமிட்டியை உருவாக்கிய பாபாவுக்கு பெரும் ஆதரவு திரண்டது.

அன்றைய பிரபல முஸ்லிம் தலைவர்களான அப்துல் சமது சாஹிப், அப்துல் லத்தீப் சாஹிப் ஆகியோர் தங்களது களத்தை பற்றி கவலைப்படும் அளவுக்கு அவரது வளர்ச்சி இருந்தது.

அப்போது தான் பாட்டாளி மக்கள் கட்சி உருவாகியிருந்தது. டாக்டர்.ராமதாஸ் தமிழினப் போராளி என அறிமுகமானார். சிறையிலிருந்து பாபாவை அவர் சந்தித்து பிற்படுத்தப்பட்டோர், சிறுபான்மையினர். ஒடுக்கப்பட்டோர் ஓரணியாக திரளவேண்டிய அவசியத்தை வலியுறுத்தினார்.

அக்கால சூழலில் உத்திரப்பிரதேசம் மற்றும் பீகாரில் ஜனததளத்தின் கீழ் யாதவர்கள், முஸ்லிம்கள், தலித்துகள் உள்ளிட்டோர். ஓரணியாக திரண்டு ஆட்சியை கைப்பற்றியிருந்தனர்.

அதே போன்ற சூழலை தமிழகத்தில் ஏற்படுத்த வேண்டும் என இருவரும் விரும்பினர். அதன் எதிரொளியாகவே பாமகவின் தலைவர் பொறுப்பு வன்னியருக்கும், பொதுச் செயலாளர் பொறுப்பு தலித்துக்கும், பொருளாளர் பொறுப்பு முஸ்லிமுக்கும் பிரித்தளிக்கப்பட்டது.

அந்த வகையில் தீரன், தலித் எழில்மலை, குணங்குடி ஹனீபா ஆகியோர் முறையே அப்பொறுப்புகளை ஏற்றனர்.

கலைஞர் தனக்கு செய்த துரோகத்தை மறக்காத பாபா, முஸ்லிம் சமுதாயம் திமுகவின் மந்திரபோதையில் மயங்கி கிடப்தை இனியும் அனுமதிக்கக் கூடாது என முடிவெடுத்து களமிறங்கினார்.

ஜிஹாத் கமிட்டி சார்பில் நடைபெற்ற அனல் பறக்கும் பொதுக்கூட்டங்களில் திமுகவையும் , கலைஞரையும் தோலுரித்தார். திமுகவின் முஸ்லிம் ஓட்டு வங்கி கலையத் தொடங்கியது.

ஜிஹாத் கமிட்டியின் சார்பில் பொதுக்கூட்டங்கள் போட முடியாத இடங்களில் பாமகவின் சார்பில் பொதுக்கூட்டங்கள் ஏற்பாடு செய்யப்பட்டன.

பாபாவின் சில கருத்துக்கள் முக்கியமாக இருப்பதாக கூறுவோரும் உண்டு. அது எதிரிகளை மிரளவைக்கவும், சொந்த சமூகத்திற்கு நம்பிக்கையூட்டவும் அவர் அவ்வாறு பேசியதாக அரசியல் விமர்சகர்கள் கூறுகிறார்கள்.

வன்னியர்களுக்கும், தலித்துகளுக்கும் மத்தியில் அவரது செல்வாக்கு பல மடங்கு உயர்ந்தது. பாமாகவில் அப்போது பேரா. தீரனை தவிர வேறு யாரும் பேச்சாளர்கள் இல்லை. பாபாவின் வன்னியர் தலித் முஸ்லிம் ஒருங்கிணைப்பை வலியுறுத்தும் உரைகளை வன்னியர்களும், தலித்துகளும் வரவேற்றனர். அது சமூக நல்லிணக்கத்திற்கும் வழிகோலியது. அவரது உரையும் எதிரிகள் யார்? என்பதையும் மற்றவர்கள் நமது நண்பர்கள் என்பதயும் விளக்கும் விதமாக பக்குவமடைந்தது.

அதே நேரம் பாபாவை ஆர்.எஸ்.எஸ் போன்ற மதவெறி பயங்கரவாத சக்திகள் கண்காணித்துக் கொண்டே இருந்தனர்.

1992 டிசம்பர் 6 அன்று பாபர் மஸ்ஜித் தகர்க்கப்பட்டதை தொடர்ந்து தமிழகமெங்கும் ஜிஹாத் கமிட்டிதான் கண்டன சுவரொட்டிகளை தமிழகத்தில் துணிந்து ஒட்டியது.

அப்போது RSS, VHP போன்ற இயக்கங்கள் தடை செய்யப்பட்டபோது அதை சமன் செய்யும் உவிதமாக சிறுபான்மையினர் தரப்பிலிருந்து தேவையின்றி ஜமாத்தே இஸ்லாமியும் ISS-ம் தடை செய்யப்பட்டன.

உடனே பாபா பாபர் மஸ்ஜித்தை இடிப்பதை கண்டித்தும், காரணமின்றி ஜமாஅத்தே இஸ்லாமியும், ISS-ம் தடைசெய்யப்பட்டதை கண்டித்தும் சென்னையில் மேடை போட்டு கண்டித்தனர். அந்த துணிச்சல் பாபாவுக்கு மட்டுமே இருந்தது.

மயிலாடுதுறையில் பாபர் மஸ்ஜித் இடிப்பை கண்டித்து ஜிஹாத் கமிட்டி சார்பாக நடைபெறவிருந்த மாநாடு தடை செய்யப்பட்டது. பிறகு வோறாரு தேதியில் மீண்டும் நடைபெற்றது.

அம்மாநாட்டிற்கு வருவதாக வாக்களித்த கீ.வீரமணியும், வைரா முத்துவும் வரவில்லை. ஆனால் டாக்டர். ராமதாஸ், டாக்டர் சேப்பன், கிருஷ்ணசார் யாதவ் உள்ளிட்டோர் இருந்தனர்.

கூரைநாடு பாலத்திலிருந்து மாலை 5 மணிக்கு தொடங்கிய பேரணி இரவு 8 மணிக்கு மாநாடு நடைபெறுமிடத்திற்கு வந்து சேர்ந்தது.

வழியில் ஓரிடத்தில் பாபா அவர்கள் பேரணியை வரவேற்றுக் கொண்டிருந்தார். டாக்டர்.ராமதாஸ் மற்றொரு இடத்தில் வரவேற்றுக் கொண்டிருந்தார்.

இதுதான் ஜிஹாத் கமிட்டியின் முதலும், கடைசியுமான பேரணி & மாநாடகும். பல்லாயிரக்கணக்கானோர் திரண்டிருந்தனர்.

அப்போது நானும், எனது ஊரை சேந்தவர்களும் 4 வேன்களில் கலந்துக் கொண்டோம். எங்களை சுற்றியுள்ள வன்னிய கிராமங்களிலிருந்து எங்களை விட அதிக வேன்களில் வன்னியர்கள் திரண்டு வந்தனர்.

பாபாவை முதன் முதலாக நான் அப்போதுதான் பார்க்கிறேன். மேடையில் எல்லோரும் இருக்கும்போது, வேதாரய்ணம் ஒன்றிய பாமக செயலாளர் ராஜேந்திரன் என்னை மேடையில் வைத்து பாபாவிடம் அறிமுகம் செய்து வைத்தார்.

அவரது கரங்கள் மிகவும் மென்மையாக இருந்தது. இதுவே எனது முதலும், கடைசியுமான நேரடி சந்திப்பாகும்.

பாபர் மஸ்ஜித் இடிப்புக்கு பின்னால் தமிழக சிறுபான்மையினர் பெருமளவில் பாதிக்கப்பட்டனர். ஆனால், ஜிஹாத் கமிட்டியால் உரிய அளவில் எதிர்வினை ஆற்ற முடியவில்லை என்ற குறையும் எழுந்தது.

ஆயினும் பாபாவின் செல்வாக்கு குறையவில்லை. வெளிநாடுகளில் புலம் பெயர்ந்து உழைக்கும் தமிழக மக்களின் ஆதரவு அவருக்கு வலுவாக இருந்தது.

அன்றைய ஜெயலலிதா அரசின் அடக்குமுறைகள் மற்றும் தடா சட்ட பாதிப்புகளின் எதிர்வினைவால் 1995&ல் தமுமுக உருவாகியது.

ஜனநாயக போரட்டங்களின் வழியாக உரிமைகளையும், பாதுகாப்பையும் பெற வேண்டும் என்ற அடிப்படையில் பல்வேறு தரப்பு சிந்தனையாளர்களும் ஒருங்கிணைந்த வேளையில்; புதிய அமைப்பை தொடங்குவதை விட தற்போது தான் நடத்திக் கொண்டிருக்கும் தமுமுகவையே எடுத்துக் கொள்ளுங்கள் என்று அன்றைய பாமக பொருளாளர் குணங்குடி ஹனீபா அவர்கள் கூறியதை அனைவரும் ஏற்றனர்.

ஆர்ப்பாட்டம், பேரணி, முற்றுகை, பத்திரிகையாளர் சந்திப்பு என தமுமுகவின் பரபரப்பு நடவடிக்கைகளால் சமுதாயத்தின் கவனம் தமுமுக பக்கம் திரும்பியது.

அப்போது பாபாவின் செயல்பாடுகளும், பிரச்சாரங்களும் சற்று குறையத் தொடங்கின. அவர் மீது சிலர் அவதூறுகளையும், பழிகளையும் கூறியது அவரை பாதித்தது. அவர் சென்னையில் தங்குவதை விட கோபிச்சட்டிபாளையம், பொள்ளாட்சி என கொங்கு பகுதியில் அதிகமாக முகாமிட்டார்.

இந்நிலையில் தான் டாக்டர்.ராமதாஸ் சென்னையில் ஈழத்தமிழர்களுக்கான மாநாட்டை அறிவித்தார். அதில் பால்தாக்ரேயும கலந்துக் கொள்வார் என்றதும், பாபா கொந்தளித்தார்.

ராமதாசுடனான அவரது உறவு முற்றுப்புள்ளிக்கு வந்தது.

இனி அடுத்தவர்களுக்கு ஏணியாக இருப்பதை விட நாமே ஜிஹாத் கமிட்டியின் சார்பாக ஓர் அரசியல் கட்சியை ஏன் தொடங்கக் கூடாது? என்ற சிந்தனைக்கு அவரை தள்ளியது. இது தொடர்பாக அவர் நிறைய ஆலோசித்தாக அவரோடு நெருக்கமாக இருந்த தாம்பரம் காமில் என்னிடம் ஒருமுறை கூறினார்.

ஆனால் மதவெறி சக்திகள் அவரது உயிருக்கு குறி வைத்து சுற்றிக் கொண்டிருந்ததை ஏனோ அலட்சியப்படுத்திவிட்டார்.

1997 ஜனவரில் 28 ஆம் தேதி அப்போது ரமலான் மாதம். இஃப்தார் முடிந்த நேரம். பொள்ளாசியில் தனது கவுண்டர் சமுதாய நண்பரின் வீட்டிலில் தொலைக்காட்சி செய்திகளை பார்த்துவிட்டு வெளியே வந்து தனது ஜீப்பில் ஏறிய போது 6 பேர் கொண்ட பயங்கரவாத கும்பல் அவர் மீது வெடிகுண்டை வீசி சரமாரியாக வெட்டித் தள்ளியது.

எதிரியின் கையால் நான் வெட்டப்பட்டு சாக வேண்டும் என பிரார்த்திக்கிறேன் என பல மேடைகளில் அவர் முழங்கியவாரே அவர் ஷஹீதானார்.

தமிழகம் கொந்தளிப்பு

பாபா கொல்லப்பட்ட செய்தி இரவு 9 மணிக்கெல்லாம் பரவத் தொடங்கியது. தமிழகமெங்கும் மக்கள் தராவீஹ் தொழுகையில் ஈடுபட்டுக் கொண்டிருந்தனர். அப்போது இப்போதிருப்பது போல் எல்லோரிடமும் செல்போன் வதிகள், ஈமெயில், குறுஞ்செய்தி வசதிகள் எதுவும் இல்லை.

பல ஊர்களுக்கு ஷஹர் நேரத்தில்தான் செய்தி போய் சேர்ந்தது. பலரும் பதறினார்கள். பெண்கள் எல்லாம் கூட அழுதார்கள்.

ஆங்காங்கே கல்வீச்சுகளும், பேருந்து உடைப்புகளும், கடை அடைப்புகளும் நடைபெற்றன. வன்னிய மக்களும், தலித்துகளும், முஸ்லிம்களும் மற்ற சமூகங்களும் கொந்தளித்து பாபாவுக்காக ஆங்காங்கே மவுன பேரணிகளை நடத்தினார்கள்.

தாம்பரம் உள்ளிட்ட பல ஊர்களில் கலவரம் 6 முஸ்லிம்கள் கொல்லப்பட்டார்கள் காவல்துறை அராஜகம் செய்தது.

வைகோ, அப்துல் சமது, லத்தீப், ராமதாஸ் போன்ற தலைவர்கள் இரங்கள் அறிக்கை வெளியிட்டார். ஆனால், கலைஞர் சட்டமன்றத்தில் பாபாவை குற்றவாளி போல பதிவு செய்தார்.

அவர் MGR-க்கும் பின்னர் தனக்கும் நெருக்கமாக இருந்தவர். என்றும் பிறகு கடுமையாக விமர்சித்தவர் என்றும் பேசினார். பழைய நட்புக்காக கூட இரங்கள் அறிக்கை வெளியிடவில்லை.

வெளிநாடுகளில் வாழும் தமிழக மக்கள் பெரும் வேதனையில் ........

தமுமுக சார்பில் பாபாவின் படுகொலையை கண்டித்து சென்னை உள்ளிட்ட பல ஊர்களில் கண்டன ஆர்ப்பாட்டங்கள் நடத்தப்பட்டது. தமுமுகவின் ஆர்ப்பாட்டத்திற்கு அப்போதுதான் பல தரப்பு மக்களும் பெருமளவில் கலந்து கொண்டனர்.

பாபாவின் உடல் அவரது சொந்த ஊரான புது ஆயக்குடிக்கு எடுத்து செல்லபபட்டது. பல்வேறு சமூகங்களை சேர்ந்த பல்லாயிரக்கணக்கான மக்கள் கலந்து கொண்டனர். தமுமுக சார்பில் பொதுச் செயலாளர் செ.ஹைதர் அலி, இந்திய தேசிய லீக் சார்பில் அப்போதைய சட்டமன்ற உறுப்பினர் நிஜாமுதீன் டாக்டர.ராமதாஸ், டாக்டர் சேப்பன் காங்கிரஸ் கட்சியைச் சேர்ந்த ஹாரூண் உள்ளிட்டோர் கலந்து கொண்டனர்.

அவரது படுகொலையை கண்டித்து சென்னை புதுக்கல்லூரியில் படித்து கொண்டிருந்த நாங்கள் எங்கள் எதிர்ப்புகளை ஜனநாயக வழியில் வெளிப்படுத்தினோம்.

பாபாவும் - சீர்த்திருத்த சிந்தனைகளும்...

பாபாவை சலர் வன்முறையாளர் போன்றே ஆரம்பத்தில் பலர் பிரச்சாரம் செய்தார். அதற்கு அவரது சில பேச்சுகளை உதராணம் காட்டினர்.

1989&க்கு பின்னால் பேசிய அவரது உரைகள் எல்லா சமூகங்களாலும் ஏற்றுக் கொள்ளப்பட்டன. அவரும் தனது உரையின் போக்குகளை கால சூழலுக்கேற்ப மாற்றிக் கொண்டனர். குறிப்பாக அவர் மரணமடைவதற்கு சில வாரங்களுக்கு முன்னால் பேசிய மூன்று பேச்சுகள் முக்கியமானவை.

திருவாரூர் மாவட்டம் அத்திக்கடையில் பேசிய உரையில் இணைவைப்புக்கு (ஷிர்க்) எதிராக கடுமையாக பேசினார். ராமநாதபுரம் தேவிப்பட்டினத்தில் பேசிய உரையில் அழைப்புபணி (தாவா) குறித்த அக்கரையை வெளிப்படுத்தினார். நாகை மாவட்டம் திட்டச்சேரியில் பேசிய உரையில் வரதட்சனையை கண்டித்து பேசினார்.

இதுதான் அவரது கடைசி உரைகள். மூன்றுமே அவரது கடைசி கால என்ன ஓட்டங்களையம், ஈடுபாடுகளையும் உணர்த்துவதாக உள்ளன. ஒரு மனிதனின் கடைசிகால வாழ்க்கையின் நகர்வுகள்தான் அவரை சரியாக தீர்மானிக்க உதவுகின்றன.

அவரை விமர்ச்சிப்பவர்கள் இதை புரிந்துக்கொள்ள வேண்டும்.

பாபாவும் - சமூக நல்லிணக்கமும்

பாபா, உயர்சாதி ஆதிக்க சக்திகளுக்கு எதிராக பிற்படுத்தப்பட்டோர், தலித்துகள், சிறுபான்மையினர் இடையே வலுவான உறவையும், கூட்டணியையும் ஏற்படுத்த பாடுபட்டார்.

வன்னியர் சங்கம், நாடார் சங்கம், தேவர் பேரவை, யாதவர் சங்கம், கொங்குவேளாளர் பேரவை, உள்ளிட்ட பிற்படுப்பட்ட இயக்கங்களோடு உறவு பாராட்டினார். தலித் அமைப்புகளோடு அளவாளவினார்.

இது மதவெறி சக்திகளை தனிமைப்படுத்தி, சமூக நல்லிணக்கதையும், சமூக நீதியையும் காக்க உதவும் என நம்பினார். அவ்வாறே செயல்பட்டார். பல இடங்களில் மதக் கலவரங்கள் ஓய இது உதவியது.

பா.ஜ.க தலைவராக இருந்த முரளி மனோகர் ஜோஷி ஏக்தா (ஒற்றுமை) யாத்திரை என்ற பெயரில் குமரி முதல் காஷ்மீர் வரை ஊர்வலம் நடத்தினார்.

அப்போது அதைக் கண்டித்து ஜிஹாத்கமிட்டியும், நாடார் சங்கமும் இணைந்து சுவரொட்டி ஒட்டினர். நாடர்கள் நிறைந்த& மத வெறி சக்திகள் வலுவான குமரி மாவட்டத்தில் இது ஒரு பரபரப்பை & ஆச்சர்யத்தை ஏற்படுத்தியது. இது பாபாவின் முயற்சிக்கு கிடைத்த ஒரு வெற்றி எனலாம்.

அதுபோல் வட மாவட்டங்களில் எதிரும்&புதிருமாக இருந்த டாக்டர் ராமதாசையும் & திருமாவளவனையும் பாண்டிச்சேரியில் தனது மேடையில் ஒன்றாக அமர வைத்தார்.

தென் தமிழகத்தில் டாக்டர் கிருஷ்ண சாமியுடனும், சமீபத்தில் கொல்லப்பட்ட பசுபதி பாண்டியனோடும் நெருக்கமா இருந்து அம்மக்களின் மேம்பாட்டிற்காக குரல் கொடுத்தார்.

தமிழ் தேசிய தலைவர்களான பழ.நெடுமாறன், சுப.வீ., தோழர்.தியாகு என பலரோடும் நட்போடு இருந்தார்.

தமிழ்நாடு விடுதலைப் படையை உருவாக்கிய தமிழரசன், பொன்பரப்பியில் கொல்லப்பட்டபோது அதை பகிரங்கமாக கண்டித்தார். இருவரும் சிறைத் தோழர்களாக இருந்தவர்கள்.

பாபாவின் மொழிப்பற்றையும், தமிழ் தேசிய சிந்தனைகளையும் இப்போது மெச்சுகிறார் தோழர் சீமான். பெரிய தலைவர்களோடு அவரது உறவு இயல்பானதாக இருந்தது.

ஈழத் தமிழர்களுக்காக குரல் கொடுத்த பாபா, புலிகள் முஸ்லிம்கள் மீது நடத்திய வன்முறைகளை கண்டித்து, புலிகளை எதிர்த்தும் முழங்கினார்.

முக்குலமுரசு, அல் முஜாஹித், புனித் பேராளி போன்ற வார இதழ்களை நடத்தி மக்களுக்கு விழிப்புணர்வு கொடுத்தார்.

பாபா பைபிள் குறித்து எழுதிய நாவலும் இந்துஸ்தானத்திற்கு ஆபத்தா? என்ற ராமகோபால ஐயருக்கு எழுதிய மறுப்பு நூல் புகழ்பெற்றவை.

'கர்பலா’ குறித்து அவர் ஆற்றிய உருக்கமான காவிய உரை புகழ்பெற்றது அதன் ஆதார தகவல்கள் குறித்து எனக்கு அதில் பல மறுக்கப்பட்ட கருத்துகள் இருந்ததாலும்; அவர் கையாண்ட சொல்லாடல்கள் கவனத்திற்குரியவை.

பாபாவும், சமுதாயமும்...

அவர் முஸ்லிம் லீக் தலைவராக இருந்த அப்துல் சமதுவை கடுமையாக விமர்சித்தார். அதே நேரம் 1991ல் பாமக கூட்டணியில் முஸ்லிம் லீக் இணைந்த போது அதை வரவேற்றார் பாபா இறந்த போது மணிச்சுடரில் சமது சாஹிப் எழுதிய கட்டுரை பலராலும் பாராட்டப் பெற்றது.
அதுபோல் அப்துல் லத்தீப் சாஹிப் அவர்களை விமர்சித்தார். ஒரு முறை ஆப்ரேசனுக்காக மருத்துவமனையில் சேர்த்தார் லத்தீப் சாஹிப் உடனே ஓடிச் சென்று அவரை பார்த்தார் பாபா.

பாஷா, மதனி போன்றோரோடு அவருக்கு நட்பு இருந்தது. பாம்பே, ஹாஜி மஸ்தானோடும் நெருக்கமாக இருந்தார்.

காங்கிரஸ் கட்சியை ஹாரூண் விறி பாபாவின் மீது அனுதாபம கொண்டார். பாமகவில் இருந்தபோது எனக்கு பல வகையிலும் பாபா அவர்கள் ஆதரவளித்தாக கூறுகிறார் குணங்குடி ஹனீபா.

வேறுபட்டவர்களோடும், மாறுபட்டவர்களோடும் நட்பை பேணினார் பாபா.

தேவிப்பட்டினம் மற்றும் தொண்டியில் தமுமுகவை பற்றி விமர்சித்தார். அது அப்போது தமுமுகவில் இருந்து குறிப்பிட்ட ஒரு தலைவருக்கும், அவருக்கும் இடையே இருந்த வருத்தங்களும், கோபங்களுமே தவிர; வோறொன்றுமில்லை.

அதே நேரம் தமுமுகவின் செயல்பாடுகளை பாபா விமர்சிக்கவில்லை. அதன் முக்கிய தலைவர்களான ஜவாஹிருல்லாஹ், ஹைதர்அலி ஆகியோரை அவர் தாக்கியதில்லை.

அவர் கடைசியாக பேட்டிக் கொடுத்தது தமுமுக சார்பில் அப்போது வெளியான ஒரு வார இதழுக்குதான். அவரை பேட்டிக் கண்டவர் காரைக்காலைச் சேர்ந்த சலீம்.

விதி என்ன தெரியுமா? அவரது பேட்டி வெளியான போது, அவரது மரணச் செய்தியும் சேர்ந்து வெளியானது.

பாபாவுக்காக பிரார்த்திக்கிறோம்....

சிங்கப்பூர், இலங்கை உள்ளிட்ட நாடுகளிலும் மும்பை போன்ற நகரங்களிலும் பாபா பேசியிருக்கிறார்.

பாபா சிறந்த பேச்சாளர். வசீகர எழுத்தாளர். அவர் தகுதியான இரண்டாம் கட்ட தலைவர்களை உருவாக்காமல் போனதும்,ஜிஹாத் கமிட்டியை நிர்வாக நீதியாக வலிமைப்படுத்தாமல் போனதும் அவரது மிகப் பெரிய தவறாக பார்க்கப்படுகிறது.

ஆயினும், பாபாவின் உரைகள் இப்போதும் CDகள் வழியாக பரப்புரையாற்றுகின்றன. பலருக்கு வாகனங்களில் பாபாவின் CDகள் தான் பயணத்துணையாக அமைகின்றன. அவரது வீடியோ உரைகள் இணைய தளங்களில் பெரும் வரவேற்பை பெற்றுள்ளன.

ஒரு மனிதர் இறந்த 10 ஆண்டுகளுக்கு பிறகு அவரது செல்வாக்கு எப்படி உள்ளது? என்பதை பார்த்த பிறகே அவரது சமூக பங்களிப்பின் வலிமையை புரிய முடியும்.

எதிர்வரும் ஜனவரி 28, 2012 தேதியுடன் பாபா ஷஹீதாகி 15 வருடங்கள் நிறைவுகிறது.

ஆயினும் பாபாவின் தாக்கம் குறையவில்லை. அவர் அறிந்தும், அறியாமலும் செய்த பாவங்களை இறைவன் மன்னித்து; அவருக்கு ஜன்னத்துல் பிர்தௌஸ் என்னும் அழகிய சுவர்க்கத்தில் இடமளிக்க வல்லோனை பிரார்த்திப்போம்.

2012-02-05T12:23:00.004+04:00

சமுதாய போராளிகள்!

450 ஆண்டுகளுக்கு மேலாக இறைவனை மட்டுமே வணங்கிவந்த இறையில்லாமான பாபரி மஸ்ஜித் 1992 டிசம்பர் – 6 ஆம் தேதி ஹிந்துத்துவ பயங்கரவாதிகளால் கரசேவை என்னும் போர்வையில் இடித்து தரைமட்டமாக்கப்பட்டது. அதனை தொடர்ந்து இந்தியா முழுவதும் முஸ்லிம்கள் திட்டமிட்டு தாக்குதலுக்குள்ளாக்கப்பட்டார்கள். முஸ்லிம்களின் சொத்துக்களும், உயிர்களும் சூறையாடப்பட்டன. மும்பையில் ஆயிரக்கணக்கான முஸ்லிம்கள் கொல்லப்பட்டார்கள். அல்லாஹ்வி...ன் ஆலயத்தை இடித்த கயவர்களை கண்டித்தும் உடனடியாக அதே இடத்தில் இறையில்லம் கட்டப்படவேண்டும் என்று தமிழக முஸ்லிம்கள் ஜனநாயக வழியல் கண்டன சுவரொட்டி ஒட்டியதற்கெல்லாம் தடா போன்ற கொடிய சட்டங்களுக்குள் அடைக்கபட்டு சிறைபிடிக்கபட்டார்கள். அடக்குமுறைகளும், அநியாயங்களும் முஸ்லிம் சமுதாயத்திற்கு எதிராக தலைவிரித்து ஆடின. காலமும் மெல்ல உருண்டோடின. இப்படி பல்வேறு சோதனைகளுக்கு ஆளாக்கப்பட்ட முஸ்லிம் சமுதாயம் நொந்து நூலாகி கேட்பாரற்று நின்ற நிலையில்தான் இழந்த உரிமையை மீட்ப்போம், இருக்கின்ற உரிமைகளை காப்போம் என்ற வீரமுழக்கத்தோடு 1995 ல் வெளிஉலகத்திற்கு கொண்டுவரப்பட்டது தான் சமுதாய பேரியியக்கமான தமிழ்நாடு முஸ்லிம் முன்னேற்றக் கழகம் த.மு.மு.க

பல்வேறு சோதனைகளுக்கு மத்தியிலும், பொருளாதார நெருக்கடிகளுக்கு மத்தியிலும், தன் சொந்த சமுதாயத்தினரின் காலை வாரிவிடும் துரோக செயல்களுக்கு மத்தியிலும், பல்வேறு வசைபாடல்களுக்கு மத்தியிலும் வெற்றி பாதையை நோக்கி தமுமுகவை அழைத்து சென்று வீரநடை போடவைத்த தமுமுகவின் தலைவராகவும், பொதுச் செயலாளராகவும் கிட்டதட்ட 15 ஆண்டுகள் பதவிவகித்த பேராசிரியர்.முனைவர்.எம்.ஹெச்.ஜவாஹிருல்லாஹ் அவர்களும், அண்ணன் செ.ஹைதர் அலி அவர்களும் தமுமுகவின் கொள்கை விதிகளின் படி தலைவர் மற்றும் பொது செயலாளர் பதவியிலிருந்து தற்பொழுது விடுபடுகின்றார்கள்.

தடைகளை தகர்த்த வரலாறும், அடக்குமுறைகளை கண்டு வீருகொண்டு எழுந்த வீரியத்தையும் த.மு.மு.கவுக்கு பெற்றுக்கொடுத்த பெறுமை இவர்கள் இருவரையும் சாரும் என்றால் அது மிகையாகாது. அப்படிபட்ட கம்பீரத்தோடு தனக்கே உரியபானியில் தொடர்ந்து சமுதாய பணியாற்றி வந்து கொண்டிருக்கும் த.மு.மு.க வின் அடுத்த தலைவர்களுக்கு இவர்கள் இருவர்களும் வழிவிட்டு மூத்த தலைவர்களாய் இருந்து இன்ஷா அல்லாஹ் வழிநடத்துவார்கள்.

எத்தனை எத்தனை போராட்டங்கள், எழுச்சி மிகுந்த ஆர்பாட்டங்கள், ஒற்றை கோரிக்கைகளை வலியுறுத்தி மாநாடுகள், எண்ணிலடங்கா பொதுக்கூட்டங்கள், தமிழகளவில் பிரமாண்ட மாநாடுகள் என தடைகளை உடைத்தெரிந்தே களம் அமைத்தவர்கள், சிதறிக்கிடந்த முஸ்லிம் சமுதாயத்தை தனது உரிமைக்காக போராட்டக்குணத்தோடு படைகளாக புறப்படவைத்தவர்கள், நமது உரிமைகளுக்காக அரசு கதவுகளை தட்டுவோம் சினங்கொண்டுவா என சமுதாயத்துக்கு அறைகூவல் விடுத்தவர்கள், தங்களது குருதிகளால் தமிழகத்தில் மனிதநேயத்தை மலரச்செய்தவர்கள், அவசர உதவிகளுக்கு சாதி,மதம் பாராது ஓடோடி உழைக்கின்றவர்கள் என கம்பீர மிடுக்கை த.மு.முக வுக்கு உருவாக்கிய தலைவர்கள் வழிவிடுகின்றார்கள் அடுத்த தலைமுறையினர்களுக்கு....

யா அல்லாஹ் எந்த சுயநலமும் இல்லாமல் சமுதாயத்துக்காய் அயறாது உழைத்த, உழைக்க இருக்கின்ற த.மு.மு.க வின் சமுதாய போராளிகள் அணைவருக்கும் நீண்ட ஆயுளையும், நிறைந்த செல்வத்தையும் தந்து தொடர்ந்து சமுதாயத்திற்கு போராட வழிவகுத்துத்தருவாயாக....

தற்பொழுது த.மு.மு.க மற்றும் ம.ம.க வின் புதிய நிர்வாகிகளாக...

தலைவர்- மவ்லவி. அண்ணன்.ஜே.எஸ்.ரிஃபாயி ரஷாதி

பொதுச் செயலாளர் – அண்ணன்.பி.அப்துல் சமது

பொருளாளர் – அண்ணன்.ஒ.யு.ரஹ்மத்துல்லாஹ்

ம.ம.க வின் பொதுச் செயலாளர் – அண்ணன்.எம்.தமிமுன் அன்சாரி

இவர்களின் பணி சிறந்து விளங்க எல்லாம் வல்ல ஏக இறைவனிடம் இரு கரம் ஏந்துகின்றோம்.

சமுதாய பாசத்துடன் முத்துப்பேட்டை முகைதீன்

2011-10-22T12:03:00.005+04:00

சகோதரர்களுக்கு அஸ்ஸலாமு அலைக்கும் வரஹ்…

ஒற்றுமை, ஒற்றுமை என தற்பொழுது பேசிக்கொண்டிருக்கும் சகோதரர்களே, இதுபோன்ற இக்கட்டான சூழ்நிலைகளிலும், அல்லது விநாயகர் ஊர்வலத்தின் போதும் மட்டும்தானே ஒற்றுமை கோசத்தை எழுப்புகின்றீர்கள்? ஏன் இதே ஒற்றுமை கோசம் சாதாரண நேரங்களில் எழ மறுக்கின்றது?

சமார் குறைந்தது 10,000 முஸ்லிம்கள் (இது சரியான கணக்கல்ல) உள்ள முத்துப்பேட்டையில் அணைத்து ஜமாத்துகளும் ஒன்று சேர்ந்து பொதுநலன் கருதியும், ஊரிண் நலன் கருதியும் சரியாண முடிவு எடுக்க முடிகின்றதா? அவ்வாறு எடுக்கும் முடிவுக்காவது உங்களால் கட்டுபட்டு நடக்க முடிகின்றதா?

ஒரு வழுவான அணைத்து ஜமாத்தை உருவாக்க முதலிலே நம்மால் முடிகின்றதா? அப்படி உருவாக்கினால்தான் நம் சகோதரர்கள் நிர்வாகத்திற்கு ஒத்துழைப்பு வழங்குகின்றோமா?

காயல்பட்டினம் போன்ற பகுதிகளை பாருங்கள் “ஜமாத்” பொது வேட்பாளரை தேர்ந்தெடுத்து பதவிகளுக்கு அனுப்புகின்றது. இது முத்துப்பேட்டை போன்ற முஸ்லிம்களின் ஊர்களில் நிறைவேற எவ்வளவு நேரம் ஆகப்போகின்றது? ஆனால் முயற்சி இல்லை.

நமக்கு அருகாமையில் இருக்கும் அதிராம்பட்டினத்தில் சம்சுல் இஸ்லாம் என்ற வழுவான சங்கம் பொதுநலன் கருதி வேட்பாளாரை தேர்ந்தெடுத்து வெற்றி பெற வைக்க முடிகின்றது, கீழக்கரையில் ஜமாத்துகள் இணைந்து பொது வேட்பாளரை தேர்ந்தெடுக்கின்றது உடனே இயக்கங்கள் பொது வேட்பாளருக்கு ஆதரவு தெரிவித்து ஒதுங்குகின்றன. இதே நிலை முத்துப்பேட்டையில் நடக்காதா? முயற்சி செய்வோம்… வெற்றி பெறுவோம்.. இனி வரும் காலங்களிலாவது சகோதரர்கள் குறிப்பாக ஜம்மாத்தார்கள் தாங்கள் பொறுப்புணர்வுகளை உணர்ந்து நடப்போம்.

இதற்கெல்லாம் தீர்வுகான முத்துப்பேட்டை சகோதரர்கள் தயாறா? அல்லது ஒற்றுமையை வெறுமனே வார்த்தையிலும், எழுத்திலும் மட்டுமே காட்டிக்கொண்டு இருக்கப்போகின்றோமா?

கூடி உழைத்தால் கோடி நன்மை என்பதை உணர்ந்து கொள்வோமா?

அல்லாஹ் இம்மையிலும் மறுமையிலும் வெற்றியை தருவானாக…

– அமீரகத்திலிருந்து முத்துப்பேட்டை முகைதீன்

2011-09-29T13:10:00.004+04:00

அன்புச் சகோதரர்களுக்கு அல்லாஹ்வின் சாந்தியும் சமாதானமும் உண்டாவதாக...

முத்துப்பேட்டை பேரூராட்சிக்கு மனிதநேய மக்கள் கட்சியின் வேட்பாளர்கள் தலைமையால் அறிவிக்கப்பட்டுள்ளது. அல்ஹம்துலில்லாஹ்...

முத்துப்பேட்டை பேரூராட்சி தலைவருக்கு சகோதரர்.எஸ்.முஹம்மது மாலிக் {மாஷா மாலிக்} அவர்கள் போட்டியிடுவார்கள்....

3 வது வார்டுக்கு சகோ.வழக்கறிஞர்.எல்.தீன் முஹம்மது அவர்கள் போட்டியிடுவார்கள்.

13 வது வார்டுக்கு சகோ.எம்.நெய்னா முஹம்மது அவர்கள் போட்டியிடுவார்கள்.

7 வது வார்டுக்கு சகோ.எஸ்.ஜெஹபர் சாதிக் அவர்கள் போட்டியிடுவார்கள்.

அன்புச் சகோதரர்களே சமுதாயத்திற்காக அன்றாடம் உழைத்து கொண்டிருக்கும் சமுதாய போராளிகள் களத்தில் இறங்கியுள்ளனர். உங்களுடைய பொன்னான வாக்குகளை மமக வேட்பாளர்களுக்கு அளித்து வெற்றி பெற செய்யுங்கள்.

-- முத்துப்பேட்டை முகைதீன்

2011-09-05T17:46:00.002+04:00

நெல்லிக்குப்பம் அருகில் புதிய பள்ளிவாசல் திறப்பு நிகழ்ச்சி

நெல்லிக்குப்பத்திற்கு அருகில் உள்ள வாழப்பட்டு திருக்கண்டேஸ்வரத்தில் கடந்த ஞாயிறு அன்று அல் ஹக்கீம் மஸ்ஜித் திறப்பு விழா நடந்தது.இந்நிகழ்ச்சிக்கு கடலூர் மாவட்ட தமுமுக செயலாளரும், நெல்லிக்குப்பம் இஸ்லாமிய ஐக்கிய மஜ்லீஸ் தலைவருமான சகோ. ஷேக் தாவூத் தலைமை தாங்கினார். மௌலவி பதுருதீன் பயாஜீ கிராஅத் ஓதி நிகழ்ச்சியை துவக்கி வைத்தார்.வரவேற்புரையை இஸ்லாமிய ஐக்கிய மஜ்லீஸ் பொருளாளர் A. முஹம்மது அபுசாலிஹ் வழங்கினார்.

சின்னத்தெரு, பெரியதெரு, மீலாதுவீதி, புதுத்தெரு, குத்பாபள்ளி, முள்ளிகிராம் பட்டு, மாருதி நகர் ஜமாத் நிர்வாகிகள் முன்னிலை வகித்தனர்.S.M.ஜின்னா தமுமுக மாநில துணைப் பொதுச் செயலாளர், மௌலவி அப்துல் ரஜாக் உலவி, மௌலவி நூருல்லாஹ் மன்ஃபயி, மௌலவி அப்துல் ஹக் ஜமாலி, மௌலவி அப்துல் கரீம் காஸிமி, சகோ ஜெய்னுத்தீன் B.A சகோ A முஹம்மது இப்ராஹிம் ஆகியோர் வாழ்த்துரை வழங்கினர்.

பள்ளிவாசலை திறந்து வைத்து தமுமுகவின் மாநில பொதுச் செயலாளர் சகோ S. ஹைதர் அலி அவர்கள் சிறப்புரை ஆற்றினார்.நகர தமுமுக தலைவரும் நெல்லிக்குப்பம் இஸ்லாமிய ஐக்கிய மஜ்லீஸ் துணைத் தலைவர் K. அப்துல் ரஹிம் நன்றியுரை ஆற்றினார்.

இந்நிகழ்சியில் இரண்டாயிரத்துக்கும் அதிகமானோர் பங்கு பெற்றனர்.

2011-09-05T17:44:00.003+04:00

உயிருக்கு போராடும் இச்சிறுவனுக்கு உதவிடுங்கள்!

அஸ்ஸலாமு அலைக்கும் (வரஹ்)

அனபார்ந்த சகோதர்களே!

மதுரையில் என்னுடைய உறவினர் வீட்டு அருகில் சிறுவன் ஒருவனுக்கு கேன்சர் இருக்கிறது. அதற்கு இந்திய ரூபாய் 4,00,000 தேவைபடுகிறது. உயிருக்கு போராடும் இந்த சிறுவனின் உயிரை காப்பாற்ற அன்புக்குரியவர்களே உதவுங்கள். அல்லாஹ் உங்களுக்கு இம்மையிலும் மறுமையிலும் நன்மை அருள் செய்வான்!இத்துடன் Meenakshi Mission Hospital உடைய மருத்துவ செலவுக்கான விபரங்கள் இணைத்துள்ளேன் . வஸ்ஸலாம்.--

முஹம்மது அல்தாஃப்.

2011-09-05T17:41:00.003+04:00

வேண்டும் ஹிந்தி.

ஒப்பற்ற இறைவனின் திருப்பெயரால்..

தமிழர்கள் இன்றைய காலச்சூழ்நிலையில் தங்களின் செல்வத்தை பெருக்கிக் கொள்வதற்கும் அல்லது வறுமையான நிலையில் இருந்து விடுபடுவதற்கும் பிழைப்புத்தேடி பல்வேறு நாடுகளுக்கு பயணித்து பல இன்னல்களுக்கு மத்தியில் தங்களது வாழ்க்கையை கழித்து வருகின்றனர். குறிப்பாக வளைகுடா நாடுகளிலும் தமிழர்கள் பல்வேறு நிறுவனங்களில் வேலை புரந்து வருகின்றனர். அவ்வாறு முதன் முதல் வளைகுடா நாடுகளுக்கு வரும் தமிழர்கள் முதலில் படும் அவலம் மொழி தெரியாமல் மற்ற நாட்டினரால் மதிக்கப்படாமல் நடத்தப்படுவதுதான். ஹிந்தி மொழி தெரியாது என்பதற்காக எந்தளவிற்கு இழிவுபடுத்தப்படுவார்கள் என்பது வளைகுடா நாடுகளுக்கு வருகை தந்த ஒவ்வொரு தமிழனுக்கும் தெரியும்.

உதாரணமாக ஒரு சம்பவத்தை கூறுகின்றேன் ஹிந்தி தெரியாத தமிழ் சகோதரர் ஒருவரிடம் படுகேவலமான சில வார்த்தைகளை சொல்லிக்கொடுத்து அதனை அடுத்த சகோதரரிடம் போய் சொல் என்று கூறிருக்கின்றான் ஒருவன். அந்த ஹிந்தி வார்த்தையின் அர்த்தம் புரியாத அந்த தமிழ் சகோதரரும் மற்றவரிடம் கூறியபொழுது இருவருக்கும் மத்தியில் அடிபுடி தகராறே அரங்கேறியுள்ளது. இப்படி ஹிந்தி அறியாத ஒரே காரணத்திற்காக நம் சகோதரர்கள் சந்திக்க நேரிடுகின்றது. இந்த அவலமான நிலையை போக்கிட ஹிந்தியை கற்றுக்கொள்ளும் ஆர்வத்தை நம் சந்ததிகளுக்கு ஏற்படுத்த வேண்டும்.

சொந்தங்களே தமிழ் என்பது நமது தாய்மொழி, ஹிந்தி என்பது நம்முடைய வாழ்க்கையில் தேவையான ஒன்றாகிவிட்டது. ஆகவே தமிழகத்தில் ஹிந்தி மொழியை ஒரு பாடமாக்க அணைவரும் ஆட்சியாளர்களை வலியுறுத்துவோம். நம்முடைய அண்டை மாநிலமான கேரளாவில் அடிப்படை கல்வியிலேயே ஹிந்தியை ஒருப்பாடமாகவே வைத்துள்ளார்கள் ஆகவேதான் மலையாளிகள் அணைவரும் ஹிந்தி அறிந்தவர்களாகவே வளைகுடா நாடுகளில் அடிஎடுத்து வைக்கின்றார்கள். இதனை உணர்ந்து நாமும் விழித்துக்கொள்வோமா?

தமிழ் எங்கள் தாய் மொழி

ஹிந்தியும், ஆங்கிலத்தையும் கற்பிப்போம்.

-- முத்துப்பேட்டை முகைதீன்.

2011-09-05T17:34:00.003+04:00

படிப்பினை தந்த ராமளான்...

ஒப்பற்ற இறைவனின் திருப்பெயரால்...

மாதத்தில் சிறந்த மாதம் ரமாளான் மாதம் உண்ண உணவு இருந்தும், பருக பாணம் தண்ணீர் இருந்தும், தன் அருகில் ஹலாலான மனைவி இருந்தும் தனக்கு தானே மனகட்டுபாடுகளை இறைவனுக்கு அஞ்சி பயபக்தியோடு கடைபிடித்து மறுமைக்கான நல் அமல்களை அதிகமதிகம் சேர்த்துக்கொண்ட மாதமாய் ரமாளான் மாதம் திகழ்நதது அல்ஹம்துலில்லாஹ். பசியோடு இருந்து படிப்பினை பெற்ற இந்த ரமளானை முன்மாதிரியாய் எடுத்துக்கொண்டு மீதமுள்ள 11 மாதத்தையும் இறை பக்தியோடு எதிர்கொள்வோம் இறைவன் நாடினால்..

ஒவ்வொரு தினமும் நாம் நோன்பு இருந்து அன்றைய தினம் முழுவதும் இறைவனுக்கு செலுத்த வேண்டிய வணக்கங்களை முறையாக செலுத்தி தனிமையிலும் இறைவனை அஞ்சி உண்மையான மார்கத்தை பின்பற்றி மாலை பொழுதில் நோன்பு திறப்பதற்காக அமரும் பொழுது நம் அருகில் விதவிதமாய் உணவுகள், அதே நேரத்தில் நோன்பு திறப்பதற்கு கூட போதுமான உணவுகள் இல்லாமல் எத்தனை பேர், சோமாலியா போன்ற எழை நாடுகளின் வறுமையையும், பசியையும் நாம் அதிகம் உணரமுடிந்தது இந்த புனிதமிகு ரமாளானில் தான். ஒரே நேரத்தில் ஒருபக்கம் பலவகை உணவுகள், மறுபக்கம் உணவே இல்லாத வறுமை நிலை. அல்லாஹ் நாடியோருக்குத்தான் தனது கஜானாவில் இருந்து வாரி வழங்குவான் என்பதையும் உணரமுடிந்ததோடு அந்த ஏழை மக்களுக்கு நம்மால் ஆன பொருளாதார உதவியை செய்ய தூண்டுதலாய் அமைந்த மாதமும் இந்த ரமாளான் மாதம். இப்படி பல வகையிலும் இறைவனுக்காகவே முழுமையாக தங்களை அர்பணித்து வாழ்ந்த மாதமாய் திகழ்ந்த இந்த ரமாளான் மாதம் நம்மை விட்டு கடந்து ஓரிரு நாட்கள் ஆகிவிட்டாலும் அதே படிப்பினையோடும், பக்குவத்தோடும் மீதமுள்ள மாதங்களை கழித்து ஏக இறைவனின் அருளை தொடர்ந்து பெறுவோம் இன்ஷா அல்லாஹ்..

சமூகத்தில் வறுமை ஒழியட்டும்...

செல்வம் கொழிக்கட்டும்...

ஒற்றுமை ஓங்கட்டும்...

மனிதநேயம் மலரட்டும்...

இறைவனை அஞ்சுவோம்.

மறுமையில் சுவனத்தை பெறுவோம்..

-- முத்துப்பேட்டை முகைதீன்.

2011-09-05T17:31:00.003+04:00

முத்துப்பேட்டையில் 10ம் தேதி விநாயகர் ஊர்வலம் ; 2 ஆயிரம் போலீஸ் பாதுகாப்பு

முத்துப்பேட்டையில் விநாயகர் சிலை ஊர்வலம் வரும் 10ம்தேதி நடக்கிறது. இதையொட்டி 2 ஆயிரம் போலீஸ் பாதுகாப்பு போடப்படுகிறது என்று மத்திய மண்டல ஐஜி மாஹாலி நேற்று ஆய்வு செய்தார்.

முத்துப்பேட்டையில் விநாயகர் சிலை ஊர்வலம் வரும் 10ம் தேதி நடைபெறுகிறது. இதையொட்டி ஊர்வலம் துவங்கும் இடமான ஜாம்புவானோ டை சிவன்கோயிலில் துவங்கி ஊர்வலம் வரும் பாதை உள்பட அனைத்து இடங்களை மத்திய மண்டல ஐஜி மாஹாலி நேற்று பார்வையிட்டு ஆய்வு செய்தார்.

அப்போது அவர், ‘’ கடந்த ஆண்டு ஊர்வலம் நடை பெற்ற பாதையிலே இந்தாண்டு ஊர்வலம் நடைபெறும். இந்தமுறை கூடுதலாக கண்காணிப்பு கேமிராக்கள் பொருத்தப்பட்டு கண்காணிக்கப்படவுள்ளது.

சுமார் 2 ஆயிரம் பேர் பாதுகாப்பு பணியில் ஈடுபடுத்தப்படவுள்ளனர். விநாயகர் சிலை ஊர்வலத்தை அமைதியாக நடத்த அனைத்து தரப்பினரும் ஒத்துழைப்பு அளிக்க வேண்டும்’’ என்றார். ஆய்வின்போது தஞ்சை சரக டிஐஜி ரவிக்குமார், திருவாரூர் எஸ்பி சேவியர் தன்ராஜ், ஏடிஎஸ்பிக்கள் ராஜேந்திரன், கோபி ஆகியோர் உடனிருந்தனர்.

2011-09-05T17:29:00.002+04:00

முஸ்லிம் இட ஒதுக்கீடு உயர்கிறது.

முஸ்லிம்களுக்கான இட ஒதுகீட்டை அதிகப்படுத்த வேண்டும் சட்ட சபையில் மனிதநேய மக்கள் கட்சி கோரிக்கை.

சட்டசபையில், நேற்று வருவாய் மற்றும் பிற்படுத்தப்பட்டோர், சிறுபான்மையினர் நலத்துறை மானியக் கோரிக்கைகள் மீதான விவாதம் நடந்தது. இதில், மனிதநேய மக்கள் கட்சி உறுப்பினர் ஜவாஹிருல்லா பேசியதாவது: பிற்படுத்தப்பட்டோர் பிரிவில், முஸ்லிம்களுக்கு உள் ஒதுக்கீடாக, 3.5 சதவீதம் இருக்கிறது. இதை உயர்த்த நடவடிக்கை எடுப்போம் என, தேர்தல் பிரசாரத்தின்போது முதல்வர் தெரிவித்தார். அறிவிப்பை நிறைவேற்ற முதல்வர் நடவடிக்கை எடுக்க வேண்டும். மருத்துவ படிப்புகள் மற்றும் அரசு கல்லூரிகளில் பேராசிரியர் பணியிடங்கள் போன்றவற்றில், முஸ்லிம்களுக்கான இட ஒதுக்கீடு நிறைவேற்றப்படுகிறதா என்பது தெரியவில்லை. இதில் பெரும் குழப்பங்கள் இருக்கின்றன. சிறுபான்மையினர் நலத்துறைக்கு, தனி செயலரை நியமிக்க வேண்டும் என கோரிக்கை வைத்தார்கள்.

இதற்கு பதிலளித்து பேசிய பிற்படுத்தப்பட்டோர், சிறுபான்மையினர் நலத்துறை அமைச்சர் முகம்மத்ஜான்: முஸ்லிம்களுக்கான இட ஒதுக்கீட்டை உயர்த்த நடவடிக்கை எடுக்கப்பட்டு வருகிறது என்று கூறினார்.

2011-08-20T12:52:00.004+04:00

பயங்கரவாதத்தையும் எதிர்த்து போராட முன் வருவாரா அன்னா ஹசாரே...

ஏக இறைவனின் திருப்பெயரால்....

உலகின் மிகப்பெரிய ஜனநாயக நாடான இந்தியாவும், ஆட்சியில் அமர்ந்திருக்கும்ம காங்கிரஸ் அரசும் தற்பொழுது சந்தித்துக்கொண்டிருக்கும் தலையாய பிரச்சனை அன்னா ஹசாரே அவர்களின் போராட்டமும் அதை தொடர்ந்து அவரது கைதும். இந்தியாவில் மலிந்து கிடக்கும் ஊழலை ஒழிப்பதற்காக போராட்டகளத்திற்கு புறப்பட்ட அன்னா ஹசாரே முதலில் நீண்ட உண்ணாவிரதத்தை மேற்கொண்டார். இது மீடியாக்கள் மத்தியலும், நாட்டு மக்கள் மத்தியிலும் மாபெரும் விஷ்வரூபம் எடுத்தன. அதனை தொடர்ந்து பல்வேறு மாநிலத்து மக்களும் ஜாதி,மதம் பாராது ஒன்றினைந்து அன்னா ஹசாரேவுக்கு ஆதரவாக போராட்டத்தில் குதித்தனர். இதனால் ஆளும் காங்கிரஸ் அரசுக்கு இக்கட்டான சூழ்நிலை ஏற்பட்டது. பிரதமரும், சோனியாவும், ராகுலும் கூட ஊழலுக்கு எதிரான கோஷத்தை முன்வைத்து அன்னா ஹசாரேவின் கோரிக்கைகளை ஏற்றுக்கொண்டனர். அன்னா ஹசாரேவின் போராட்டமும் தற்காலிகமாக நிறுத்தப்பட்டது.

கோரிக்கைகளை ஏற்றுக்கொண்ட மத்திய அரசு நியாயமான முறையில் அதை நிறைவேற்றாத காரணத்தால் மீண்டும் அன்னா ஹசாரே ஊழலுக்கு எதிரான போராட்டத்தை துவக்கினார். இது மன்மோகன் அரசுக்கு மாபெரும் இக்கட்டை உருவாக்கின உடனே அரசும் அவரை கைது செய்து சிறையில் அடைத்தது. அங்கேயும் ஊழலுக்கு எதிரான போராட்டம் தொடர்கிறது. அன்னா ஹசாரேவுக்கு ஆதரவாக நாட்டில் உள்ள பல்வேறு குழுக்களும், பொதுமக்களும் உண்ணாவிரதம் மேற்கொண்டு போராடி வருகின்றார்கள். இதில் என்ன ஒரு காமெடி என்றால் சவப்பெட்டி ஊழல் போன்ற பல்வேறு ஊழல்களின் சர்ச்சையில் சிக்கிய பா.ஜ.க வும் நரேந்திர மோடியும் அன்னா ஹசாரேவின் போராட்டத்திற்கு ஆதரவு தெரிவித்து காங்கிரஸ் அரசை கண்டிக்கிறது.

ஊழல் என்றால் அது ஆளும் காங்கிரஸ் கட்சிக்கு மட்டும்தான் சொந்தமா அல்லது அவர்களது கூட்டணியில் உள்ளவர்களை மட்டுமே சாருமா என்றால் இல்லை. ஏற்கனவே ஆட்சியில் இருந்திருக்கின்ற பா.ஜ.க உள்பட ஊழல்வாதிகள் அணைவரையும் சாரும். இதில் விதிவிலக்கு யாரும் இல்லை.

இத்தருணத்தில் நம்முடைய நியாயமான கருத்து என்னவென்றால் ஊழல் இல்லா இந்தியாவை உருவாக்க போராடும் அன்னா ஹசாரே அவர்களின் போராட்டம் ஆளும் காங்கிரஸ் அரசை மட்டும் எதிர்ப்பதுபோல் அல்லாமல் ஒட்டுமொத்த ஊழல் பெருச்சாளிகளையும் கடுமையாக எதிர்கவேண்டும். தனக்கு ஆதரவாக வருபவர்களில் யார் ஊழல் புரிந்திருந்தாலும் அல்லது ஊழல் சர்ச்சையில் சிக்கிருந்தாலும் அவர்களின் ஆதரவை அன்னா ஹசாரே புறக்கணிக்க வேண்டும். நாட்டு மக்களான எல்லா தரப்பு பொதுமக்களின் ஆதரவை வலுவாக பெற்று போராட்டத்தை விரிவு படுத்தவேண்டும். பா.ஜ.க போன்ற ஊழலுக்கு பெயர்போன கட்சிகளையும், மதவாத சக்திகளையும் அன்னா ஹசாரே புறக்கணிக்க முன் வரவேண்டும்.

ஊழல் இல்லா இந்தியா மட்டும் வலுவான ஜனநாயகத்தை வெளிப்படுத்திவிடுமா என்றால் இல்லை. சுதந்திரப்போராட்ட தியாகியாய், ஊழல் எதிர்ப்பு போராட்ட ஹீரோவாய் திகழும் அன்னா ஹசாரே அப்பாவி சிறுபான்மை மக்களை கொன்று குவிக்கும் மதவெறிபிடித்த சங்கபரிவார கூட்டங்களையும் வண்மையாக கண்டிக்க முன் வரவேண்டும்.

450 ஆண்டுகால வரலாற்று சிறப்புமிக்க முஸ்லிம்களின் வழிபாட்டுத்தளமான பாபரி மஸ்ஜித்தை இடித்த அதற்கு துணைபோன அத்வானி, முரளி மனோகர் ஜோஷி, உமா பாரதி போன்ற நானாவதி கமிஷன் சுட்டிக்காட்டிய 68 குற்றவாளிகளும் உடனடியாக கைது செய்யப்பட்டு கொடிய சிறையில் தள்ளப்பட வேண்டும்.

ஒரிசாவில் கிறிஸ்தவ கண்ணியாஸ்திரயை கற்பழித்து அவரோடு இன்னும் சிலரையும் உயிரோடு எரித்து கொன்ற பயங்காரவாதிகளையும் சட்டம் தண்டிக்க முன் வரவேண்டும்.

குஜராத்தில் 3000க்கு மேற்பட்ட அப்பாவி முஸ்லிம்களை கொன்று குவித்த நரேந்திர மோடி குற்றவாளி கூண்டில் நிறுத்தப்பட்டு நாட்டு மக்கள் முன் தூக்கிலிடப்பட வேண்டும். அது மற்ற மதவாத சக்திகளுக்கு பாடமாக இருக்க வேண்டும்.

மஹராஷ்ட்ராவில் மும்பையில் 2000 க்கு மேற்பட்ட முஸ்லிம்களை கொன்று குவித்ததோடு பல சட்டவிரோத பிரச்சனைகளில் ஈடுபடும் பால்தாக்கரே மற்றும் அவரது மருமகன் ராஜ்தாக்கரே போன்ற பயங்கரவாதிகள் சட்டத்தின் முன் கொண்டுவரப்பட்டு நடவடிக்கை எடுக்க முன் வரவேண்டும்.

அமைதியான இந்தியாவில் ஆங்காங்கே குண்டு வைப்புகள் மூலம் இந்தியாவின் அமைதிக்கு பங்கம் விலைவிக்க முயலும் காவி பயங்கரவாதிகளான ஆர்.எஸ்.எஸ் பயங்கரவாத இயக்கத்தையும், அதன் கிளைகளையும் உடனடியாக தடைசெய்ய வேண்டும்.

இந்தியாவில் உள்ள அணைத்து தரப்பு மக்களும் அமைதியான முறையில் வாழ ஆளும் அரசு கடுமையான சட்டங்களை விரிவுபடுத்தி அதனை உடனடியாக அமுல்படுத்த முன் வரவேண்டும்.

போன்ற நியாயமான கோரிக்கைகளையும் அன்னா ஹசாரே அவர்கள் தங்கள் போராட்டத்தில் இணைத்து கொள்ளவேண்டும். ஒட்டுமொத்த இந்திய மக்களின் ஆதரவுகளையும் திரட்டி இன்னொரு சுதந்திரப்போராட்டத்தை உருவாக்கி ஊழல் வாதிகளிடம் இருந்து நாட்டை பாதுகாக்க முன்வந்தால் அன்னா ஹசாரே தலைமையில் எங்களை போன்ற இளைஞர்கள் கடைசி சொட்டு இரத்தம் இருக்கும் வரை போராட தயாராகுவோம்.... இறைவன் நாடினால்....

ஊழலுக்கு எதிராக போராடும் அன்னா ஹசாரே மதவாத சக்திகளான நரேந்திர மோடி, ஆர்.எஸ்.எஸ் மற்றும் பா.ஜ.க விற்கு எதிராகவும் போராட முன் வருவாரா அல்லது ஊழல் கோஷத்தை மட்டும் தொடருவாரா....

-- முத்துப்பேட்டை முகைதீன்.

2011-08-09T11:19:00.017+04:00

2011-06-20T11:27:00.004+04:00

அளவற்ற அருளாளனும் நிகரற்ற அன்புடையோனுமாகிய அல்லாஹ்வின் திருப்பெயரால்....

சமுதாயத்தின் மனநிலையை உணர்ந்தவர்கள்.....

450 ஆண்டுகால வரலாற்று சிறப்புமிக்க இறையில்லமான பாபரி மஸ்ஜித் ஹிந்துத்துவ சக்திகளால் 1992 டிசம்பர் மாதம் 6 ம் தேதி இடித்து தரைமட்டமாக்கப்பட்டது. (காங்கிரஸ் கட்சியின் அன்றைய பிரதமர் நரசிம்மராவ் வாய்மூடி மவ்னம் காத்து மறைமுக ஆதரவு அளித்து இருந்தார் என்பதெல்லாம் தனி வரலாறு) அதனை தொடந்து நாடுமுழுவதும் திட்டமிட்டு முஸ்லிம்கள் மட்டும் கறுவருக்கப்பட்டார்கள். மும்பைமா நகரித்திலே பயங்கரவாதி பால்தாக்கரே தலைமையில் 2000க்கு மேற்பட்ட முஸ்லிம்கள் கொல்லப்பட்டார்கள். சொத்துக்கள் சூறையாடப்பட்டன, காவல்துறையால் பொய் வழக்குகள் அநியாயமாக பதியப்பட்டன. அதன் தொடர்ச்சியை தமிழகமும் சந்திக்க நேரிட்டது ஒருபுறம் ஆட்சி மற்றும் அதிகாரவர்க்கங்கள் அடக்குமுறைகளை திணித்தார்கள், காவல்துறை கருப்பாடுகள் நம் சமுதாய இளைஞர்களை குறிவைத்து பொய்வழக்குகளை போட்டு உள்ளே தள்ளினார்கள்.

கோவையிலே பாபரி மஸ்ஜித் இடிப்பை கண்டித்தும் அதன் குற்றவாளிகளை தண்டிக்கக்கோரியும் ஜனநாயக ரீதியிலே சுவரொட்டி ஒட்டியதற்கெல்லாம் தடாவை சந்தித்தது அன்றைய முஸ்லிம் சமுதாயம், மேலப்பாளையத்தில் இதே கோரிக்கையை வலியுறுத்தி அமைத்தப்பேரணி நடத்திய ஒரே காரணத்திற்காக முஸ்லிம்கள் மீது காவல்துறையினர் துப்பாக்கிச்சூடு நடத்தியதோடு தடியடியும் நடத்தி அராஜகமுறையை கையாண்டார்கள். இதனையெல்லாம் தட்டிக்கேட்பதற்கு நாதியற்ற சமுதாயமாய் எம் சமூகம் இருந்தது. ஜனநாயகம் பேசக்கூடிய ஜனநாயகவாதிகளும் இருந்தார்கள், மதசார்பின்மை பேசக்கூடிய காங்கிரஸ்,கம்யூனிஸ்ட் போன்ற அரசியல் கட்சிகளும் இருந்தன இருந்தும் பயனில்லை. இத்தனைக்கும் மேலாக முஸ்லிம் சமுதாயத்தின் பிரதிநிதயாய் அதிகார அவையிலும் அரசியல் அரங்கிலும் வலம் வந்தவர்கள் வாய்திறக்கவே அஞ்சி நடுநடுங்கி ஓடி ஒழிந்தார்கள். தங்களை திராவிடகட்சிகளுக்கு அடிமைப்படுத்திக்கொண்டார்கள்.

முஸ்லிம்கள் தங்கள் அடையாளத்தோடு வெளியில் வந்தால் நிச்சயம் வீடு திரும்ப முடியாத நிலை. ஒன்று ஹிந்துத்துவ சக்திகளால் தாக்குதலுக்குள்ளாக்கப்பட்டார்கள் அல்லது காவல்துறையால் அநியாயமாக கைதுசெய்யப்பட்டு தீவிரவாத முத்திரை குத்தப்பட்டு சிறைச்சாலைகளை கொடிய சட்டத்தின் கீழ் சந்திக்க நேரிடுவதோடு கடும் தாக்குதலுக்கும் உள்ளாக்கப்பட்டார்கள். நாகூர் போன்ற முஸ்லிம்கள் அதிகமாக வாழும் பகுதிகளில் திட்டமிட்டு மதக்கலவரங்களை ஏற்படுத்தி அதன் மூலம் சொத்துக்களும், உயிர்களும் சூறையாடப்பட்டன. இவ்வாறு நம் சமுதாயத்திற்கு எதிராக அவலங்கள் தொடர்கதையாய் அரங்கேறிக்கொண்டிருந்தது. காலமும் மெல்ல நகர்ந்தன...

சமுதாயத்தின் நிலைமையையும், அத்துணை கொடுமைகளையும் எதிர்கொள்ள வேண்டும் என்பதற்காக பல்வேறு தளங்களிலே பயணித்த சகோதரர்கள் ஒன்றினைகின்றார்கள். திருவாரூர் மாவட்டம் பொதக்குடியில் உள்ள சகோ.விஞ்ஞானி அப்துல் ஜலீல் அவர்கள் இல்லத்திலே ஒன்று கூடினார்கள். முஸ்லிம்கள் வெளிவரவே முடியாத அன்றைய காலகட்டத்தில் சமுதாயம் இழந்த உரிமைகளை மீட்க, இருக்கும் உரிமைகளை காக்க (குனங்குடி ஆர்.எம்.ஹனீபா, பி.ஜெய்னுல் ஆபிதீன், எம்.ஹெச்.ஜவாஹிருல்லாஹ், அப்துல் சமது, செய்யது நிசார் அஹமது, செ.ஹைதர் அலி, விஞ்ஞானி அப்துல் ஜலீல், எஸ்.எம்.பாக்கர், ஏ.எஸ்.அலாவுதீன் இன்னும் சில சகோதரர்கள்) அவர்களால் அங்கே புணர்நிர்மாணம் செய்யப்பட்டதுதான் தமிழ்நாடு முஸ்லிம் முன்னேற்றக் கழகம் (தமுமுக) இது நிகழ்ந்தது 1995 ஆகஸ்ட் மாதம் 31. கழகம் பச்சிலை குழந்தையாக வீதியல் களம் அமைக்க, முஸ்லிம்களின் உரிமைகளை வலியுறுத்தி குறிப்பாக நாகூர் கலவரத்தில் பாதிக்கப்பட்ட முஸ்லிம்களுக்கு நீதி வழங்ககோரியும் முதல் பேரணி தர்ணா சென்னை கவர்னர் மாளிகையை நோக்கி என தமுமுக தலைமையகம் அறிவத்த உடனே... நசுக்கப்பட்ட முஸ்லிம்கள் பொங்கி எழுந்தார்கள், ஒடுக்கப்பட்ட முஸ்லிம்கள் ஆர்ப்பரித்தார்கள், தடாவை சந்தித்தே பழக்கப்பட்ட சமுதாயம் தடைகளை தகர்த்தது, அடக்குமுறைகளையே சந்தித்த சமுதாயம் அலைகடலெனப் புறப்பட்டது சென்னையை நோக்கி... முதல் பேரணி தர்ணாவே வெற்றி. (அல்ஹம்துலில்லாஹ்)

இதன் தொடர்ச்சியாய் சமுதாயம் இழந்த உரிமைகளையும், இருக்கும் உரிமைகளை அரசிடம் இருந்து பெறுவதற்கு பிரமாண்ட மாநாடுகள், எண்ணிலடங்கா பொதுக்கூட்டங்கள், பல்வேறு வகையான போராட்டங்கள், உச்சகட்டமாய் சிறைநிரைப்பும் போராட்டங்கள் கூட சமுதாயத்திற்காய் சமுதாய மக்களை ஒன்று திரட்டி உரிமைகளை பிரதிபலித்தது தமுமுக என்னும் சமுதாய பேரியியக்கம். அதோடு நிறுத்திக்கொள்ளாமல் தன்னை பொதுசேவையிலும் அற்பனித்துக்கொண்டது. இரத்த தானமுகாம், இலவச மருத்துவ முகாம், கண் சிகிச்சை முகாம், அவசர ஊர்தி, கத்னா முகாம்கள், பேரிடர் சமய உடனடி பணிகள், என தனது சேவையை தமிழகம் முழுவதும் விரித்து தன்னக்கென ஒரு நற்மதிப்பையும் பெற்றுக்கொண்டதோடு, இரத்த தான சேவையில் தமிழகத்திலேயே முதல் நிலையை பெற்று கவர்னரிடம் விருதையும் பெற்றது தமுமுக. அது மட்டுமல்லாமல் அவசர இரத்த தேவைகளை அறிந்து அவர்களது தேவைகளுக்கு ஏற்ப குருதியை வழங்கி ஒவ்வொரு தமுமுக தொண்டனும் இரத்த கொடையாளராக வளம் வந்துக்கொண்டிருக்கின்றார்கள். இப்படி தொடர்ந்து 16 ஆண்டுகளாக சமுதாயத்திற்காய் விழித்துக்கொண்டிருக்கும் நேரமெல்லாம் மக்களுக்காக உழைத்துக்கொண்டிருக்கும் தமுமுக அரசியல் கட்சிகளாலும், அதிகார வர்க்கங்களாலும் அரசியல் அரங்கில் உண்ணிப்பாக பார்க்கப்படுகின்ற ஒரு மாபெரும் இயக்கம் என்றால் அது மிகையாகாது.

பல்வேறு தளங்களில் போராடிவந்த தமிழ்நாடு முஸ்லிம் முன்னேற்றக் கழகம். முஸ்லிம் சமுதாயத்தின் அரசியல் வெற்றிடத்தை களப்பணிகள் மூலம் உணர்ந்துகொண்ட(து) தமுமுக தலைவர்கள் மண்டிய இருள் கிழிக்க வந்த மெழுகுகளாக அரசியல்களத்தை நோக்கி சீறிப்பாய்ந்தனர் மனிதநேய மக்கள் கட்சியாய். முதல் மாநாட்டிற்கே தாம்பரமும்,சென்னையும் திணறும் வண்ணம் தமிழக முஸ்லிம்கள் மற்றும் ஒடுக்கப்பட்ட மக்கள் திரண்டுவந்தனர். மாநாட்டில் சமுதாய தலைவர்கள் தங்களது தனித்தன்மையை தனக்கே உரிய பாணியில் வீரமுழக்கமிட, சமுதாயமே மகிழ்ச்சி வெள்ளத்தில் மிதக்க அது சில அரசியல் கட்சிகளுக்கு மாபெரும் கலக்கத்தை ஏற்படுத்தியது. அதன் வெளிப்பாடுதான் பல்வேறு சந்தர்பங்களில் கலைஞர் கருணாநிதியின் திமுக மூலம் உணர முடிந்தது. கொலைவெறித் தாக்குதல்கள் நடத்தினார்கள், அடக்குமுறைகளை மீண்டும் திணிக்க முற்பட்டார்கள், நம் சகோதரர்கள் மட்டும் குறிவைத்து வஞசிக்கப்பட்டார்கள். ஆனாலும் தமுமுக, ம.ம.க சகோதரர்கள் சற்றும் தளர்ந்து விடவில்லை. வங்கக் கடலில் எழும் பேரலைகள் போல அதிவேகமாக தனக்கே உரிய தன்னடக்கங்களோடு இரு துருவங்களாக இருவேறு தளத்தில் பயணித்தார்கள். ஆம் அதுதானே தமுமுகவின் கடந்த கால வரலாறும் கூட.

சமுதாயத்தின் மன ஓட்டத்தை புரிந்துக்கொண்ட தமுமுக. 2011 சட்டப்பேரவை தேர்தலின் போது அதிமுகவுடன் கூட்டணிவைத்து ம.ம.கவின் வீரமுழக்கமாம் சொந்த சின்னம் என்ற அடிப்படையில் மூன்று தொகுதிகளில் களம் கண்டு இரண்டிலே (பேரா.எம்.ஹெச்.ஜவாஹிருல்லாஹ்.MBA.,MPhiL., PhD.,, ஆம்பூர் அஸ்லம் பாஷா, வெற்றி பெற்று முதன் முதலாக சமுதாயத்தின் உண்மை பிரதிநிதிகளாய், தொகுதிமக்களின் உரிமை முழக்கமாய் அதிகார அவையான தமிழக சட்டமன்றத்தில் நுழைந்துள்ளார்கள். தங்களது சீரிய பணியையும், தொடர்ந்து புதிய எழுச்சியை உருவாக்கும் சிந்தணையோடும் பயணிக்கிறார்கள் மண்டிய இருள் கிழிக்க வந்த இரு மெழுகுகள்.

நீதிக்காக வீதிக்கு வராத சமுதாயம் உருப்பட்டதாக சரித்திரம் இல்லை...

அநீதியை கண்டு பொங்கி எழாத சமுதாயம் அதிகாரத்தில் அமரப்போவதில்லை...

உரிமை முழக்கங்களை போராட்டகளம் மூலம் முழங்காத சமுதாயம் முடங்கி விடும் என்பதை வரலாறு உணர்த்துகிறது.

இழந்த உரிமைகளை மீட்க இருக்கும் உரிமைகளை காக்க புயலாய் புறப்பட்ட தமுமுக, கத்தியின்றி இரத்தமின்றி போராட்ட யுத்தமே நடத்தியது.

மனிதநேய மக்கள் கட்சியாய் அரசியல் களம் புகுந்து சமுதாயத்தின் தன்மானம் மிக்க தலைவர்களாய் உருவாகி இருக்கிறார்கள் தமுமுக தலைவர்கள். ஆம் சமூகத்தின் மனநிலையை உணர்ந்தவர்களல்லவா, இந்த நிலையை உருவாக்கிய எல்லாம் வல்ல அல்லாஹ்விற்கே எல்லாப்புகழும்......

அரசியலை மாற்றியமைப்போம்.... அதிகாரத்தில் நாமும் பங்கெடுப்போம்....

இந்தப்படை அமைதிப்படை... இஸ்லாம் எங்கள் அடிப்படை....

எல்லாப் புகழும் ஏக இறைவனுக்கே.....

-- முத்துப்பேட்டை முகைதீன்.

2010-10-28T19:52:00.008+04:00

உறக்கம் தொலைத்த சிந்தனை....

அலுவலகத்தில் சிறிது பணி சுமை அதிகமானதால் நேற்று பணி முடித்து திரும்பியதும் அசதியில் (வழக்கத்திற்கு மாறாக) தூங்கிவிட்டேன் - ஆதலால், இரவு தூங்க முடியவில்லை. பெரும்பாலும் நம்மால் மறக்கப்பட்ட, சிலரால் மறக்கடிக்கப்பட்ட மறைந்த கவிஞர், சுயமரியாதை அரசியல்வாதி வலம்புரிஜானின் ஒரு மணிநேர உரை அடங்கிய குறுந்தகடு ஒன்று, அவரின் சொந்த ஊரான திருநெல்வேலிகாரர் (என் நண்பர்) சிலநாட்களுக்கு முன்பு எனக்கு வழங்கி இருந்தார்.

தூக்கமின்மையினால் அவதிப்பட்டேன் என்பார்கள் - அன்று எனக்கு தொக்கம் வராததால் ஞானபாரதி. வலம்புரிஜானின் உரைவீச்சை கேட்கலானேன், ஆனந்தமடைந்தேன் - மனதிற்குள் மழை விழுவதை போல் உணர்ந்து திளைத்தேன். ஆஹா! என்ன பேச்சு? என்ன தமிழ்?

கவிஞர்.வலம்புரிஜான் அவர்கள் திருநெல்வேலி மாவட்டத்தில் ஓர் எளிய குடும்பத்தில் பிறந்தார். அவருக்கு ஆங்கிலமும், பிரான்சும் நாவிலே நடனம் ஆடும் அளவிற்கு தெரிந்திருந்தாலும், தனது அழகிய தமிழில் - பயன்தரத்தக்க, செழுமையான உரைகளினால் தமிழகத்தை தன் பக்கம் திரும்பி பார்க்க செய்தார். இவரின் தமிழ் இவருக்கு கை கொடுத்ததைவிட, இவரால்-இவரின் செழுமையான உரையால் ஆட்சி கட்டிலில் அமர்ந்தவர்கள் அதிகம். இவரால் பயன்பெற்றவர்கள் எல்லாம், அதிக்கார கட்டிலில் அமர்ந்தவர்கள் எல்லாம் அவர் உயிரோடு இருக்கும் போதே மறந்துவிட்டார்கள். அவரது வாழ்நாளின் இறுதி காலங்களில் வறுமை - அவரை வருததெடுத்ததாக அவர் ஊர்கார எனது நண்பர் (வ.ஜாவிடம் நெருங்கி பழகியவர்) சொன்னார்.

தேர்தல் நாயகனாக இருந்து பலரை வெற்றி பெற செய்தவரும், ஒருமுறை நாடாளுமன்ற உறுப்பினராக இருந்த ஒருவர் தன் வாழ்நாளின் கடைசி நாட்களில் வறுமையில் வாடினார் என்றால் நம்மால் இப்போது நம்பவா முடிகிறது? தற்போதைய அரசியல்வாதிகளில் பலர் தமது அடுத்த ஐந்து தலைமுறைக்கு சொத்து சேர்த்துவிடுவது அல்லாமல், மனைவிக்கு பிறந்தது, துணைவிக்கு பிறந்தது என தன் அனைத்து மக்களையும் அமைச்சர்களாக்கிவிட்டு தான் ஓய்கிறார்கள்.

தனக்கு பொருள் சேர்க்காமல், தன் சந்ததிகளை அரசியல் களத்தில் நிலை நிறுத்திடாமல், தனது இறுதி காளான்களில் வறுமையில் வாழ்ந்தார் என்பதை நினைத்து பார்கையில் இதயம் கனக்கிறது. இதை தான் வாழ்கை சக்கரம் என்பதோ?

என்னதான் சொன்னாலும் ஐபிஎல் லலித் மோடியின் வாழ்கை சக்கரம் இவ்வளவு வேகத்தில் சுழன்றுகொண்டதை தாங்கிகொள்ளவே முடியாது - ஒரு காலத்தில் ஐந்து நாட்களுக்கு ஜவ்வு போன்று இழுத்துக்கொண்டே விளையாடப்பட்ட கிரிக்கெட்டை ஒரு நாள் போட்டி என்ற பெயரில் சுருக்கினார்கள். என்னுடன் வேலை பார்க்கும் சில அமெரிக்க வெள்ளையர்கள் ஒரு நாள் போட்டியையே ஜவ்வு என்பார்கள். "விளையாட்டு என்பது ஒரு பொழுதுபோக்கு! இதை ஒரு நாள் முழுவதும் விளையாடுபவர்களும், அதை நேரிலும், தொலைகாட்சியில் பார்பவர்கள் எல்லாம் வேலை வெட்டி இல்லாதவர்கள்" என கேலிசெய்வார்கள்.

ஒரு நாள் போட்டியையும் சுருக்கி 20 - 20 என்ற பெயரில் விறுவிறுப்பான கிரிகெட்டை அறிமுகப்படுத்தியதன் மூலம் உலகப்புகழ் அடைந்த லலித் மோடி மீது ஊழல் குற்றசாட்டு சுமத்தப்பட்டுள்ளது. லண்டனில் இருக்கும் அவர் எப்போது நாடு திரும்பினாலும் விமான நிலையத்தில் வைத்தே கைது செய்ய அமலாக்க பிரிவினால் உத்தரவிடப்பட்டுள்ளது. அவரை கைது செய்து முறைப்படி விசாரணை நடத்தி - அவர் மீது தவறுருப்பின் சிறையில் அடிப்பார்கள் என்பதில் எனக்கு துளி அளவும் நம்பிக்கை இல்லை.

ஏனெனில், இந்தியாவில் ஒருவர் செய்யும் கொலை எண்ணிக்கையும், கொள்ளையின் மதிப்பும் அதிகமானால், அவரின் தண்டனை குறையும் என்பது தானே நாம் கண்டுவரும் யதார்த்தம்.

கருணாநிதி குடும்பத்திற்கும், மாறன் சகோதரர்களுக்கும் மோதல் இருந்தபோது ராஜாவும், தயாநிதி மாறனும் ஒருவருக்கொருவர் தொலை தொடர்பு துறையில் ஊழல் செய்ததாக/செய்வதாக குற்றம் சாட்டிகொண்டனர். பிரதமர் கூட கேபினெட் அமர்ச்சர்கள் கூட்டத்தில் "சுதந்திர வரலாற்றிலேயே இல்லாத அளவிற்கு மிக பெரிய அளவில் ஊழல் நடந்துள்ளதாக" கடிந்துகொண்டார். இப்போது அந்த பெரிய ஊழல் மக்கள் மனதில் இருந்து மறக்கடிக்கப்பட்டுள்ளது.

காமன்வெல்த் விளையாட்டு போட்டி ஏற்பாடுகளிலும் மிகப்பெரிய அளவில் ஊழல் நடந்துள்ளதாக செய்திகள் வருகின்றன. இதற்காக அமைக்கப்பட்டுள்ள விசாரை குழு இப்பொது தான் தனது விசாரணையை தொடங்கியுள்ளது. விசாரணையை முடிக்க அந்த குழு எப்படியும் இன்னும் ஒரு பத்து வருடங்களாவது எடுத்து கொள்ளும். இதுவும் வரும்காலங்களில் மக்கள் மனதில் இருந்து மறக்கடிக்கப்படுவதை நாம் காண தான் போகிறோம்.

இந்தியாவில் நடக்கும் குற்றங்களை/ஊழல்களை மதிப்பின் அடிப்படியில் நோக்கினால், எப்படியும் 75% மேல் அரசியல்வாதிகளால் நடத்தப்பட்டதாக இருக்கும். அவை எல்லாம் மக்கள் மனதில் இருந்து மறக்கடிக்கப்பட்டு, தேர்தல் நேரங்களில் கவர்ச்சி அறிவிப்புகள் கொடுத்து மீண்டும் அவர்களே ஆட்சிக்கு வருவது வாடிக்கையாகிவிட்டது. இந்த விஷயத்தில் தமிழகத்தில் எந்த பெரிய கட்சியும், ஒன்றுக்கொன்று குறைந்தது அல்ல.

ஒரு நாட்டின் வளர்ச்சி கரைப்படிந்திராத, நேர்மையான ஆட்சியாளர்களின் கையில் இருக்கிறது என்பதை உணர்ந்து - இந்தியாவின் எதிகாலத்தை கருத்தில் கொண்டு ஊழல்வாதிகளை களையெடுக்கும் பணியை நீதித்துறை செய்யவேண்டும்.

ஆனால் நீதித்துறையின் மீதுள்ள நம்பிக்கையும் நடுநிலையாளர்களுக்கு மத்தியில் குறைந்து வருகிறது. நீதித்துறையின் உயர் பதவிகளில் அமர்திருப்பவர்கள் - நீதியை மறந்து, ஒரு குறிப்பிட்ட சாராருக்கு சாதகமாக நடந்துகொள்வதும், அவர்கள் சொந்த விருப்பு-வெறுப்பு, நம்பிக்கையின் அடிப்படையிலும் செயல்படுவதே காரணம்.

காஞ்சி சங்கரராமன் கொலைவழக்கில் கைது செய்யப்பட்ட காமகோடி(?). சங்கராச்சாரியாருக்காக, நீதிமன்ற விடுமுறை நாளான சனிகிழமைகளில் கூடிய நீதிமன்றம் - கால் ஊனமான கேரள அப்துல் நாசர் மதானியை ஏறத்தாள பத்து ஆண்டுகாலம் விசாரைகைதியாகவே சிறையில் அடைத்திருந்ததும், முதியவரான தமுமுக நிறுவனர் குணங்குடி அனீபாவை 13 ஆண்டுகாலாம் விசாரைகைதியாகவே சிறையில் அடைத்திருந்து - இறுதியில் அவர் நிரூபராதி என விடுதலை செய்தார்கள். இவர்கள் இருவருக்கும் பல முறை ஜாமீனும் மறுக்கப்பட்டது.

1948 ஆம் ஆண்டு பதியப்பட்ட பாபரி பள்ளி சம்பந்தமான வழக்கில் எரத்தாழ 60 ஆண்டுகள் கழித்து மூன்று நீதிபதிகள் கொண்ட குழு தனது தீர்ப்பை வழங்கியுள்ளது. இத்தீர்ப்பில் மூன்று நீதிபதிகளும் ஒருவருக்கொருவர் பல அம்சங்களில் மாறுபடுகின்றனர். நீதிமன்றம் இந்த வாழ்க்கை ஒரு சொத்துபிரச்ச்னையாக பார்த்திருக்க வேண்டும் என்பது பல மூத்த நீதிபதிகளின் கருத்து. மாறாக, நீதிமன்றம் இந்த வாழ்க்கை நம்பிக்கையின் அடிப்படியில், ஒரு குறிப்பிட்ட சாராரை திருப்திபடுத்த முயலுகிற தீர்ப்பாக வெளிவந்திருக்கிறது.

இனியாவது இந்திய முஸ்லிம்கள் ஒன்றுபட்டு நாடாளுமன்றத்திலும், சட்ட மன்றங்களிலும் தங்களது குரலை ஓங்கி ஒலிக்க செய்ய முயலவேண்டும். வீதி தோறும் பாபரி மஸ்ஜித் சம்பந்தமான கருத்தரங்கங்களும், தெரு முனை பிரச்சாரங்களிலும் ஈடுபட வேண்டும். இவற்றின் மூலம் நடுநிலை இந்துக்களின் ஆதரவை நாம் பெற்றிட பாடுபட வேண்டும்.

செய்வோமா...?

ஆக்கம் - நசுருதீன் முகம்மது

2010-10-26T11:14:00.004+04:00

திருச்சியில் சோனியா! நாகையில் கருணாநிதி ! மதுரையில் ஜெயலலிதா !
எம் - தமீமுன் அன்சாரி

மதுரையில் நினைத்தை சாதித்துவிட்டார் ஜெயலலிதா! கோவை,திருச்சியை தொடர்ந்து மதுரையில் கடந்த 18 ஆம் தேதி நடத்திய ஆர்ப்பாட்டம் உண்மையிலேயே பிரமிப்பாக இருந்தது.

60 க்கு மேற்பட்ட கேமாராக்கள் மாறி மாறி நிகழ்சிகளை ஜெயா தொலைக்காட்சியில் நேரலையாக காட்டின "பறவை பார்வை" எனக்கூறப்படும் வெகு உயரத்திலிருந்து காட்டப்பட்ட காட்சிகள் உண்மையிலேயே இது பிரம்மாண்ட கூட்டம் தான் என்பதை நிரூபித்தது.

தன்னார்வமும், எழுச்சியும் கொண்ட அக்கூட்டம் தமிழகத்தில் நடைப்பெறப்போகும் தேர்தலில் ஆட்சி மாற்றம் உறுதி என்பதையே பறைசாற்றியது.

ஜெயலலிதா பேசும்பொழுது அநேகமாக தமிழகத்தில் பெரும்பாலான வீடுகளில் ஜெயா தொலைக்கட்சியைதான் மக்கள் பார்த்துக்கொண்டிருந்தார்கள் எனலாம். சென்னை,கோவை,திருச்சி போன்ற பெருநகரங்களில் மட்டுமின்றி பரவலாக கடைகளில் கூட தொலைக்காட்சியில் ஜெயலலிதாவின் உரையை மக்கள் கவனித்துக்கொண்டிருந்தார்கள். உளவுத்துறையும் இதே குறிப்புகளை தன் மேலிடத்திற்கு அனுப்பி இருக்கக் கூடும்.

ஒரு எதிர்கட்சிக்கு அதுவும் தேர்தல் வரும் நேரத்தில் பல நெருக்கடிகளையும் மீறி கூட்டம் அலை அலையாய் திரள்வது அரசியல் முக்கியத்துவம் வாய்ந்ததாக கருதப்படுகின்றது.

சமீபத்தில் திருச்சியில் சோனியாவும்,நாகையில் கருணாநிதியும் கூட்டிய கூட்டத்தை விட பன் மடங்கு எழுச்சியை மதுரையில் கூடிய அதிமுக கூட்டத்தில் காண முடிந்தது.

அதுவும் மதுரையில், அழகிரியின் தொந்தரவுகளையும் கொலைமிரட்டலையும் பல்வேறு பதட்டங்களையும் மீறி கூட்டம் கூடியது கலைஞர் கருணாநிதியின் தூக்கத்தை கெடுத்திருக்கும் (ஸ்டாலின், அழகிரியின் தூக்கத்தையும் சேர்த்து)

கடந்த சில வாரங்களாகவே அவர் நிம்மதியின்றி தவிக்கிறார். அவருக்கும் காங்கிரஸ் கட்சிக்கும் உண்டான உறவு ஏறத்தாழ நிறைவுகட்டத்திற்கு வந்திருகிறது.

விரைவில் நடைபெறும் மத்திய அமைச்சரவை மாற்றத்தில் அமைச்சர் ராஜா மாற்றப்படுவது பரபரப்பாக பேசப்படுகிறது. இது கருணாநிதிக்கு தனிப்பட்ட ரீதியாக பாதிப்பை ஏறபடுத்தும் என்பதால் அதை எப்படியாவது சரிகட்ட வேண்டும் என தவிக்கிறார்.

அக் 9 அன்று சோனியாகாந்தி திருச்சி பொதுக்கூட்டத்திற்கு செல்லும் வழியில் சென்னை விமான நிலையத்தில் இறங்கியபோது, அவரை வழிய சென்று சந்தித்தார் கருணாநிதி.சுய மரியாதையைப் பற்றியெல்லாம் அப்பொழுது நினைத்தது பார்க்கவில்லை.

ஆனாலும் அங்கே சந்திப்பு மன நிறைவோடு நடைபெறவில்லை. மொத்தமே இந்த சந்திப்பு ஐந்து நிமிடங்கள் மட்டுமே நீடித்ததாகவும், சோனியா மிகவும் இறுக்கமாக இருந்ததாகவும் கூறப்படுகிறது.

இச்சந்திப்பு ஈழத்தமிழர் நலன் குறித்த கடிதத்தை கொடுப்பதற்காக என திமுக கூறியது.வழக்கமான அரசியல் பேரங்களுக்கு முகமூடி போட்டு அதற்கு ஈழத்தமிழர் போர்வை போர்த்துவது கருணாநிதியின் சமீபகால நடவடிக்கையாக இருக்கின்றது.

அந்த சந்திப்பு மூலம் அன்று இரவு நடைபெறும் காங்கிரஸ் கூட்டத்தில் " கூட்டணி உறுதியாக" இருக்கின்றது. என சோனியா வாயால் கூற வைத்துவிட வேண்டும் எனபதுதான் கருணாநிதியின் தந்திரம்.

ஆனால் அங்கு நிலைமை வேறுமாதிரியாக இருந்தது. ஜி.கே.வாசனும், ப.சிதம்பரமும் காங்கிரஸ் கட்சின் தனித்துவத்தையும், அது யாருக்கும் சளைத்ததல்ல என்று பேசினர்.அப்போதெல்லாம் காங்கிரஸ் தொண்டர்கள் ஆர்ப்பரித்தனர்.

அடுத்து பேசிய சோனியா காந்தி ராஜீவ் - மூப்பனார் காலத்தில் இருந்த எழுச்சியை அன்றைய காங்கிரஸ் கூட்டத்துடன் ஒப்பிட்டு பேசியதுடன் நில்லாமல் புதிய சரித்திரத்தின் தொடக்கம் இது என்றும் பேசி, இளங்கோவன் போன்றவர்களை உற்சாகமடைய வைத்தார்.

இதை திமுக சற்றும் எதிர்பார்க்கவில்லை.காங்கிரசுடன் தங்களது தேனிலவு முடிவுக்கு வருவதை உணர்ந்த கருணாநிதி அடுத்த நாள் அக் 10 - அன்று நாகையில் நடைபெற்ற பொதுக்கூட்டத்தில் கொந்தளித்தார்.

திராவிட இயக்கம் சுயமரியாதை பற்றியெல்லாம் பேசியவர் பதவிக்காக சுயமரியாதையை விட்டுக்கொடுக்கமாட்டோம் என்றார். மேலும் திராவிட இயக்கத்தின் வலிமையை இந்தியா முழுக்க உணர்த்துவோம், என்று அவர் பேசியதுதான் அரசியல் வட்டாரங்களில் கூர்ந்து கவனிக்கப்படுகின்றது.

அதாவது பதவிக்காக அவமானங்களையோ, அச்சுருத்தல்களையோ ஒரு அளவுக்கு மேல் பொறுத்துக்கொள்ள முடியாது என்பதையும், காங்கிரஸ் - திமுக உறவு முறிந்தால் நாங்கள் தேசிய அளவில் மூன்றாவது அணி அமைக்கவும் தயங்க மாட்டோம் என்பதையும் தான் திராவிட இயக்கத்தின் வலிமையை இந்தியா முழுக்க காட்டுவோம் என்ற வாசகங்கள் மூலம் கருணாநிதி மிரட்டியிருக்கின்றார் என்று இதற்கு விளக்கமளிக்கப்படுகின்றது.

காங்கிரசுக்கு எதிராக கடந்த காலங்களில் தேசிய முன்னணி, ஐக்கிய முன்னணி என இரண்டு முறை மூன்றாவது அணியை உருவாக்கியவர் கருணாநிதி. இப்போது காங்கிரஸ் உறவு அறுந்தால் மீண்டும் மூன்றாவது அணியை இடது சாரிகள்,தெலுங்கு தேசம்,பீ.ஜூ ஜனதாதளம், மதசார்பற்ற ஜனதாதளம், சமாஜ்வாடி கட்சி, ராஷ்ட்ரிய ஜனதாதளம் போன்ற மாநில கட்சிகளை கொண்டு இணைப்பது குறித்து சிந்திக்க கூடும்.

தற்போது தமிழகத்தில் திமுக,காங்கிரஸ் தொண்டர்களுக்கிடையே நெருங்க முடியாத அளவுக்கு இடைவெளி உருவாக்கியிருக்கின்றது.

திமுக மீண்டும் ஆட்சிக்கு வரக்கூடாது என்பதில் காங்கிரஸ் தலைமை தெளிவாக இருக்கின்றது. காரணம் பல்லாயிரம் கோடி ஊழல் பணத்தை தேர்தல் களத்தில் திமுக செலவு செய்து கூட்டணிமூலம் மீண்டும் ஆட்சிக்கு வந்தால், தங்கள் கட்சியை கூட செயழிலக்க வைத்துவிடுவார்கள் என்ற அச்சம் அவர்களுக்கு உள்ளது.

அதனால் தான் ப.சிதம்பரம், இளங்கோவன், வாசன் போன்ற தமிழக காங்கிரஸ் தலைவர்கள் விஜயகாந்த்,பா.ம.க, கொங்குநாடு மக்கள் கட்சி ஆகியவற்றை இணைத்து ஏன் மூன்றாவது அணியை அமைக்கக்கூடாது? என சிந்திப்பதாக பேசப்படுகிறது.

இக்கூட்டணி 30 முதல் 40 வரை வென்றால் தங்கள் ஆதரவு இல்லாமல் திமுகவோ, ஆதிமுகவோ ஆட்சியமைக்க முடியாது என அவர்கள் கணக்கும் போடுகிறார்கள், கேட்காமலையே ஆட்சியில் பங்கேற்ககூடிய சூழல் உருவாகும் என நினைக்கின்றார்கள்.

இப்போது தமிழக அரசியல் களம் சூடு பிடித்து, கணக்குகள் மாறக்கூடிய நிலை உருவாகியிருக்கிறது.

கோவை திருச்சியை தொடர்ந்து மதுரையை ஜெயலலிதா குலுக்கியிருப்பதும்.அங்கே கூட்டணி குறித்து "பாலம் - லாரி - டீசல் - புறா" என ஒரு சிறுகதையை அவர் கூறியிருப்பதும் பலரையும் குழப்பியிருக்கிறது.

எப்படியும் என் கணிப்பு தப்பாது என பேசியிருப்பதன் மூலம் காங்கிரஸ், ஆதிமுக கூட்டணியில் நேரடியாக பங்கேற்பது உறுதி என அதிமுக தரப்பு கூறகிறது.

அதற்கேற்ப சமீபகாலமாக தமிழக காங்கிரசார் திமுகவோடு கருத்து மோதலில் ஈடுபடுவதும், அதிமுக விசயத்தில் அமைதி காப்பதும் பல்வேறு யூகங்களை எழுப்புகிறது.

எது எப்படியிருப்பினும் திமுக ஆட்சி முடிவை நெருங்குவது தெரிகிறது. ஜெயலலிதாவுக்கு வரும் கூட்டங்களும், வீதிகளை மீறிய மக்கள் எழுச்சியும் அதிமுக கூட்டணி வலுவடைந்து வருவதை உறுதிப்படுத்துகிறது.

-- நன்றி மக்கள் உரிமை.

2010-10-19T11:40:00.006+04:00

அநீதிக்கெதிறாய் (திருவிடைச்சேரி கொலைக்கு) எதிராய் ஒன்று திரண்ட இஸ்லாமிய இயக்கங்களின் கண்டன போஸ்டர்..

இஸ்லாமிய இயக்கங்களுக்கும் அதன் தலைவர்களுக்கும் எதிராக அதாவது தீவிரவாத முத்திரை குத்தி தமிழ்நாடு தவ்ஹீத் ஜமாஅத் நெல்லை மாவட்டம் சார்பில் கண்டன போஸ்டர்....

எங்கே செல்கின்றது சமுதாயம்.....

2010-10-14T21:53:00.004+04:00

மரண அறிவிப்பு!!

அறுபது ஆண்டுகளுக்கும் மேலாக கோமாவில் கிடந்த நீதி வியாழக்கிழமை அலகாபாத் கட்டைப்பஞ்சாயத்து தாதாக்கள் வழங்கிய தீர்ப்பால் செத்து போனது. இதற்கு பிறகும் செத்து போன நீதியை உயிரூட்ட உச்ச நீதிமன்றம் கொண்டு செல்வோரின் நிலையை நினைத்து பரிதாப்படுவதை தவிர வேறில்லை.

கிடைத்த மூன்றில் ஒரு பங்கு நிலத்தில் இந்திய முஸ்லிம்கள் பள்ளிவாசல் கட்டலாம் என்று மனப்பால் குடிக்க வேண்டாம். புத்திசாலித்தனமாக அதை கப்ருஸ்தானாக பயன்படுத்திக் கொள்வது சிறந்தது. (கப்ருஸ்தான் = இறந்தவர்களை அடக்கம் செய்யும் இடம்).

பாபர் மசூதி நிலத்தை ஏன் கப்ருஸ்தானாக பயன்படுத்த வேண்டும்?

இனி வரும் காலங்களில் மதுரா பள்ளிவாசலின் உட்புறத்தில் தான் கிருஷ்ணர் பிறந்ததாகவும், காசி பள்ளிவாசலில் சிவன் பிறந்ததாகவும், இன்னும் ஆயிரக்கணக்கான பள்ளிவாசல்களில் லோக்கல் குலதெய்வங்கள் பிறந்ததாகவும் இந்துத்துவாக்கள் கதையளந்து விட்டு அந்த பள்ளிவாசல்களை தகர்க்க வெடிகுண்டுகள் , கடப்பாரைகளுடன் கரசேவை செய்ய வரும் போது அவற்றை உணர்ச்சி மிக்க இஸ்லாமிய இளைஞர்கள் கண்டிப்பாக தடுப்பார்கள். அரசோ கண்டிப்பாக கரசேவை செய்பவர்களுக்கு தான் பாதுகாப்பாக இருக்கும். எனவே முஸ்லிம்கள் ஆயிரக்கணக்கில் படுகொலை செய்யப்படுவது நிச்சயம். அப்போது பலியாகின்ற இந்திய முஸ்லிம்களை புதைக்க இடப்பற்றாக்குறை ஏற்படும். எனவே அயோத்தியில் இப்போது வழங்கப்பட்டிருக்கின்ற இடத்தை கப்ருஸ்தானாக பயன்படுத்திக் கொள்வது நல்ல வழிமுறையாகும்.

தீர்ப்பு (கட்டைபஞ்சாயத்து) குறித்த சில சந்தேகங்கள்:

1) மத நம்பிக்கைகளில் நீதிமன்றங்கள் தலையிட முடியாது. பாபர் மஸ்ஜித் தொடர்பாக நீதிமன்றங்கள் வழங்கும் நீதியை ஏற்றுக் கொள்ள மாட்டோம் என இதுவரைக்கும் முழங்கிய அத்வானி உட்பட இந்துத்துவா வெறியர்கள் அனைவரும் சொல்லிவைத்தது போன்று இந்த தீப்பை மட்டும் ஏற்றுக் கொள்கிறோம் என்றும், தீர்ப்பு வெளிவரும் முன்னரே நமக்கு சாதகமாக தான் தீர்ப்பு வரும் என்று சில இந்துத்துவா வெறியர்கள் அறிக்கைகள் கொடுத்ததற்கும், இந்த கட்டைப்பஞ்சாயத்து தீர்ப்பு எழுதப்பட்டதர்க்கும் ஏதாவது சம்பந்தம் இருக்குமா?

2) சொத்து சம்பந்தமான வழக்கு நீதிமன்றங்களுக்கு வரும்போது, சொத்துக்கான பத்திரங்களை அல்லது அனுபவ பாத்தியதையை அடிப்படையாக வைத்து நீதிமன்றங்கள் தீர்ப்பு வழங்குமா அல்லது குருட்டு நம்பிக்கைகளின் அடிப்படையில் தீர்ப்பு வழங்குமா?

3) இராமரை வால்மீகி எழுதிய இராமாயணம் மூலம் தான் நாம் அறிந்து கொள்ள முடியும். இராமாயணத்தின்படி இராமர் 17 லட்சம் ஆண்டுகளுக்கு முன்னால் வாழ்ந்தவர். அப்படிப்பட்டவர் குறிப்பிட்ட இடத்தில் தான் பிறந்தவர் என்று எவ்வாறு அந்த அறிவுஜீவிகள் முடிவு பண்ணினர்?

4) இராமாயணத்தின்படி இராமர் பிறந்த அயோத்திக்கு 23 கி.மி க்கு அப்பால் சரயூ நதி என்று ஒரு நதி ஓட வேண்டும். அப்படி எந்த ஒரு நதியையும் அங்கே காண முடிவதில்லை. ஆனால் அயோத்தியிலேயே சரயூ என்ற நதி ஓடுகிறது. அயோத்தியில் ஓடுகிற அந்த நதி தான் இராமாயணம் சொல்லுகின்ற நதி என்று யாராவது கூறினால், இராமயணத்தில் சரயூ நதி கங்கையில் சங்கமிப்பதாக சொல்லப்படுகிறது. ஆனால் அயோத்தியில் ஓடும் சரயூ நதி ராப்தி என்னும் நதியில் சங்கமிக்கின்றது. கிழக்கிலிருந்து மேற்கு நோக்கி சரயூ நதி பாய்வதாக இராமாயணம் சொல்லுகிறது. ஆனால் இன்றையோ அயோத்தி நதியோ மேற்கிலிருந்து கிழக்கு நோக்கி பாய்கின்றது. எனவே தீர்ப்பு சொன்ன புண்ணியவான்கள் ஒன்று இராமயணத்தை மாற்ற சொல்ல வேண்டும்.இல்லையெனில் இராமயணத்தில் சொல்லப்பட்டு காணாமல் போன சரயூ நதி மற்றும் கங்கை நதிகளை எல்லாம் கண்டுபிடித்து தர வேண்டும் என்று யாராவது வழக்கு போட்டால் அதை நீதிமன்றம் ஏற்றுக் கொள்ளுமா?

5) பள்ளிவாசல் கட்டுவதற்கு முன்னர் இந்திய தொல்பொருள் துறையினரை அழைத்து பள்ளிவாசல் கட்டும் நிலத்தில் ஆய்வை செய்ய சொல்லி விட வேண்டும். ஏனெனில் பூமிக்கடியில் ஏதாவது சிறு துகள் மாட்டினாலும் அவை கோயில் தான் என்று பிற்காலத்தில் நீதிமன்றம் சொல்லி விடும். எனவே முன் எச்சரிக்கையாக இருப்பது நல்லது தானே. ஒவ்வொரு பள்ளிவாசல் கட்டும்போதும் இவ்வாறு ஆய்வு செய்ய முஸ்லிம்கள் அழைத்தால் இந்திய தொல்பொருள் இலாகா வருமா?

6) ஒருவர் ஒரு இடத்தில் பிறந்ததாலேயே அவருக்கு அந்த இடம் சொந்தமாகி விடுமா? அப்படியென்றால் நான் அரசு மருத்துவமனையில் பிறந்தேன். அதற்கான பிறப்பு சான்றிதழும் என்னிடம் உண்டு. இதை நீதிமன்றத்தில் தாக்கல் செய்தால் அந்த அரசு மருத்துவமனையை என்னுடைய சொத்தாக நீதிமன்றம் மாற்றிக் கொடுத்து விடுமா?

6) ஒருவர் ஒரு இடத்தில் பிறந்ததாலேயே அவருக்கு அந்த இடம் சொந்தமாகி விடுமா? அப்படியென்றால் நான் அரசு மருத்துவமனையில் பிறந்தேன். அதற்கான பிறப்பு சான்றிதழும் என்னிடம் உண்டு. இதை நீதிமன்றத்தில் தாக்கல் செய்தால் அந்த அரசு மருத்துவமனையை என்னுடைய சொத்தாக நீதிமன்றம் மாற்றிக் கொடுத்து விடுமா?

பாபர் மஸ்ஜித் நீதிமன்ற தீர்ப்பு இந்திய முஸ்லிம்களுக்கு சொல்லும் சில செய்திகள்:

இந்த நாட்டை பொறுத்தவரை என்ன தான் நாட்டின் சுதந்திரத்திற்காக தம்முடைய சதவிகிதத்திற்கும் அதிகமாக தியாகங்களை முஸ்லிம்கள் செய்திருந்தாலும் இரண்டாம் தர குடிமக்களாகவே கருதப்படுவார்கள். பள்ளிவாசல் கட்டி வழிபாடு செய்ய உரிமை உண்டு. ஆனால் இந்துத்துவாக்கள் அதை எதிர்க்காதவரை. அவர்கள் எதிர்த்து உங்களுடைய பள்ளிவாசலில் தான் என்னுடைய குலதெய்வம் பிறந்தார் என்று வழக்கை தொடுக்கும் வரை. எனவே முடிந்த வரையில் முஸ்லிம்கள் நீதிமன்றங்களுக்கு செல்லாதீர்கள். அங்கே உங்களுக்கான நீதி ஒரு போதும் கிடைக்காது. முஸ்லிம்களே மனதில் இருத்திக் கொள்ளுங்கள். இந்திய நாட்டில் நீங்கள் இரண்டாம் தர குடிமக்களே.

நன்றி - அதிரைஎக்ஸ்ப்ரெஸ்

2010-10-12T11:19:00.004+04:00

அயோத்தி தீர்ப்பு: சேது சமுத்திர திட்டத்துக்கு சிக்கல்!

அயோத்தியில் உள்ள நிலம் ‘யாருக்கு சொந்தம்’ என்ற 65 ஆண்டு பழமையான கேள்விக்கு ‘இன்னாருக்குத்தான் சொந்தம்’ என்று வந்திருப்பதற்கு பதிலாக ‘எல்லாருக்கும் சொந்தம்’ என்று தீர்ப்பு வந்துள்ளது. ஆளாளுக்கு மூன்று பேர் தங்களுக்கு நிலம் வேண்டுமென்று கோர்ட்டில் கேட்டனர். மூன்று பேருக்குமே ‘இதற்குதானே ஆசைப்பட்டாய்? இந்தா பிடி நிலத்தை’ என்று ரொம்பவும் தாராளமாக பகிர்ந்து கொடுத்துவிட்டது அலகாபாத் ஐகோர்ட்

அரசியல் அரங்கில் ஒவ்வொரு கட்சிகளும் இந்தத் தீர்ப்புக்கு பிறகு புதிதாக நெளிவு சுளிவுகளுடன் ஆட துவங்கிருப்பதுதான் ‘அய்யோ பாவம்’ என உச்சு கொட்ட வைக்கிறது. முக்கால்வாசி கிணறு தாண்டிவிட்டாலும், அரசியல் எதிர்காலம் கருதி சர்வ ஜாக்கிரதையாக அடக்கிவாசிக்கிறது பி.ஜே.பி.

தீர்ப்புக்கு பிறகு முஸ்லிம் சமூகம் மிகுந்த மௌனமாக இருப்பதால் முக்கிய கட்சிகள் குழப்பமடைந்துள்ளன. முஸ்லிம்கள் கோபம் அடைவார்கள், அந்த கோபத்தில் லாபம் பார்க்கலாம் என நினைத்தனர். ஆனால், கோர்ட்டில் மேல்முறையீடு என்பதை தவிர வீதியில் இறங்கவோ வன்முறையில் ஈடுபடவோ அந்த சமூகம் தயார் இல்லை. அதற்காக இந்த நாடே அவர்களுக்கு சல்யூட் அடித்துக் கொண்டிருந்தாலும், இந்த சமூகத்து ஓட்டு வங்கியை கவனத்தில் கொண்டு அரசியல் நடத்தும் முலாயம்சிங், லாலு பிரசாத் போன்றவர்களுக்கு பெரும் குழப்பம்.

அதைவிட ஆளும்கட்சியான காங்கிரசுக்குதான் மகா குழப்பம். 1949 டிசம்பர் 22-ம் தேதி மசூதிக்குள் சிலைகள் திடீரென வைக்கப்பட்டபோது மாநிலத்திலும் மத்தியிலும் காங்கிரஸ் ஆட்சி. ஷாபானு வழக்கில் சுப்ரீம்கோர்ட் அளித்த தீர்ப்பை வலுவிழக்கச் செய்ததை சமன்படுத்த, பூட்டியிருந்த மசூதி கதவுகள் 1986 பிப்ரவரி 1-ல் திறந்துவிடப்பட்டபோதும் மாநிலத்திலும் மத்தியிலும் காங்கிரஸ் ஆட்சி. பொதுத்-தேர்தலுக்காக மசூதி வளாகத்திற்குள் பூஜைகள் நடைபெற்றபோதும் காங்கிரஸ் ஆட்சிதான். அந்த 1989-ம் ஆண்டு பொதுத்தேர்தலுக்காக அயோத்தியின் பைசாபாத் நகரில் ‘ராம ராஜ்யம் அமைப்பேன்’ என்ற முழக்கத்தோடு தேர்தல் பிரசாரத்தை துவக்கியதும் ராஜீவ்காந்திதான்.

மசூதி இடிக்கப்பட்ட 1992-லும் மத்தியில் ஆண்டது காங்கிரஸ் ஆட்சி. ‘பாகப்பிரிவினை தீர்ப்பு’ வரும் நிகழ்காலமான இப்போதும் காங்கிரஸ்தான் ஆட்சியில் இருக்கிறது. ஆனாலும் எதையுமே தடுக்க முடியவில்லையே என முஸ்லிம்கள் நினைத்து தங்களை கைகழுவ ஆரம்பித்தால்? அதனால் ‘இப்போது வந்துள்ள தீர்ப்பால், மசூதியை இடித்த குற்றம் நியாயமாகிவிடாது. அது மன்னிக்க முடியாத குற்றம். அதை செய்தவர்கள் தண்டிக்கப்பட்டே ஆக வேண்டும்’ என்று காரியக் கமிட்டியில் தீர்மானத்தை போட்டுவிட்டு கவலையில் உட்கார்ந்-துள்ளது காங்கிரஸ்.

2007-ம் ஆண்டு சேது சமுத்திர திட்டத்தை நிறைவேற்றிட அப்போதைய மத்திய அமைச்சர் டி.ஆர்.பாலு, ரொம்பவும் மும்முரமாக இருந்த சமயம். சுப்ரீம் கோர்ட்டில் மத்திய அரசு தாக்கல் செய்த மனுவில், ‘வரலாற்றுப் பூர்வமாகவோ அல்லது விஞ்ஞானப் பூர்வமாகவோ ராமர் மற்றும் ராமர் பாலம் ஆகியவற்றுக்கு ஆதாரங்கள் இல்லை. ராமர் பாலம் என கூறப்படும் அது மனிதனால் கட்டப்பட்ட பாலம் அல்ல; இயற்கையாகவே ஏற்பட்ட மணற்படிமானம் அது என தொல்பொருள் ஆய்வு துறையான ஏ.எஸ்.ஐ. கூறுகிறது’ என்றிருந்தது. இது பெரும் அரசியல் புயலை கிளப்பவே, ஏ.எஸ்.ஐ.யின் இரு அதிகாரிகள் சஸ்பெண்ட் செய்யப்பட்டார்கள். கலாசாரத் துறை அமைச்சர் அம்பிகா சோனி, தனது பதவியை ராஜினாமா செய்யப்போகும் அளவுக்கு நிலைமை இருந்தது. கடைசியில் மன்னிப்புக் கோரிய மத்திய அரசு, சுப்ரீம்கோர்ட்டில் வேறொரு புதிய மனுவை தாக்கல் செய்யுமளவுக்கு நிலைமை மாறியது.

சட்ட அமைச்சரான பரத்வாஜ், ‘ராமர் ஒரு வரலாற்று நாயகர், அதில் துளிகூட சந்தேகம் இல்லை’ என்று அடித்தார் ஒரு பல்டி. ஆக அப்போதே ராமரின் இருப்பை காங்கிரஸ் அரசாங்கம் ஏற்றுக் கொண்டுவிட்டது. இப்போது மீண்டும் ராமபிரானின் இருப்பும் அவரது பிறந்த இடமும்கூட அலகாபாத் கோர்ட் மூலம் உறுதிப்படுத்தப்-பட்டுள்ளது. ராமபிரானின் பிறப்பை அலகாபாத் ஐகோர்ட் அங்கீகரித்துள்ளது. இது சாத்தியமெனில், இப்போது சுப்ரீம் கோர்ட்டில் நிலுவையில் உள்ள சேது சமுத்திர திட்ட வழக்கில், ராமர் பாலத்தை சேதப்படுத்தாமல் இத்திட்டத்தை அமல்படுத்த வேண்டும் என்ற இந்து அமைப்புகளின் வாதம் பலம்பெரும் வாய்ப்பும் உள்ளது. ஆனால், சேது சமுத்திர திட்டத்தை மாற்று வழியில் செயல்படுத்த முடியாது என்று அப்போது அமைச்சராக இருந்த டி.ஆர்.பாலு தெரிவித்திருந்தார். இந்த நிலையில் சேது சமுத்திர திட்டத்தை இப்போதுள்ள நிலையில் நிறைவேற்றுவது குதிரை கொம்புதான்.

இந்த சிக்கலான நேரத்தில் தான் கப்பல் போக்குவரத்து அமைச்சராக இல்லாததற்காக டி.ஆர்.பாலு மகிழ்ச்சி கொள்ளலாம்!

நன்றி :keetru

2010-09-30T09:35:00.004+04:00

பாபரி மஸ்ஜித் தீர்ப்பு - முஸ்லிம்கள் அமைதி காக வேண்டும் அனைத்து இஸ்லாமிய இயக்கங்களின் கூட்டமைப்பு முடிவு!

2010-09-24T23:59:00.002+04:00

பி.ஜே வை கொல்ல சதித்திட்டமா? - குமுதம் ரிப்போர்ட்

ரகசியமாக ஆலோசனைக் கூட்டம் போட்டு என்னைக் கொல்ல சதித்திட்டம் தீட்டியுள்ளனர். இதற்குப் பின்னணியில் யார் இருக்கிறார்கள் என்பதும் அல்லாவின் உதவியால் எனக்குத் தெரியவந்துள்ளது. இதற்கெல்லாம் நான் பயப்படமாட்டேன்.எதையும்சந்திக்கத் தயார்படுத்திக் கொண்டுதான் பொதுவாழ்வுக்கு வந்துள்ளேன்’ என்ற மிக நீண்ட கட்டுரை ஒன்று ‘ஆன்லைன் பிஜெ’ இணையதளத்தில் வந்து பெரும் பரபரப்பை ஏற்படுத்தியுள்ளது..

ஆரம்பத்தில் த.மு.முக.வின் பொதுச்செயலாளராக இருந்து, அதிலிருந்து விலகி தற்போது தமிழ்நாடு தவ்ஹித் ஜமாத் தலைவராக இருக்கும் பி.ஜெயனுல்லா ஆபுதீன்தான் இந்தக் கட்டுரைக்குச் சொந்தக்காரர்.
இணையதளத்தில் அவர் எழுதி வெளியிட்டுள்ள விவரத்தைத் தொடர்ந்து பார்ப்போம்.

என்னைக் கொல்வது மிக எளிதானதுதான். என்னைக் கொன்றுவிட்டு அதற்காக கண்டனக் கூட்டம் போட்டு என் மக்களை ஏமாற்றத் தயங்கமாட்டார்கள்.
அப்படி ஏமாற்றக்கூடாது என்பதற்காகவும்,அப்பாவிகள் கைது செய்யப்படக்கூடாது என்பதற்காகவும், யார் யார் பின்புலத்தில் உள்ளனர், இதில் சம்பந்தப்பட்டவர்கள் யார், யார் என்பதையும் சொல்ல வேண்டிய இடத்தில் சொல்லி வைத்துள்ளேன். பாதுகாப்பு எதையும் கோரவில்லை’’ என்று இணையதளத்தில் குறிப்பிட்டுள்ளார் பி.ஜெ.

யார் யாரெல்லாம் தன்னைக் கொலை செய்யக் காத்திருக்கிறார்கள் என்பதையும்,பழைய சம்பவங்களையும் அந்தக் கட்டுரையில் பி.ஜெ. விவரித்துள்ளார்.

மதுரை ராஜகோபாலன் வழக்கில் கைதான மதுரை ராஜா ஹூசைன், பல்வேறு வழக்குகளில் தேடப்பட்டு தலைமறைவாக இருந்த ஏர்வாடி காஸிம், த.மு.மு.க.வின் முன் னாள் பொருளாளர் பாக்கர் ஆகியோரைத் தூண்டிவிடுவது த.மு.மு.க.வின் தலைவர் ஜவாஹிருல்லா,பொதுச் செயலாளர் ஹைதர் அலி என அனைவரையும் குறிப்பிட்டு எழுதியிருக்கிறார்.

‘ஏர்வாடி காஸிம் வேலூர் சிறையில் இருந்தபோது ஹைதர் அலியும், பாக்கரும் அதே சிறையில் அடைக்கப்பட்டிருந்தனர். அப்போது சிறையின் திறந்தவெளியில் ஹைதர் அலியும்,பாக்கரும் காலாற நடந்து சென்றபோது,அவர்களைப் பார்த்த காஸிம் பாய்ந்து வந்து ஹைதர் அலியின் குரல்வளையைக் கடித்துக் கொல்ல முயன்றார்’என்றும் எழுதப்பட்டிருக்கிறது.
பி.ஜெ.யின் இந்த இணையதளக் கட்டுரை பெரும் பரபரப்பை ஏற்படுத்தியுள்ளது.

இதனைத் தொடர்ந்து நாமும் விசாரணையில் இறங்கினோம். த.மு.மு.க.வின் தலைவர் ஜவாஹிருல்லாவை சந்தித்துப் பேசியபோது, ‘‘கடந்த செப்டம்பர் 5-ம் தேதி திருவாரூர் மாவட்டம் திருவிடச்சேரி ஜமாத் தலைவர் முகம்மது இஸ்மாயில்,ஹஜ் முகம்மது இருவரும் சுட்டுக் கொல்லப்பட்டனர்.

இவர்களைத் தவிர ராமதாஸ்,, பால்ராஜ், நசீர் முகம்மது ஆகியோரும் துப்பாக்கி சூட்டிற்கு இலக்காகி படுகாயம் அடைந்தனர்.இந்தச் சம்பவத்திற்குப் பின்னணியில் இருந் தவர் பி.ஜெயனுல்லா ஆபுதீன்தான். இவரை பின்பற்றக்கூடிய திருவிடச்சேரி கிராமத்தைச் சார்ந்த 10பேர் ரோஸ்பாப்பா என்பவரின் வீட்டை வாடகைக்கு எடுத்து தனியாக ரமலான் தொழுகை நடத்தி வந்தனர்.

இவர்கள் ரோஸ்பாப்பாவின் வீட்டில் ஒலிபெருக்கி வைத்து நள்ளிரவு வரை தொழுகை மற்றும் பேச்சுக்களை ஒலிபரப்பி வந்தனர். ரோஸ்பாப்பாவின் எதிர்வீட்டில் ஜபாருல் லாவும், அவரது சகோதரரும், சகோதரியும் குடியிருந்தனர்.
ஜபாருல்லாவின் சகோதரருக்கும், சகோதரிக்கும், ஆளுக்கொரு மகன் இருக்கின்றனர்.இந்த இருவரும் மூளை வளர்ச்சி குன்றியவர்கள். ஒலிபெருக்கியின் சத்தம் இரவில் அதிகமாக இருந்ததால் அவர்களால் சரியாக உறங்க முடியவில்லை.

இருந்தாலும் அவர்கள் அதைப் பெரிதுபடுத்தவில்லை. ஒலிபெருக்கியின் சத்தத்தைச் சற்று குறைத்து வைக்குமாறு கேட்க வாய்த் தகராறு ஏற்பட்டிருக்கிறது.
இதுகுறித்து விசாரிப்பதற்காக ஜமாத் தலைவர் முகம்மது இஸ்மாயில் சம்பவ இடத்திற்கு வந்தபோது குத்புதீன், ஜமாத் தலைவரின் சட்டையைப் பிடித்து மோசமான வார்த் தைகளில் திட்டினார். உடன் இருந்தவர்கள் அவர்களை விலக்கிவிட, ‘நான் இந்தத் தெருவை என்ன செய்கிறேன் பார்’ என்று மிரட்டும் குரலில் பேசிவிட்டுச் சென்றி ருக்கிறார் குத்புதீன்.

அன்று இரவு,தொழுகை முடித்துவிட்டு திருவிடச்சேரி ஜமாத் பள்ளிவாசலில் இருந்த இஸ்மாயிலை குத்புதீனும் அவருடன் வந்த வெளி நபர்களும் தாக்கினர்.
பள்ளிவாசலில் இருந்தவர்கள் அங்குள்ள ஒலிபெருக்கியின் மூலம் பதற, ஒட்டுமொத்த கிராமமும் ஜமாத் பள்ளிவாசலுக்கு வந்தது.ஜமாத் தலைவரின் மகன் சபீர்வுதீன் ஆவேசத்துடன் ‘யார்டா எங்க அப்பாவை தாக்கியது?’ என்று வந்தபோது, ஹாஜ் முகம்மது துப்பாக்கியை எடுத்து ஜமாத் தலைவரையும் ஜபாருல்லாவின் மைத்துனர் ஹஜ் முகம்மதுவையும் சுட்டுக் கொன்றார்.

பின்னர் கிராம மக்கள் சூழ்ந்துகொள்ள அதே துப்பாக்கியால் அங்கிருந்தவர்களை படபடவென ஒரு ரவுண்ட் சுட்டுவிட்டு தப்பித்துவிட்டனர். தமிழகத்தில் உள்ள அனை த்து முஸ்லிம்களையும் அதிர்ச்சியில் உறைய வைத்தது இந்தச் சம்பவம்.
இந்தச் சம்பவத்திற்கு முழுக் காரணம் பி.ஜெயனுல்லா ஆபுதீன்தான் என்று அனைவருக்கும் தெரியும்.இந்தச் சம்பவத்திலிருந்து தன்னை தற்காத்துக் கொள்ளத்தான் தற்போது அவர் இப்படியெல்லாம் எழுதியும், பேசியும் வருகிறார்.

மேலும் அந்தச் சம்பவத்தில் பலியானவர்களுக்காக பி.ஜெயனுல்லா ஆபுதீன் இதுவரையில் ஓர் ஆறுதல் வார்த்தைகூட கூறவில்லை. தமிழக அரசும் உயிரிழந்தவர்களுக்கு இதுவரை எந்த இழப்பீடும் கொடுக்கவில்லை. பாதிக்கப்பட்டவர்களுக்கு தகுந்த இழப்பீடு கொடுக்கவேண்டும்’’என முடித்துக்கொண்டார்.

அடுத்ததாக இந்திய தவ்ஹித் ஜமாத்தின் தலைவர் பாக்கரை சந்தித்துப் பேசியபோது,‘‘நானும் அந்த இணையதள கட்டுரையைப் படித்தேன். குறிப்பாக என்னைக் குறிக்கும் சம்பவங்கள் அதில் அதிகமாக கூறப்பட்டிருக்கிறது.அவர் சொல்வதைப் போல் எனக்கோ,ஹைதர் அலிக்கோ, ஜவாஹிருல்லாவுக்கோ அந்த மாதிரியான எந்த எண்ணமும் கிடையாது.

அதேபோல் அல்-உம்மா மீதும் பழிபோடுவதில் எந்த நியாயமும் இல்லை. பி.ஜெ.வை கொலை செய்யணும் என்று முடிவு செய்திருந்தால் அது எப்போதோ நடந்திருக்கும். அவர்கள் எல்லாம் இப்போது வழக்கில் இருந்து விடுபட்டு தங்கள் புது வாழ்க்கையை ஆரம்பித்துள்ளனர்.

சமீபத்தில்கூட ஆலீம் ஜாஜ்ஜின் மனைவி கொல்லப்பட்டபோது அந்த வழக்கில் சம்பந்தப்பட்டவருக்கு பி.ஜெ உதவி செய்திருக்கிறார். இந்த வழக்கில் சம்பந்தப்பட்டவர்கள் அல்-உம்மா என்பதாலும் அவர்களுக்கு ஒரு லட்ச ரூபாய் பண உதவியும் செய்திருக்கிறார் என்பதும் தெரியவந்திருக்கிறது.
இப்படி இருக்கையில் அல்-உம்மா அவரைக் கொலை செய்யத் துடிக்கிறது என்றால் அதை ஏற்றுக்கொள்ளவே முடியாது.

இப்போது இவர் ஏன் பயந்து பாதுகாப்பு கேட்கிறார் என்றால் சுன்னத் ஜமாத் தலைவர் முகம்மது இஸ்மாயில் சுட்டுக்கொல்லப்பட்டதற்கு தமிழ்நாடு தவ்ஹித் ஜமாத்தான் முழுக்க முழுக்க காரணம் என்று அனைத்து முஸ்லிம் நண்பர்களும் நம்புகின்றனர்.
மேலும் சிதம்பரத்தில் உள்ள பி.ஜெ.யின் மைத்துனர்தான் ஹாஜ் முகம்மதுவை நீதிமன்றத்தில் ஆஜர்படுத்தி சரணடைய வைத்தார். இதன்மூலம் இவர்கள் மேல் உள்ள சந்தேகம் அதிகமாகியுள்ளது.

கொல்லப்பட்டவர் சுன்னத் ஜமாத் தலைவர் என்பதாலும்,தலைவரின் குடும்பம் சற்று செல்வாக்கு மிகுந்தது என்பதாலும் அவர்கள் ஆத்திரமடைந்து பி.ஜெ.வுக்கு எதிரான விளைவுகள் ஏற்படுத்தக்கூடும் என்ற வாய்ப்பும் இருக்கிறது.
இதைக் காரணம் காட்டித்தான் பி.ஜெ. பாதுகாப்பு கேட்டிருக்கலாம். அல்-உம்மாவை காரணம் சொல்வது எந்த விதத்திலும் நியாயம் இல்லை’’ என்றவரிடம்,

நீங்கள் வேலூர் சிறையில் இருந்தபோது உங்களுடன் இருந்த ஹைதர் அலியின் குரல்வளையை ஏர்வாடி காஸிம் கடிக்க முயன்றார் என்று பி.ஜெ. கூறியிருக்கிறாரே?’ என்று கேட்டபோது, ‘‘சிறையில் ஹைதர் அலியைப் பார்த்த சிலர் ஆத்திரமடைந்து தாக்க வந்தனர்.அதற்குள் அங்குள்ள சிறைக் காவலர்,ஹைதர் அலியை மீட்டு பத்திரமாக அழைத்துச் சென்றுவிட்டனர். இதுதான் நடந்தது.
‘யார் ஒருவன் அநியாயமாகக் கொலை செய்கிறானோ அவன் ஒட்டுமொத்த சமுதாயத்தையும் கொலை செய்ததற்குச் சமம்’என திருமறை வசனம் கூறுகிறது. இதை அறிந்த உண்மை முஸ்லிம் யாரும் எந்த சமுதாயத்திற்கு எதிராகவும் ஆயுதம் தூக்கமாட்டான்’’ என்று கூறி முடித்துக்கொண்டார்.

அடுத்ததாக ஏர்வாடி காஸிமை தொடர்புகொண்டு கேட்டபோது, ‘‘ஆரம்ப காலகட்டத்தில் வன்முறையைத் தூண்டும் விதத்தில் பேசியவர்தான் இந்த பி.ஜெ. அந்த நேரத்தில் பல முஸ்லிம் இளைஞர்கள் இவரது பேச்சைக் கேட்டுக்கொண்டு தடுப்பு நடவடிக்கைக்காக வன்முறையில் ஈடுபட்டனர்.
அப்போது கொடுங்கையூர் நஸ்ருதீன் மூலம் என்னை போலீஸிடம் காட்டிக் கொடுத்தார். மதுரை ராஜா ஹூசைன் என்பவரையும் இவர்தான் காட்டிக்கொடுத்தார். அதேபோல் இவருக்கு வேண்டாத அனைவரையும் போலீஸில் காட்டிக் கொடுத்தார். இப்போது அனைவரும் விடுதலையாகி வெளியே வந்துவிட்டனர். தவறு செய்தது மனதை உறுத்துவதால் இப்படி பொய்யான செய்திகளை எழுதி எங்களை மீண்டும் உள்ளே தள்ள நினைக்கிறார்.

அதேபோல், கொலை செய்யும் எந்த நோக்கமும் இல்லை. அனைத்தும் அல்லாவிடம் ஒப்படைத்துவிட்டோம்.இனி அல்லா இவரைப் பார்த்துக்கொள்வார். நான் கல்யாணம் செய்துகொண்டு, தொழில் செய்து புதிய வாழ்க்கையைத் தொடங்க இருக்கிறேன்’’என்று முடித்துக்கொண்டார்.இதையடுத்து, நஸ்ருதீனை சந்தித்துப் பேசியபோது, ‘‘ஏர்வாடி காஸிம் எனது நெருங்கிய நண்பர். நானும் காஸிமும் நான்கு குற்ற வழக்குகளில் சம்பந்தப்பட்டு அதற்கான தண்டனையையும் அனுபவித்துள்ளோம். நான் காஸிமை மோட்டார் சைக்கிளில் அழைத்துச் சென்றது உண்மைதான்.

அன்றைய தினம் காஸிமும் நானும் சென்னை மண்ணடியில் உள்ள ஒரு இடத்தில் பி.ஜெ. வை சந்தித்தோம். அப்போது பி.ஜெ. காஸிமிடம், திருந்தி வாழுமாறு அறிவுரை வழங்கினார். பின்னர் அங்கிருந்து நாங்கள் கிளம்பும்போது ‘நீங்கள் எங்கே போகிறீர்கள்’ என்று பி.ஜெ. எங்களைக் கேட்டார். ‘இன்று வெள்ளிக்கிழமை என்பதால் பெரம்பூர் ஜமாலியாவில் உள்ள பள்ளிவாசலுக்குச் செல்கிறோம்’என்று பி.ஜெ.விடம் சொல்லிவிட்டுத் தான் வந்தோம்.

நாங்கள் சென்ற இடம் பி.ஜெ.வுக்கு முன் கூட்டியே தெரியும்.நான் காஸிமை காட்டிக்கொடுத்தேன் என்பது பொய்யானது. காஸிமை பி.ஜெ. தான் காட்டிக் கொடுத்தார் என்பது இதன் மூலம் தெரியவருகிறது. அப்போது எங்களைப் பிடித்த போலீஸார்,என்னிடம் வெள்ளைக் காகிதத்தில் எழுதி வாங்கிக்கொண்டுதான் அனுப்பி விட்டனர்’’ என்றார்.
கடைசியாக பி.ஜெ.யிடம் கேட்டபோது,‘‘திருவிடச்சேரி சம்பவத்தில் எங்கள் இயக்கத்தினர் யாருக்கும் தொடர்பு இல்லை.எனவே பிரச்னையை திசைதிருப்ப வேண்டிய அவசியம் இல்லை. இணைய தளத்தில் உள்ள செய்தியைப் பார்த்து போலீஸார் எனக்கும்,என் வீட்டுக்கும் பாதுகாப்பு கொடுத்திருக்கிறார்கள். இதில் இருந்தே உண்மை என்ன என்பது புரியும்’’ என்றார்.

படங்கள்: ஞானமணி, சுரேஷ்

2010-09-22T12:46:00.003+04:00

அயோத்தி தீர்ப்பு: கர்நாடகத்தில் பள்ளி,கல்லூரிகளுக்கு விடுமுறை

அயோத்தியில் பாபர் மசூதி இருந்த இடம் யாருக்கு சொந்தம் என்று லக்னோ ஐகோர்ட்டில் தொடரப்பட்ட வழக்கில் நாளை மறுநாள் தீர்ப்பு வழங்கப்படுகிறது. தீர்ப்பு யாருக்கு சாதகமாக இருந்தாலும் எதிர் தரப்பினர் வன்முறையில் ஈடுபடக் கூடும் என எதிர்பார்க்கப்படுகிறது. எனவே நாடு முழுவதும் கலவரம் ஏற்பட வாய்ப்பு உள்ளது.

இதையொட்டி கர்நாடக மாநிலத்தில் முன்னெச்சரிக்கை நடவடிக்கையாக 24, 25 ஆகிய 2 நாட்கள் பள்ளி, கல்லூரிகளுக்கு விடுமுறை விடப்படுகிறது என முதல்வர் எடியூரப்பா அறிவித்துள்ளார்.

மேலும் அயோத்தி தீர்ப்பு பற்றி வெளிவந்த செயதிகளின் தொகுப்பு லிங்காக...

http://www.nakkheeran.in/users/frmNews.aspx?N=௩௯௮௮௬

http://www.nakkheeran.in/users/frmNews.aspx?N=௩௯௮௭௭

http://www.nakkheeran.in/users/frmNews.aspx?N=௩௯௮௭௬

2010-09-22T10:55:00.004+04:00

நாளை மறுநாள் தீர்ப்பு:(வெள்ளிக்கிழமை) பாதுகாப்பு வளையத்தில் அயோத்தி அதிரடிப்படை வீரர்கள் குவிப்பு

அயோத்தியில் பாபர் மசூதி இருந்த இடம் யாருக்கு சொந்தம் என்று லக்னோ ஐகோர்ட்டில் தொடரப்பட்ட வழக்கில் நாளை மறுநாள் (24-ந்தேதி) தீர்ப்பு வழங்கப்படுகிறது. தீர்ப்பு யாருக்கு சாதகமாக இருந்தாலும் எதிர் தரப்பினர் வன்முறையில் ஈடுபடக் கூடும் என எதிர்பார்க்கப்படுகிறது. எனவே நாடு முழுவதும் கலவரம் ஏற்பட வாய்ப்பு உள்ளது.

இதை தடுக்க நாடு முழுவதும் பாதுகாப்பு படைகள் உஷார்படுத் தப்பட்டுள்ளது.

அயோத்தியில் மோசமான நிலைமை ஏற்படலாம் என கருதி அங்கு மிக பலத்த பாதுகாப்பு போடப்பட்டுள்ளது.

அயோத்தி நகரம் முழுவதையும் பாதுகாப்பு படையினர் தங்கள் வளை யத்திற்குள் கொண்டு வந்துள்ளனர். இங்கு மத்திய போலீஸ் படையினரும், உத்தரபிரதேச போலீசாரும் கூட்டாக பாதுகாப்பு பணிகளை கவனித்து வருகின்றனர். அயோத்தியில் மட்டும் 52 கம்பெனி மத்திய படை குவிக்கப்பட்டுள்ளது. இவர்களில் அதிரடிப்படை பிரிவும் உள்ளது. சர்ச்சைக் குரிய இடத்தை சுற்றி அதிரடிப்படையினர் தயார் நிலையில் நிற்கின்றனர்.

உத்தரபிரதேசம் முழுவதும் நிலைமை மோசமடையலாம் என எதிர்பார்க்கப்படுவதால் அங்கு மற்ற மாநிலங்களை விட கூடுதல் பாதுகாப்பு உள்ளது. உத்தரபிரதேசத்தில் மட்டுமே 1 லட்சத்து 94 ஆயிரம் போலீசார் பாதுகாப்பு பணியில் ஈடுபடுத்தப்பட்டு உள்ளனர். முக்கிய இடங்களில் 144 தடை உத்தரவும் பிறப்பிக்கப்பட்டுள்ளது.

நாடு முழுவதும் 32 இடங்களில் பதட்டம் நிறைந்த பகுதியாக கண்டறியப்பட்டு உள்ளது. அதில் 4 இடங்கள் மிக மோசமான பகுதியாக கணித்து உள்ளனர். இந்த பகுதிகளில் அதிரடிப்படை யினர் பாதுகாப்புக்கு நிறுத்தப்பட்டு உள்ளனர்.
அனைத்து மாநில போலீசாரும் அதே போல பதட்டமான பகுதிகளை கண்டறிந்து உரிய பாதுகாப்பு வழங்கும் படி மத்திய அரசு அறிவுறுத்தி உள்ளது.

உத்தரபிரதேசம் தவிர மராட்டியம், மத்திய பிரதேசம், குஜராத், கர்நாடகா ஆகிய மாநிலங்களிலும் மோசமான நிலை ஏற்படலாம் என்று கருதுகின்றனர். எனவே அதிகபட்ச பாதுகாப்பு வழக்கும்படி மத்திய அரசு கூறியுள்ளது.

மக்களிடம் பதட்டம், குழப்பத்தை ஏற்படுத்தும் வகையிலான செய்திகளை டி.வி. நிறுவனங்கள் வெளியிடக் கூடாது. இது தொடர்பான கருத்து கணிப்புகளையும் வெளியிடக்கூடாது என்றும் உத்தரவிடப்பட்டுள்ளது.

2010-09-22T09:18:00.005+04:00

பி.ஜே வை கைது செய்! சென்னையில் பிஜெக்கு எதிரான கண்டன போஸ்டர்!

திருவாரூர் மாவட்டம் திருவிடைச்சேரியில் சென்ற செப்டம்பர் 5ஆம் தேதி இரவு தொழுகை சம்பந்தமாக நடைபெற்ற தகராரில் 2 முஸ்லிம்கள் சுட்டுக் கொல்லப்பட்டனர். ஒரு முஸ்லிம் உட்பட 4 பேர் படுகாயம் அடைந்தனர்.

இதில் தவ்ஹீத் ஜமாஅத்தினருக்கு ஆதரவாக துப்பாக்கி சூடு நடத்திய கொலை குற்றவாளி ஹஜ் முஹம்மது என்பவரின் செயல்பாட்டை ஆதரித்து பேசிய பிஜெ மீது தமிழக முஸ்லிம்கள் கண்டனம் தெரிவித்தனர். இந்திய தேசியலீக்கோ ஒருபடி மேலே போய் சுவரொட்டிகளை அடித்து சென்னை முழுவதும் ஒட்டியுள்ளது.

நன்றி - இந்தியதவ்ஹீத்ஜமாஅத் ஆன்லைன்

2010-09-19T10:50:00.004+04:00

“டிசம்பர் 6“ பாபர் மஸ்ஜித் உண்மை வரலாறு!

மேலும் படிக்க கீழே உள்ள லிங்கை க்ளிக் செய்து பார்க்கவும் படிக்கவும்.

பாபரி மஸ்ஜித் இடிக்கப்படும் பொழுது நேரடியாக எடுக்கப்பட்ட வீடியோவும் உள்ளது .

http://www.tntj.net/?p=7656

2010-09-19T10:27:00.005+04:00

பாபர் மசூதி -- தேவை தீர்ப்பா தீர்வா?

உத்தரப்பிரதேச மாநிலம் மட்டுமின்றி அகில இந்தியாவும் --- இந்துக்களும் முஸ்லிம்களும் அமைதியை நாடும் பொதுமக்களும் தீர்ப்பில் இருந்து அரசியல் ஆதாயம் பெற, அரசியல் கட்சிகளும் என அனைத்துத் தரப்பினரும் -- பீதி கலந்த ஆர்வத்துடன் எதிர்பார்த்துக் கொண்டிருக்கும் தீர்ப்பு இம்மாதம் 24 ஆம் தேதி அலஹாபாத் உயர்நீதிமன்றத்தின் லக்னோ கிளையால் வழங்கப்பட உள்ளது.

ராமன் கடவுளா, அவ்விடத்தில்தான் ராமன் பிறந்தானா, ராமஜன்மபூமி கோயிலை இடித்து மீர்பாகி பாபர் மசூதியைக் கட்டினானா அல்லது மசூதியை இடித்தது சரியா தவறா என்றெல்லாம் நீதிமன்றம் தீர்ப்பு வழங்கப் போவதில்லை.அத்வானி, உமாபாரதி, வினய்கட்டியார்,அசோக்சிங்கால் முன்னிலையில், பீஜேபி தலைமையில் ஒன்றுதிரண்ட காவித்தீவிரவாதிகளால் இடித்துத் தள்ளப்பட்ட பாபர்மசூதி நின்ற இடமான சுமார் 2.77 ஏக்கர் நிலம் யாருக்குச் சொந்தமானது என்பதற்கே தீர்ப்பு.

இரு தரப்பு மோதும் ஒரு வழக்கில் ஒரு தரப்புக்குச் சாதகமாகத் தீர்ப்பு வருவதே இயல்பு. நம் நாட்டு நீதிமன்றங்கள் தீர்ப்பு வழங்குவதில் ஆமையையும் நத்தையையும் மிஞ்சும் வேகம் காட்டுகின்றன.

பாபர்மசூதிப் பிரச்சனை இன்று நேற்று முளைத்ததில்லை. இராமாயணத்தில் குறிப்பிடப்படும் அயோத்தி நகரம் இந்துக்களுக்குப் புனித நகரம் என்பதால், அந்நகரில் மசூதி கட்டப்பட்ட காலத்தில் இருந்தே இப்பிரச்சனை இருந்து வந்துள்ளது. ஆங்கிலேயர் ஆட்சியிலும் விடுதலை பெற்ற இந்தியர்களின் ஆட்சியிலும் தொடர்ந்த இப்பிரச்சனைக்கு, 1992 ஆம் ஆண்டு டிசம்பர் 2 ஆம் தேதி மசூதி இடிக்கப்பட்டுப் பதினெட்டு ஆண்டுகளுக்குப் பின் ஒரு தீர்ப்பு வரப்போகிறது. தீர்ப்பு எதுவாயினும் கலவரம் வருவது உறுதி என்ற திடமான நிலைப்பாட்டில் உத்தரப்பிரதேச அரசு காவல்துறையையும் துணைராணுவப்படையையும் மாநிலமெங்கும் சிறப்புச் சிறைகளையும் ஆயத்தப்படுத்தி வருகிறது.

"இது ஒரு முடிவான தீர்ப்பன்று; பொதுமக்கள் அமைதி காக்க வேண்டும்" என மற்றொரு புறம் மத்திய அரசு மக்களின் 'டென்ஷனை'க் கூட்டுகிறது. பாபர்மசூதி போன்ற ஒரு பழமை வாய்ந்த கட்டடம் இடிக்கப்பட்டது பிரச்சினையில்லை. அக்கட்டடத்தை இடித்ததால் நாட்டில் முஸ்லிம்களின் இருப்பும் உரிமையும் கேள்விக்குள்ளாக்கப்பட்டதே பிரச்சனை.அயோத்தியில் பாபர்மசூதி நின்ற இடம் யாருக்குச் சொந்தம் என்பது தொடர்பாக நீதிமன்றம் எத்தகைய தீர்ப்பை அளித்தாலும் அதை நாங்கள் மதித்து ஏற்போம் என பாரதீய ஜனதாக் கட்சி கூறினாலும் அதன் காவிக் கூட்டாளிகளான விஸ்வஹிந்து பரிஷத்தும் பஜ்ரங் தள்ளும் ராமர்கோவில் விவகாரத்தில் நீதிமன்றம் தீர்ர்ப்புச் சொல்ல முடியாது என வெளிப்படையாகவே அறிவித்துள்ளனர்.

"சர்ச்சைக்குரிய இடத்தில் ராமர் கோவில் கட்டுவதற்கு அனுமதிப்பதே பிரச்சனைக்குத் தீர்வாக அமையும்" என ஆர் எஸ் எஸ் தலைவர் மோகன்பகவத் கூறியுள்ளார். "முஸ்லிம்கள் ராமர் கோயில் கட்ட ஆதரவளித்துவிட்டால் பின்பு யாரும் அவர்களை நோக்கித் 'தேச துரோகிகள்' என்று கூற முடியாது" என்றும் அவர் கூறினார். நீதிமன்றத் தீர்ப்பு தங்களுக்கு எதிராகவே இருக்கும் என இவர்கள் எதிர்பார்ப்பதாகவே தெரிகிறது.

"முஸ்லிம்கள் பாபர்மசூதி நின்ற இடத்தை ராமர்கோவில் கட்ட வழங்குவதன் மூலம் தங்கள் தேசபக்தியை நிரூபிக்க வேண்டும்" என மறைமுகமாக "பிளாக்மெயில்" செய்கிறார் மோகன் பகவத். தீர்ப்பு என்னவாக இருப்பினும் மேல்முறையீடு என்ற அஸ்திரத்தைப் பிரயோகிப்பதைவிட முஸ்லிம்களை மிரட்டியே காரியத்தைச் சாதித்து விடலாம் என்ற அவர்களது எண்ணமே இதில் பிரதிபலிக்கிறது.

"நீங்கள் எங்களுக்கு அடங்கிப் போகவில்லையெனில் "தேசத்துரோகிகளான" உங்களை எப்படி வழிக்குக் கொண்டுவருவது என்பது எங்களுக்குத் தெரியும். மீண்டும் ரத யாத்திரைகளால் ரத்தாபிஷேகம் நடத்தத் தயங்க மாட்டோம்; மும்பையும் குஜராத்தும் எங்கள் பயிற்சிக் களங்கள்தாம். இனி வருவது நிஜமான செயற்களமாக இருக்கும்" என்ற எச்சரிக்கையும் இதில் தொனிக்கிறது. ஒரிஸ்ஸாவில் ஸ்டெயின்ஸ் பாதிரியாரையும் அவரது மக்களையும் உயிரோடு கொளுத்தியதையும் மத்தியப்பிரதேசத்தில் கிருத்துவக் கன்னீயாஸ்திரீகளைக் கற்பழித்ததையும் தேசபக்தி மிக்க செயல் என வருணித்தவர்கள் விஹெச்பி, பஜ்ரங்தள் தலைவர்கள்.

தேசம் என்பது உலக வரைபடத்தின் எல்லைக்குள் அடங்கும் நிலப்பரப்பும் அதில் உருவாகி இருக்கும் கட்டடங்களும் தொழிற்சாலைகளும் கடலும் நதியும் மலைகளும் மட்டும் இல்லை. மக்களும் அவர்களது பண்பாடும் நாகரீகமும் உயரிய விழுமியங்களும் இணைந்ததே தேசம் ஆகும். தேசபக்தி என்பது உலகின் முன் தம் தேசத்தைத் தம் உயரிய விழுமியங்களால் உயர்த்திக் காட்டுவது ஆகும்.

பாகிஸ்தான் நாட்டைச் சேர்ந்த விளையாட்டு வீரர்கள் சூதாட்டத்தில் ஈடுபட்டார்கள் என்று வெளியான செய்தி அந்நாட்டின் மானத்தைக் கப்பலேற்றியது என்றால், கற்பழித்தும் நெருப்பிட்டுக் கொளுத்தியும் வழிபாட்டுத் தலத்தை இடித்தும் கலவரங்களை உருவாக்கி இனப்படுகொலை செய்தும் தேசத்தின் மதிப்பையும் மானத்தையும் கெடுத்தவர்கள் தம் செயலின் விளைவை உணர்ந்து கொண்டால் தேசபக்தி என்ன என்பது விளங்கும். குஜராத்தில் ஆயிரக்கணக்கான முஸ்லிம்கள் கொல்லப்பட்டபோது அன்றைய பிரதமர் வாஜபாய் "நான் எந்த முகத்துடன் வெளிநாடுகளுக்குச் செல்வேன்?" எனக் கவலையுடன் கேட்டதுதான் தேசபக்தி.

@ முஸ்லிம்கள் அயோத்தி இடத்தைக் கொடுத்துவிட்டால் இவர்கள் அடங்கி விடுவார்களா?

@ அப்படிக் கொடுப்பது ஒட்டகத்துக்கு இடம் கொடுத்து அரேபியன் இறந்த கதையாகிவிடாதா?

@ அடுத்து இவர்களின் பட்டியலில் உள்ள மதுராவையும் காசியையும் விட்டுவிடுவார்களா?

இந்தத் தேசபக்தித் திலகங்கள், "நீதிமன்றத் தீர்ப்பு எப்படி வந்தாலும் நாங்கள் இந்நாட்டுக் குடிமக்களான எங்கள் முஸ்லிம் சகோதரர்களுக்கு அவ்விடத்தைக் கொடுக்கிறோம்" எனச் சொல்லித் தம் தேசபக்தியை நிரூபிக்கலாம்; இந்தியாவின் மதிப்பையும் இந்துக்களின் மாண்பையும் உலகின் முன்னே உயர்த்திக் காட்டலாம். இந்த அரிய வாய்ப்பைப் பயன்படுத்தாவிடின் அச்செயல் "காவித்தீவிரவாதம்" எனச் சிதம்பரம் சொன்னதை உறுதிப்படுத்துவதாகவே அமையும்.

- அலசல் by ரஸ்ஸல்.

2010-09-18T12:18:00.004+04:00

பாபர் மஸ்ஜித் குறித்த எச்சரிக்கை செய்தி!

அன்பு சகோதரர்களே....அஸ்ஸலாமு அலைக்கும்...

வருகின்ற 24.09.2010 வெள்ளி கிழமையன்று பாபர் மசூதி வழக்கின் முக்கிய தீர்ப்பு வருகிறது இதில் யாருக்கு சாதக பாதகமாக இருந்தாலும் பாதிப்பு என்பது இஸ்லாமியராக இருக்கும் நமக்குத்தான் என்பதை கடந்த கால சம்பவங்களில் நாம் கண் கூடாக கண்ட மறுக்க/மறைக்க முடியாத உண்மையாகும் .

ஆனால் இந்த தீர்ப்பு நமக்குசாதகமா பாதகமா என்பது இறைவன் ஒருவனுக்கே வெளிச்சம் (இறைவனிடத்தில் துஆ செய்ய வேண்டியது முக்கியம்) ஆனாலும் இந்த தீர்ப்புக்கு பின் ஒருக்கால் பிரச்சனை என்று வருமேயானால் வரக்ககுடிய விளைவுகளை எதிர் கொள்ள நாம் தயாராக இருப்பது மிகவும் முக்கியத்துவம் வாய்ந்த ஒன்றாகும் .

இந்த தருணத்தில் நமக்கு நாமே பிரச்சனைகளை வளர்த்தும் இயக்கம் பார்த்துக்கொண்டும் அவன்தானே இவன் தானே என்று பாராமல் நாம் ஒற்றுமையாக இருந்தால் மட்டுமே நாம் இது போன்ற சமுக பிரச்சனைகளில் வெற்றிகாண இயலும் .

மேலும் இந்த தீர்ப்பானது வெள்ளிக்கிழமையன்று வழங்குவது மிகவும் முக்கியத்துவம் வாய்ந்தது இந்த தருணத்தில் நமக்கு எச்சரிக்கை தேவை . இந்த தினத்தன்று நமது பெண்களை குறைந்தது சில நாட்களுக்கு வெளியிடங்களுக்கு செல்லாமலும் பள்ளி செல்லும் பெண்பிள்ளைகளை இஸ்லாமியர் அல்லாத தனது தோழியர் வீடுகளுக்கு செல்ல வேண்டாம் என அறிவுறுத்தி நம்மை நாமே தற்காத்துக்கொள்ள கடமைப்பட்டுள்ளோம் என்பதையும் கவத்தில் கொண்டு நாம் ஒற்றுமை என்னும் கயிற்றை பற்றி பிடித்து இறைவனிடம் பிரார்த்தனை செயுங்கள் நிச்சயம் இறைவைனின் உதவி கிடைக்கும் என்பதில் ஐயமில்லை !

ஜிஹாதிலேயே உயர்ந்தது அநியாயக்காரனின் முன்னிலையில் நியாயத்தை எடுத்துக் கூறுவதாகும்" -நபி மொழி

நன்றி : அதிரை எக்ஸ்பிரஸ்

2010-09-18T12:11:00.004+04:00

திருவிடைச்சேரியில் நடந்தது என்ன?

கடந்த செப்டம்பர் 5ஆம் தேதி திருவாரூர் மாவட்டம், திருவிடைச்சேரியில் நடைபெற்ற சம்பவம் பல செய்திகளிலும், உங்கள் வெப்சைட் உட்பட நம் சமுதாயத்தின் பல இணையதளங்களிலும் படித்தேன். ஆனாலும் அவற்றில் ஒன்றுக்கு ஒன்றுக்கு சில வித்தியாசங்கள் இருந்தன. எல்லாவற்றிலும் சூப்பர் சகோதரர் பிஜெ அவர்களின் விளக்கம். அவரது விளக்கத்தில் குற்றவாளிகளுக்கு ஆதரவு அளித்தது மிகுந்த வருத்தத்தை தந்தது. இதை நான் ஒருபோதும் எதிர்பார்க்கவில்லை.

சமீபத்தில் ஒரு இணையதளத்தில் திருவிடைச்சேரி முஸ்லிம் ஜமாஅத் எழுதிய கடிதத்தில் திருவிடைச்சேரியில் நடந்தது என்ன? என விளக்கம் அளித்துள்ளார்கள். அதை இத்துடன் இணைத்துள்ளேன் பார்த்துக் கொள்ளவும்.

2010-09-15T13:34:00.005+04:00

முஸ்லிம் சிறைவாசிகள் விடுதலை; திறக்காத, மு.க.வின் மனசு...

இந்திய திருநாட்டில் கரசேவை[!] என்ற பெயரில் காடையர்களை கூட்டிச்சென்று, கருணை நாயனாகிய அல்லாஹ்வின் ஆலயத்தை இடித்தவர்களுக்கு ஒரு நாளில் சிறைக்கதவு திறக்கிறது. அவர்கள் துணைப் பிரதமர் பதவி வரைக்கும் அலங்கரிக்க முடிந்தது.

முதல்வரின் ஆசியோடுதான் நாங்கள் முஸ்லிம் இனச்சுத்திகரிப்பை குஜராத்தில் நிகழ்த்தினோம் என பகிரங்கமாக சொன்னவர்களை சிறைக்கதவு உள்வாங்க மறுக்கிறது. ஆசி வழங்கி முஸ்லிம்களின் ஆவியை பறித்தவர் அரியாசனத்தில் முதல்வராய் அமரமுடிகிறது.

மும்பையில் ஒரே நாளில் சுமார் மூவாயிரம் முஸ்லிம்கள் கருவறுக்கப் பட்டதற்கு காரணமாக அமைந்த 'தலையங்கம்' தீட்டிய, பிரபல மும்பை அரசியல் தாதா இன்றைக்கும் சுதந்திரமாக 'தலையங்கம் தீட்ட முடிகிறது. அவரை சிறைக்கதவு உள்வாங்க மறுக்கிறது.

கோவை குண்டு வெடிப்புக்கு முன்னால் நடந்த முஸ்லிம் இனப்படுகொலை என்ன ஆனது என்று எவருக்கும் தெரியவில்லை. மேலும், பல்வேறு குற்றச்செயல்களில் ஈடுபட்டு, பலமான ஆதாரங்களின் அடிப்படையில் கைது செய்யப்பட்ட, ஆனந்தாக்களும், .........ரிகளும் சாவகாசமாக வலம் வரமுடிகிறது.

இவ்வாறாக சட்டம் தனது நடு[!] நிலையான கடமையை செய்து கொண்டிருக்கும் நிலையில், கோவை குண்டுவெடிப்பு வழக்கில் கைது செய்யப்பட்டு சுமார் பதினான்கு ஆண்டுகளாக சிறையில் வாடும் முஸ்லிம் சிறைவாசிகளுக்கு மட்டும் சட்டத்தின் கதவு திறக்கமாட்டேன் என்று சண்டித்தனம் செய்கிறது.

ஆம்! அண்ணா பிறந்த நாளை முன்னிட்டு, ஒவ்வொரு ஆண்டும் பத்தாண்டுகளுக்கும் மேலாக சிறையில் இருப்பவர்களில் ஒரு தொகையினரை தமிழக அரசு விடுதலை செய்து வருகிறது. இந்த மனிதாபிமான விடுதலையில் முஸ்லிம் சிறைவாசிகளும் விடுவிக்கப்படவேண்டும் என்று பல ஆண்டுகளாக முஸ்லிம்கள் முதல்வரிடம் வேண்டுகோள் விடுத்து வருகின்றனர்.

கடந்த ஆண்டு, இன்னும் பத்து நாளில் தாமாகவே தண்டனை முடிந்து வெளியே வரவிருந்த சில முஸ்லிம்களை விடுவித்துவிட்டு, எதோ முஸ்லிம்களின் கோரிக்கையை நிறைவேற்றியது போன்று நாடகமாடினார் முதல்வர். சரி! இந்த ஆண்டாவது கோவை சிறையில் பதினான்கு ஆண்டுகளாக வாடிக்கொண்டிருக்கும் முஸ்லிம் சிறைவாசிகளில் கணிசமானோரை அண்ணா பிறந்த நாளில் விடுவிப்பார் என்று முஸ்லிம்கள் பெருத்த நம்பிக்கை வைத்திருந்த நிலையில்,

பேரறிஞர் அண்ணாவின் 102-வது பிறந்த நாள் விழாவையொட்டி மனிதாபிமான அடிப்படையில் 70 வயது நிரம்பிய மற்றும் 5 ஆண்டுகள் சிறைத் தண்டனை நிறைவு செய்து, கடலூர், பாளையங்கோட்டை, கோயம்புத்தூர், மதுரை, வேலூர் மற்றும் திருச்சி பெண்கள் தனிச்சிறை ஆகியவற்றில் உள்ள 80 வயது உடைய ஒரு பெண் கைதி உட்பட 13 சிறை வாசிகளை முன் விடுதலை செய்து தமிழக அரசு ஆணையிட்டுள்ளது என்று முதல்-அமைச்சர் கருணாநிதி அறிவித்து,

மீண்டும் முஸ்லிம்களை ஏமாற்றியுள்ளார். ஏனெனில் நாமறிந்தவரை கோவை குண்டுவெடிப்பு வழக்கில் சம்மந்தப்பட்ட சிறைவாசிகளில் 70 வயது நிரம்பியவர் எவரும் இல்லை.

எனவே தொடர்ந்து முஸ்லிம்கள் விஷயத்தில் தொடர் மவுனம் சாதிக்கும் திமுகவின், சில சீட்டுக்களுக்காகவும், வீசும் நோட்டுகளுக்காகவும், அல்லது வேறு சில நோக்கங்களுக்காகவும் இனியும் இந்த முஸ்லிம் சமுதாய இயக்கங்கள், கருணாநிதிக்கு வெண்சாமரம் வீசப்போகிறதா..? அல்லது தனது ஒற்றுமையின் வலிமையை வாக்குகளாக மாற்றி, கருணாநிதியை வீட்டுக்கு அனுப்பப் போகிறதா என்பதை தேர்தல் நேரத்தில் பார்ப்போம் இன்ஷா அல்லாஹ்.

-முகவை அப்பாஸ், குவைத்.
நன்றி - இந்திய தவ்ஹீத் ஜமாஅத் ஆன்லைன்

2010-09-15T12:59:00.006+04:00

தீர்ப்பை பற்றி கவலையில்லை: ராமர் கோவிலை கட்டியே தீருவோம்: ராமகோபாலன் கொக்கரிப்பு!

என்ன தீர்ப்பு வந்தாலும் கவலையில்லை. ராமர் கோவிலை அயோத்தியில் கட்டியே தீருவோம் என, ராமகோபாலன் கூறினார்.
கோவை காந்தி பார்க் ஏ.கே.எஸ் நகரில் உள்ள ஒரு வீட்டில் இன்று செய்தியாளர்களை இந்து முன்னணி மாநில தலைவர் ராமகோபாலன் சந்தித்தார்.

அப்போது அவர் பேசுகையில், விநாயகர் சதுர்த்தியை முன்னிட்டு இப்போது கோவை எங்கும் நடைபெற்றுக் கொண்டிருக்கும், மத மோதல்களை இஸ்லாமியர்கள் செய்துகொண்டிருக்கிறார்கள். தென்கொரியாவில் சாலையெங்கும் புத்த சிலைகள் நிறைந்திருந்தது. அப்போது அமெரிக்க பிரதிநிதிகள் தென்கொரிய பிரதிநிதிகளிடம் சாலையெங்கும் இருக்கக்கூடிய புத்தர் சிலையை எடுத்துவிடுங்கள் என்று சொல்லியதன் பேரில், தென்கொரிய பிரதிநிதிகள் சிறிய சிலைகளை எடுத்தார்கள்.

சிலைகளை எடுப்பதற்கு முன்னர் பௌத்தர்கள் 60 சதவீதம் இருந்தார்கள். கிருஸ்தவர்கள் 40 சதவீதம் இருந்தார்கள். சிலைகளை எடுத்தப் பின்னர் 60 சதவீதமாக கிருஸ்தவர்கள் மாறிப்போனார்கள். 40 சதவீதமே பௌத்தவர்கள் இருக்கின்றனர்.
அதேபோலத்தான், இங்கேயும் சாலைகளில் உள்ள கோவில்களை அகற்றிவிட்டு, சர்ச்சுகளும் மசூதிகளும் நிறைந்துவிட்டன. அயோத்தியில் உள்ள இடம் யாருக்கு சொந்தம் என அலகாபாத் நீதிமன்றம் தீர்ப்பு அறிவிக்க உள்ள இந்த நேரத்தில், நாம் சொல்லிக்கொள்வது என்னவென்றால், என்ன தீர்ப்பு வந்தாலும் கவலையில்லை. ராமர் கோவிலை அங்கே கட்டியே தீருவோம்.

அசோக் சிங்கால் தீர்ப்பை மதிப்போம் என்கிறார். இஸ்லாமியர்கள் யாரும் தீர்ப்பை மதிப்போம் என்று சொல்லவில்லை. இதற்கிடையே தீர்ப்பு வரும் இந்த நேரத்தில் இஸ்லாமியர்களின் மனைவிகளும், குழந்தைகளும் பத்திரமான இடத்திற்கு அனுப்பப்பட்டுக்கொண்டிருக்கிறார்கள். அப்படி என்றால், ஏதோ ஒரு பெரிய கலவரத்தை அரங்கேற்ற இவர்கள் திட்டமிட்டிருக்கிறார்கள். கோயம்பத்தூரில் கல்லூரி மாணவிகளை இஸ்லாம் இளைஞர்கள், பேச்சுக் கொடுத்து மயக்கி லவ் ஜிகாத் என்ற முறையில் அவர்களை இஸ்லாம் முறைக்கு மாற்றுகிறார்கள். மாற்றியதோடு மட்டுமல்லாமல், அவர்களை இந்துகளுக்கு எதிராக பயங்கரவாதிகளாக மாற்றுகிறார்கள்.

முதல்வர் கருணாநிதி திருந்திவிட்டார். அவருக்கு தெய்வ பக்தி வந்துவிட்டது என்று பலர் சொல்லுகிறார்கள். ஆனால் அது சுத்தபொய். அவர் எப்போதும் திருந்தவே மாட்டார். அவர் இந்துகளுக்கு எதிராகத்தான் இருப்பார்.

சொராபுதீன் என்ற ஒரு பயங்கர தீவிரவாதி, இங்கு கோவையில்தான் இருப்பதாக தகவல்கள் வருகிறது. அவன் இங்கே பலருக்கு துப்பாக்கி பயிற்சி அளித்துக்கொண்டிருக்கிறான் என்ற தகவலும் இருக்கிறது. அவன் இருக்கும் இடத்தை காவல்துறையினருக்கு நிச்சயம் தெரிந்திருக்கிறது. ஆனால் அவர்களால் அவனை கைது செய்ய முடியாது. ஏனென்றால் இங்கே காவல்துறை அதிகாரிகளுக்கு யாருக்கும் அதிகாரம் இல்லை. காவல்துறை அதிகாரிகளையே இஸ்லாமியர்கள் அடிக்கிறார்கள். தற்போது கூட கோவையில் ஒரு எஸ்.ஐ. இஸ்லாமியர்களால் தாக்கப்பட்டிருக்கிறார் என்பதை நினைவுப்படுத்த விரும்புகிறேன். கல்லூரிகளில் பள்ளிகளில் இஸ்லாமியர்களுக்கும், கிருஸ்துவர்களுக்கும் அளிக்கப்படும் சலுகைகளை இந்து மாணவர்களுக்கும் அளிக்கப்பட வேண்டும் என்றார்.

இவ்வாறு ராமகோபாலன் கூறிருக்கின்றார்.

--- நக்கீரன் --

தமிழக முஸ்லிம்களே விழித்துக்கொள்ளுங்கள் ராமகோபாலன் போன்றவர்களையும் பாபர் மசூதி இடத்தில் ராமர் கோவிலை கட்டத்துடிக்கும் ஹிந்துத்துவவாதிகளையும் ஜனநாயக ரீதியில் எதிர்கொள்ள....

2010-09-12T12:08:00.006+04:00

இலவசம் : வாழ்வது ஒரு குடும்பம்... விடிவது நம் தலையில்...

இன்று நாடெங்கும் காட்டுத்தீ போல் பரவி - பரவலாக பேசப்படும் பிரச்சணை விலைவாசி உயர்வு. இதற்கு காரணம் ஆண் லைன் வணிகம் என்று ஒரு சாராரும், மத்திய அரசு தான் காரணம் - மற்ற மாநிலங்களை போல் தமிழகத்தில் விலைவாசி உயர்வு பெரிய பாதிப்பை ஏற்படுத்தவில்லை என்று கலைஞரும் கொக்கரிக்கிறார்கள்.

அரிசி, பருப்பு, சர்க்கரை, எண்ணை என மக்களின் அன்றாட வாழ்கைக்கு தேவையான அனைத்து அத்தியாவசிய பொருட்களின் விலைகளும் அதிகரித்துக்கொண்டே இருக்கின்றன. விண்ணை தொட முயலும் இந்த விலைவாசி உயர்வை கட்டுப்படுத்த மத்திய, மாநில அரசுகள் பெரிதாக எந்த முயற்சியும் மேற்கொள்வதில்லை. அவ்வபோது மத்திய அரசு - "விலைவாசி உயர்வை கட்டுக்குள் கொண்டுவர நடவடிக்கை எடுக்கப்படும்" என அறிக்கை விடுவதோடு சரி, வேறெந்த உறுப்படியான நடவடிக்கைகளும் மேற்கொள்வதில்லை.

தமிழ் தாயின் மூத்த தலைமகன் என தனக்குதானே பட்டம் சூட்டிக்கொள்ளும் கருணாநிதி, தமிழீழ பிரச்சணையில் கூட காங்கிரஸ் அரசை நேரடியாக சாடிடாத போதும், விலைவாசி உயர்வுக்கு மத்திய அரசு தான் காரணம் என கூறும் அளவிற்கு, விலைவாசி உயர்வு நடுத்தர மற்றும் ஏழை மக்களின் குரல்வலையை நெறிக்கிறது.

"விலைவாசி உயர்வு தவிர்க்க முடியாத ஒன்று, இது உலகளாவிய சிக்கல்" என நாடாளுமன்றத்தில் பிரதீபா பட்டேல் தெரிவித்தார். குடியரசு தலைவர் அறிவித்தது போல் அத்தியாவசிய பொருட்களின் விலை 20% உயர்ந்திருப்பது ஒன்றும் தவிர்க்க முடியாதது அல்ல. வல்லரசு பட்டியலில் சேர்ந்துவிட்டதாக தம்பட்டம் அடிக்கும் இந்தியா, அது இடம்பெற்றுள்ள ஜி-20 நாடுகளில் பெரும்பாலானவற்றில் 10 % மேல் விலை உயர்வு இல்லை. இந்தியாவில் மட்டும் தான் டிசம்பர் 2009 மாத முடிவின் படி விலைவாசி உயர்வு சராசரியாக 15 %. அதுவும் அத்தியாவசிய பொருட்களின் விலை உயர்வு சராசரியாக 25 விழுக்காட்டை தாண்டியுள்ளது. இன்றைய நிலவரப்படி, உலக எண்ணெய் சந்தையில் ஒரு லிட்டர் கச்சா எண்ணையின் விலை 21 ரூபாய் 46 காசு. அரசு கணக்குப்படி சுத்தகரிக்க இதற்கு மேல் 10 % செலவாகும். இதன் படி ஒரு லிட்டர் பெட்ரோல் 23 ரூபாய்க்கு விற்கப்பட வேண்டும். ஆனால் எரத்தாழ 50 ரூபாய்க்கு மேல் விற்கப்படுகிறது. எனவே எண்ணெய் விலை உயர்வுக்கும், உலக சந்தை நிலவரத்திற்கும் சம்பந்தம் இல்லை. பெட்ரோலிய பொருட்களின் மீது இந்திய அரசின் வரி எரத்தாழ 35 % ஆகும். இதுவே பெட்ரோலிய பொருட்களின் இந்திய சந்தையின் விலை உயர்வுக்கு காரணம் ஆகும்.

நெல் கொள்முதல் விலையை 5 அன்ன்டுகளில் 80 % உயர்த்திக் கொடுத்ததால் தான் அரிசி விலை இந்த அளவிற்கு உயர்ந்து விட்டது என அரசு கூறுவது நியாமற்றது, உண்மைக்கு புறம்பானது. கடந்த ஓராண்டில் மட்டும் தமிழகத்தில் நெல் கொள்முதல் விலை 15 % உயர்ந்துள்ளது. ஆனால் வெளிசந்தையில் அரிசியின் விலை 16 ரூபாயிலிருந்து 45 ரூபாய்க்கு உயர்ந்துள்ளது. அதாவது கடந்த ஓராண்டில் மட்டும் சுமார் 150 % மேல் உயர்ந்துள்ளது. இத்தனைக்கும் தமிழகத்தில் நியாயவியாலி கடைகளில் கிலோ அரிசி ஒரு ரூபாய்க்கு விற்கப்படும் போதே இந்த நிலை!

மத்திய அரசின் தேசிய ஊராக வேலை வாய்ப்பு திட்டம் ஒரு நல்ல திட்டம் தான் என்பதில் சந்தேகம் இல்லை. ஆனால் இந்த திட்டத்தை தமிழகம் போன்று விவசாயத்தில் சிறந்து விளங்கும் மாநிலங்களில் நடைமுறைபடுத்துவது விலைவாசி உயர்வுக்கு முக்கிய காரணமாக அமைந்துவிடுகிறது. இங்கு இத்திட்டத்தை நடைமுறைபடுத்தினால், விவசாயிகள் நிரந்தர வருவாய் கிடைக்கிற தேசிய ஊராக வேலை உறுதி திட்டத்திற்கு சென்றுவிடுகிறார்கள். இதனால் விவசாய உற்பத்தி பாதிக்கிறது. விலைவாசி உயரும் காலங்கள் மற்றும் விவசாயம் செழிக்கும் காலங்களிலாவது தேசிய ஊராக வேலை உறுதி தெயிடை நிறுத்தி வைக்கவேண்டும். இலவசங்களையும், கவர்ச்சி திட்டங்களையும் அறிவித்து ஆட்சி கட்டிலில் அமர்வது, கோடி கொடியை பணத்தை குவிப்பது மட்டும் குறியாய் இருந்தால் நாட்டின் விலைவாசி உயர்வை கட்டுபடுத்தவே முடியாது.

சாமானிய மக்கள், இலவசம் என்று ஒன்றே வாழ்கையில் இல்லை என்பதை புரிந்துகொண்டால், பாதி பிரச்சணை தீரும்!

விவசாயகடன் ரத்து - இதனால் குறுநில விவசாயிகளில் 5 % மக்கள் மட்டும் பயன்பெறுகிறார்கள். இதனால் பெரிதும் பயனடைவது பெருநில முதலைகளும், ஆட்சிகட்டிலில் தொடர்ந்து அமர்ந்திட துடிக்கும் அரசியல்வாதிகளும் தான். வங்கி கடனை ரத்து செய்தால், வங்கியின் கணக்கை நிவர்த்தி செய்யபோவது யார்? அரசு தான் மக்களின் வரிப்பணத்தில் செய்யவேண்டும்...

குடும்ப அட்டை வைத்திருப்பவர்களுக்கெல்லாம் இலவச தொலைகாட்சி பெட்டி - தொலைகாட்சி பெட்டியை வாங்க கருணாநிதி என்ன செய்வார்? தன் சட்டை பையிலா கைவிடுவார்? இங்கும் மக்களின் வரிப்பணம் தான் வேலை செய்யும்... கட்டிய வரிப்பணத்திற்கும், ஓட்டிற்கு வாங்கும் பணத்திற்கும் கிடைக்கும் இலவச தொலைகாட்சியில் ஆயிரம் ரூபாய்க்கு சன் டைரக்ட் வாங்கிகொண்டு கலைஞர் டிவியில் "மானாட மயிலாட" பார்க்கலாம்... ஒரு ரூபாய் அரிசியை நெய்ய புடைத்து சோறாக்கி, சாம்பாருக்கு 99 ரூபாய்க்கு பருப்பு வாங்க வேண்டும்.

ஒரு ரூபாய் அரிசி, விவசாயகடன் ரத்து, இலவச தொலைக்காட்சி பெட்டிகளாளெல்லாம் மத்தியிலும், மாநிலத்திலும் வாழ்வது ஒரு குடும்பம் தான்! ஆனால் விடிவது என்னவோ நம் தலையில்... விலைவாசி உயர்வின் வேரருக்கும் சக்தி பொது மக்களாகிய நம் கையில் தான் இருக்கிறது....

_நசீருத்தீன்

2010-09-10T03:18:00.003+04:00

2010-09-09T12:24:00.006+04:00

அனைவருக்கும் சமுதாய உரிமை வலைதளத்தின் சார்பாக இனிய நோன்பு பெருநாள் வாழ்த்துக்கள்.

அன்புச்சகோதரர்களே புனித மிகு 'ரமலான்' மாதத்தை கடந்து 'ஷவ்வால்’ மதத்தின் முதல் நாளில் பெருநாள் கொண்டாடும் உலகம் முழுவதும் உள்ள முஸ்லிம்களுக்கு எங்களின் நோன்பு பெருநாள் வாழ்த்துக்கள்... இந் நன்நாளில் முஸ்லிம்கள் அணைவரும் ஒருவருக்கொருவர் சகோதரத்துவத்தோடும்,பாசப்பிணைப்போடும்,வாழ் வாங்கு வாழ்வதற்கும். காவிய பயங்கரவாதிகளாலும், ஆட்சி அதிகாரம் படைத்த அதிகார வர்க்கங்களாலும் நம் சமுதாயத்திற்கு எதிராய் செய்யப்படும் சூழ்ச்சிகளை தவிடுபொடியாக்கி முஸ்லிம் சமுதாயத்தை இன்னும் வளம்பெற செய்ய எல்லாம் வல்ல ஏக இறைவனிடம் பிராத்திக்கிறோம்.

2010-09-09T12:07:00.004+04:00

இதஜ முயற்சியால் முத்துப்பேட்டையில் கலவர முயற்சி முறியடிப்பு!

திருவாரூர் மாவட்டம் முத்துபேட்டை நகரத்தில் நடைபெறும் விநாயகர் ஊர்வலத்தின் போது ஆண்டு தோறும் கலவரம் ஏற்பட்டது.இது குறித்து மாற்றுபாதை கேட்டு சென்ற ஆண்டு இந்திய தவ்ஹீத் ஜமாஅத்தின் மாநில செயலாளர் முஹம்மது ஷிப்லி தொடுத்த வழக்கில் சென்னை உயர்நீதிமன்றம் மாற்றுபாதையை தீவிரமாக பரீசிலித்து நடவடிக்கை எடுக்குமாறு மாவட்ட ஆட்சியருக்கு ஆலோசனை வழங்கியது.

அதன் அடிப்படையில் சென்ற ஆண்டு மாற்றுபாதையில் விநாயகர் ஊர்வலம் நடைபெற்றது.இந்த மாற்றுபாதையில் ஊர்வலம் நடத்த மாவட்ட ஆட்சியர் உத்தரவிடுவதற்கு தடை ஆணை விதிக்க கோரி இந்து முன்னணி சார்பாக நேற்று உயர்நீதி மன்றத்தில் தொடரப்பட்டது.இந்த வழக்கு இன்று (08.0.9.10) தலைமை நீதிபதி இக்பால் மற்றும் டி.எஸ்.சிவஞானம் ஆகியோர் கொண்ட முதலாம் அமர்வு நீதிமன்றத்தில் விசாரணைக்கு வந்தது.

நமக்கு நோட்டீஸ் வழங்காத போதிலும், விசாரணையின் போது தங்களையும் ஒரு தரப்பாக இணைக்க வேண்டும் என்று இந்திய தவ்ஹீத் ஜமாஅத்தின் மாநில செயலாளர் முஹம்மது ஷிப்லியின் சார்பாக வழக்கறிஞர் காசிநாத பாரதி மற்றும் மூத்த வழக்கறிஞர் எஸ்.பிரபாகரன் ஆஜராகினர்.இவர்கள் தடை ஆணை வழங்க கூடாது என்று வாதிட்டனர்.

இதை அடுத்து தடை ஆணை விதிக்க மறுத்த நீதிபதிகள் மாவட்ட ஆட்சியர் சட்டம் ஒழுங்கு பிரச்சனையை ஆலோசித்து முடிவு எடுக்கலாம் என்றும் இது குறித்த ஆலோசனை கூட்டதின் போது இந்திய தவ்ஹீத் ஜமாஅத்தின் மாநில செயலாளர் முஹம்மது ஷிப்லி அழைக்கபடவேண்டும் என்றும் உத்தரவு வழங்கி தீர்ப்பளித்தனர்.

இந்திய தவ்ஹீத் ஜமாஅத் சரியான நேரத்தில் எடுத்த நடவடிக்கையால் இந்து முன்னணியின் முயற்சி முறியடிக்கப்பட்டது.எல்லாப் புகழும் இறைவனுக்கே.

2010-09-09T10:41:00.004+04:00

முத்துப்பேட்டையில் அனைத்து தரப்பு கூட்டம் நடத்த வேண்டும்:ஐகோர்ட் உத்தரவு

திருவாரூர் மாவட்டம் திருத்துறைப்பூண்டியை அடுத்த ஜாம்பவான் ஓடையை சேர்ந்த பி.ராமலிங்கம், சென்னை ஐகோர்ட்டில் தாக்கல் செய்த மனுவில்,

’’பல ஆண்டுகளாக எங்கள் பகுதியில் நாங்கள் விநாயகர் சதுர்த்தியை முன்னிட்டு விநாயகர் சிலை ஊர்வலம் நடத்தி வருகிறோம். இந்த விநாயகர் சிலை ஊர்வலத்துக்கான ஒருங்கிணைப்பு குழு செயலாளராக நான் செயல்படுகிறேன்.

விநாயகர் சிலை ஊர்வலப்பாதை ஜாம்பவான் ஓடையில் உள்ள விஸ்வநாத சுவாமி கோவிலில் தொடங்குகிறது. பின்னர் முத்துப்பேட்டை, ஓடைகரை, டி.டி.பி.சாலை, ஆசாத் நகர், புதிய பஸ்நிலையம், பழைய பஸ் நிலையம், பி.கே.டி.சாலை ஆகியவற்றின் வழியாக சென்று இறுதியில் பேட்டை சிவன் கோவிலை அடைந்து, அங்குள்ள கோரையாறை சென்றடைகிறது. இந்த சாலையில் கடந்த சில ஆண்டுகளாக ஊர்வலம் சென்று கொண்டிருந்தது.
இந்த நிலையில், 1993-ம் ஆண்டு ஊர்வலத்தின்போது சில சமூக விரோதிகள் கல்வீசி தாக்கினர். எனவே, அதன்பிறகு நாங்கள் போலீஸ் பாதுகாப்புடன் தொடர்ந்து ஊர்வலத்தை நடத்தி வந்தோம். இந்த நிலையில் 2008-ம் ஆண்டு மீண்டும் சில சமூக விரோதிகள் ஊர்வலத்திற்கு இடையூறு ஏற்படுத்தினர்.

அதைத் தொடர்ந்து 2009-ம் ஆண்டு சென்னை ஐகோர்ட்டில் முகமது சிப்லி பொதுநல வழக்கு ஒன்றை தாக்கல் செய்தார். அப்போது உத்தரவிட்ட ஐகோர்ட்டு, விநாயகர் ஊர்வலத்துக்காக புதிய ஊர்வல பாதையை சம்பந்தப்பட்ட அதிகாரிகள் ஏற்படுத்த வேண்டும் என்று உத்தரவிட்டது. இதன் அடிப்படையில் புதிய ஊர்வலப் பாதை உருவாக்கப்பட்டுள்ளது.

இந்த புதிய ஊர்வல பாதையில் அங்காள அம்மாள் கோவில், வெள்ளை விநாயகர் கோவில், காமாட்சி அம்மன் கோவில், பேட்டை சிவன் கோவில் ஆகியவை இடம்பெறவில்லை. ஊர்வலத்தினர் இந்த கோவில்கள் வழியாக செல்ல முடியாது. மேலும், விநாயகர் சிலைகளை கரைப்பதற்கு அதிகாரிகள் நிர்ப்பந்திக்கும் பகுதிக்கு செல்ல வேண்டியுள்ளது.

அந்த பகுதி சுடுகாட்டின் அருகே அமைந்துள்ளது. எனவே, நாங்கள் ஏற்கனவே ஊர்வலம் நடத்தி வந்த பழைய ஊர்வல பாதையில் செல்ல எங்களை அனுமதிக்க வேண்டும் என்று மாவட்ட கலெக்டர் உள்ளிட்ட அதிகாரிகளுக்கு உத்தரவிட வேண்டும்’’என்று கூறியிருந்தார்.
இந்த மனுவை தலைமை நீதிபதி எம்.ஒய்.இக்பால், நீதிபதி சிவஞானம் ஆகியோர் விசாரித்தனர்.

பின்னர் நீதிபதிகள், ‘’இது மாவட்ட நிர்வாகத்தின் பொறுப்பில் வரும் பிரச்சனை ஆகும். அந்த ஊர்வலம் மற்றும் அங்குள்ள சட்டம்-ஒழுங்கு நிலவரத்தை மாவட்ட நிர்வாகம் தான் தனது முழு கட்டுப்பாட்டில் வைத்திருக்க வேண்டும். இந்த விவகாரத்தில் வருவாய்த்துறையினரும், போலீஸ் அதிகாரிகளும் முடிவு செய்வதுதான் சரியாக இருக்கும். எனவே, மாவட்ட நிர்வாக விவகாரத்தில் நாங்கள் தலையிட விரும்பவில்லை.விநாயகர் சிலை ஊர்வலப் பாதை தொடர்பாக திருவாரூர் மாவட்ட கலெக்டர் அனைத்து தரப்பினரையும் அழைத்து கூட்டம் நடத்த வேண்டும்.

இந்த கூட்டத்தில் விநாயகர் சிலை ஊர்வலப் பாதை பற்றி முடிவு செய்யவேண்டும். மொத்தத்தில் ஒருமித்த கருத்து ஏற்படவில்லை என்றால், மாவட்ட போலீஸ் சூப்பிரண்டுடன், கலெக்டர் கலந்து ஆலோசித்து ஊர்வலப் பாதையை பற்றி முடிவு செய்யலாம். அந்த வகையில் ஊர்வலம் நடத்த வேண்டிய தேதி, நேரம் ஆகியவற்றையும் முடிவு செய்யவேண்டும். அனைத்து முடிவுகளும் மக்கள் நலன் கருதி எடுக்கப்பட வேண்டும். அந்த பகுதியில் மத நல்லிணக்கம் ஏற்படும் வகையில் கலெக்டரும், மாவட்ட போலீஸ் சூப்பிரண்டும் இணைந்து பணியாற்ற வேண்டும்’’என்று உத்தரவிட்டனர்.

நக்கீரன் இணையதளம்.

2010-09-08T02:20:00.012+04:00

அமீரகத்தில் வீசும் தமுமுக அலை

ம ம க வின் அரசியல் முடிவுக்கு அமோக வரவேற்பு

அரபு வளைகுடா நாடுகளில் இந்தியர்களுக்கு மத்தியில் செல்வாக்கு மிக்க அமைப்பாக தமுமுக செயல்பட்டு வருகிறது , அங்கும் ரத்த தானம் , மருத்துவ உதவி , வேலை வாய்ப்பு உதவி , இஸ்லாமிய பிரச்சாரம் ,அழைப்பு பணி , சமுதாய விழிப்புணர்வு கருத்தரங்குகள் என வாரந்தோறும் நடைபெறும் நிகழ்சிகளால் மக்கள் ஆதரவு பெருகிக்கொண்டே செல்கிறது , அல்ஹம்துல்லில்லாஹ்....

ஐக்கிய அரபு அமீரகம் தமுமுகவின் செயல் பாடுகள் தீவிரமாக இருக்கும் நாடுகளில் ஒன்று . இ ங்கு மமக துணைப்பொது செயலாளர் எம் .தமிமுன் அன்சாரி , தமுமுக தலைமைக்கழகபேச்சாளர் சிவகாசி முஸ்தபா ஆகியோர் சூறாவளி பிரச்சாரம் மேற்கொண்டார்கள்.

அவர்கள் மாநாடு, கருத்தரங்கம், உள்ளரங்கம், தொழிலாளர் முகாம்கள் , விடுதி அறைகளில் தொடர்ந்து உரையாற்றி , தொடர்ந்து நடைபெறும் கேள்வி - பதில் அமர்வுகளில் அனல் பறக்கும் கேள்விகளுக்கு , பொறி பறக்கும் பதில்களை பதிவு செய்து மக்களை வசப்படுத்தி உள்ளனர். தொடர்ந்து அமீரக நிர்வாகிகளும் மண்டல நிர்வாகிகளும் , கிளை நிர்வாகிகளும் முழு வீச்சில் சுழன்று வருகிறார்கள் .

மமக வின் அரசியல் முடிவுக்கும் புதிய கூட்டணிக்கும் பெரும் ஆதரவு கிடைத்திருப்பதாக அமீரக நிர்வாகிகள் மகிழ்ச்சியடைந்துள்ளர்கள் , தொடர்ந்து நடைபெற்ற ஜமாத் சந்திப்புகள் தமுமுகவின் பலத்தை மேலும் பலப்படுத்துவதாக இருக்கிறது.

தொழிலதிபர்கள் , அலுவலகங்களில் பணிபுரியும் ஊழியர்கள் பிரமுகர்களுடன் நடைபெறும் தனி சந்திப்புகள் கேள்வி- பதில்களுடன் மிகுந்த உற்சாகமாக நடைபெற்றன.

ஷார்ஜா, அபுதாபி , ரசல் கைமா , அலைன் மண்டலங்களில் நடைபெற்ற தமுமுக நிகழ்சிகளில் மக்கள் வெள்ளம் திரண்டது நிர்வாகிகளுக்கு பெரும் மகிழ்ச்சியை ஏற்படுத்தியுள்ளது . அமீரகம் முழுக்க அணைத்து மண்டலங்களிலும் நடைபெற்ற சிறியதும் பெரியதுமான நிகழ்சிகளில் மனித நேய மக்கள் கட்சியின் அரசியல் நிலைப்பாட்டுக்கும் ADMK கூட்டணிக்கும் சமுதாய மக்கள் அளித்த ஆதரவு தங்களுக்கு நம்பிக்கை ஊட்டுவதாக அமீரக நிர்வாகிகள் தெரிவிக்கின்றனர் .

துபாய் , ஷார்ஜா , அபுதாபி மண்டலங்களில் புதிதாக பல கிளைகள் தொடங்க பட்டிருக்கிறது . அஜ்மான் புஜைரா , உம்முள் குவைன் மண்டலங்களில் புதிய நிர்வாகம் துவக்கப்பட்டு பணிகள் முடுக்கிவிடபட்டுருக்கின்றன .

இப்போது துபாய் மற்றும் ஷார்ஜாவில் இருப்பது போல் எல்லா மண்டலங்களிலும் மர்கஸ் அலுவலகங்கள் தொடங்க பட இருக்கின்றன . தீவிர உறுப்பினர் சேர்க்கும் பணிகள் நடைபெற்று வருகின்றன . மக்கள் உரிமை வார இதழ்களுக்கான சந்தாக்களும் சேகரிக்க பட்டு வருகின்றன .

கடந்த செப் -3 துபையில் நடைபெற்ற அமீரக பொதுக்குழு நிர்வாகிகளுக்கு பெரும் உற்சாகத்தை தந்திருக்கிறது .அமீரக நிர்வாகிகள் , மண்டல நிர்வாகிகள் ,கிளை நிர்வாகிகள் மட்டுமே பங்கேற்ற இந்நிகழ்ச்சியில் சுமார் 150 நிர்வாகிகள் பங்கேற்றது சாதனை நிகழ்வாகும் . அமீரகத்தில் இதுவரை எந்த அமைப்பும் இவ்வளவு பலமான நிர்வாக கட்டமைப்போடு செயல் பட்டதில்லை என பல்வேறு ஊர்களை சார்ந்த ஜமாஅத் நண்பர்கள் தெரிவிக்கின்றனர் .மொத்தத்தில் அமீரகத்தில் தமிழக மக்களுக்கு மத்தியில் செல்வாக்கு உள்ள அமைப்பு தமுமுக என்பது மீண்டும் நிரூபிக்கப்பட்டுள்ளது , அமீரகத்தில் தமுமுக அலை வீசுகிறது . அது தமிழகத்திலும் தாக்கத்தை ஏற்படுத்தும் என்பது நிச்சயம். இன்ஷா அல்லாஹ் !!

கடந்த ஒரு மாதமாக அமீரகத்தில் சுற்று பயணம் செய்த மனித நேய மக்கள் கட்சியின் துணை பொது செயலாளர் எம் .தமிமுன் அன்சாரி மற்றும் தமுமுக தலைமைகழக பேச்சாளர் சிவகாசி முஸ்தபா மன நிறைவோடு தாயகம் திரும்பியுள்ளனர் .

2010-09-07T12:58:00.004+04:00

இரண்டு உயிர் போதுமா....?

ஒரு சுன்னத்தை நிறைவேற்ற இரண்டு உயிர்களை பரிகொடுத்திருக்கிறது திருவிடைசேரி... தௌஹீத் - சுன்னத் ஜமாஅத் இவர்களுக்கு பிடித்திருந்த வெறி முத்திபோசோ என்னவோ கொலை செய்யவும் துணிந்து விட்டனர்.. (அல்லாஹ் தான் காப்பாற்ற வேண்டும் )

திருவாரூர் மாவட்டம் குடவாசல் அருகே உள்ள திருவிடைச்சேரி கிராமத்தில் கடந்த ஒரு மாதங்களாக மக்கள் ரம்ஜான் சிறப்புத்தொழுகை அப்பகுதியில் உள்ள பள்ளிவாசலில் செய்துவருகின்றனர்.இந்த தொழுகையின் போது கிராம ஜமாத்தாருக்கும், தவ்ஹித் ஜமாத்தாருக்கும் இடையே தொழுகை முறையில் பிரச்சனை ஏற்பட்டுள்ளது. இதனால் இரு தரப்பினருக்கும் இடையே மோதல் ஏற்படும் சூழல் நிலவியது.

இதனால் பொது இடத்தில் தனியாக தொழுகை நடத்துவதற்கு தவ்ஹித் ஜமாத்தார் ஏற்பாடு செய்துவந்தனர்.அதன் படி அப்துர்ரஹ்மான் என்பவர் வீட்டில் தௌஹீத் ஜமாத்தினர் தொழுகை நடத்துவது வழக்கம். நேற்றைய தினம்(5/09/10) துணை செயலாளர் சலாஹுதீன் உடன் குத்துபுதீன் என்பவரும் தொழுகைக்கு வந்து இருகிறார்கள்.குத்துபுதீன் TNTJ வை சார்ந்தவர் இல்லை என்பதால் அப்துர்ரஹ்மான் வீட்டுக்கு எதிர் வீட்டில் வசிக்கும் சுன்னத் ஜாமத்தை சேர்ந்த ஜெபாருல்லாஹ் அவரிடம் நீ ஏன் இங்கு தொழுக வர என்று கேட்க வாக்கு வாதம் முற்றியதாம்.இறுதியில் பலர் சேர்ந்து கொண்டு குதுபுதீனை தாக்கி இருகிறார்கள்.

குத்புதீனுக்கும் ஜெபாருல்லாஹ்க்கும் இடையே மோதல் ஏற்பட்டு முன்விரோதம் உருவானது. இதனால் அந்த பகுதியில் பதட்டமான சூழ்நிலை நீடித்து வந்தது.இதற்க்கு நியாயம் கேட்க தனது அக்காவின் கணவர் ஹாஜி முஹம்மது வை நாடி இருக்கிறார் குதுபுதீன்.குத்புதீனின் உறவினர் ஹாஜி முகமது (40). இவர் தஞ்சை மாவட்டம் திருவிடைமருதூர் அருகே உள்ள குறிச்சிமலையில் வசித்து வருகிறார்.

தன்னிடம் இதயதுல்லா மற்றும் அவரது தரப்பினர் தகராறு செய்வது தொடர்பாக ஹாஜி முகமதுவிடம் குத்புதீன் கூறினார். இதனால் ஹாஜி முகமது மற்றும் அவரது தரப்பினர் 15 பேர் நேற்று இரவு 3 கார்களில் திருவிடைச்சேரி சென்றனர்.பள்ளிவாசலில் இருந்த இமாம் முகமது இஸ்மாயிலிடம் ஹாஜி முகமது மற்றும் அவரது ஆதரவாளர்கள் வாக்குவாதத்தில் ஈடுபட்டனர். இமாமின் ஆதரவாளர்கள் அவருக்கு ஆதரவாக பேசினர். சற்று நேரத்தில் இரு தரப்பினருக்கும் இடையே பெரும் கை கலப்பு ஏற்பட்டு மோதலாக மாறியது.

இந்த கைகளப்பு இரவு வரை நீடித்துள்ளது. தொடர்ந்து குத்துபுதீன் ஆதரவாக வந்த திருமங்களக்குடி ஹாஜி முகம்மது, பிரச்சனை பெரிதானதும் தனது இரு கைத்துப்பாக்கியை எடுத்து எதிரில் நின்ற கிராம ஜமாத்தார் மீது 12 முறை சுட்டிருக்கிறார்.இந்த துப்பாக்கிச்சூட்டில் கிராம ஜமாத் தலைவர் முகமது இஸ்மாயில், கமிட்டி உறுப்பினர் ஹச்முகமது ஆகிய இருவர் பலியானார்கள்.

சம்பவத்தின்போது அங்கிருந்த காஜா மைதீன் (41), பால்ராஜ் (55), ராமதாஸ் (45), சந்தியாகு (26) ஆகிய 4 பேர் படுகாயம் அடைந்தனர். இந்த ஐந்து பேரில் 3 பேர் சமாதானத்திற்கு சென்ற இந்துக்கள் என்பது குறிப்பிடத்தக்கது.இந்த சம்பவத்தால் இருதரப்பினருக்கும் இடையே மேலும் மோதல் முற்றியுள்ளது. இந்த மோதலால் 10க்கும் மேற்பட்டோர் இதுவரை கைது செய்யப்பட்டுள்ளனர்.

கலவரத்தை கட்டுப்படுத்த எஸ்.பி.மூர்த்தி தலைமையில் போலீசார் குவிக்கப்பட்டுள்ளனர்.இதில் என்ன கொடுமை என்றால் இநத பிரச்சனையில் சம்மந்த பட்ட அனைவரும் இரத்த உறவுகாரர்கள்.ஹாஜி முஹம்மத்,குத்துபுதீன் தௌஹீத் ஜாமத்தை சார்ந்தவர் இல்லை என்று TNTJ மறுத்துள்ளது.

யாராக இருந்தாலும் இந்த செயலை செய்தவர்கள் கண்டிப்பாக குற்றம் செய்து இருகிறார்கள். இந்த சம்பவம் பெரும் அதிருப்தியையும் ,தலைகுனிவையும் ஏற்படுதிள்ளது.புனித ரமலான் மாதம் என்று பாராமல் இந்த கொடூர செயலை செய்துள்ளனர். இதை யார் செய்தாலும் அது கண்டிக்க படவேண்டிய ஒன்று.

அநியாயமாக இரு உயிரை பரித்திருகிறார்கள்.. இதுபோல் சண்டை சச்சரவுகளால் என்னத்தை தான் கண்டார்களோ இவர்கள் !!இதற்க்கு யார் பொறுபேற்பது ?? இறந்த சகோதர்களின் குடுபத்திற்கு யார் ஆறுதல் சொல்வது... தற்போது ஹாஜி முஹமது கோர்ட்டில் சரணடைந்துள்ளார்.

ஒவ்வொரு முஸ்லிமின் உயிரும் புனிதமானவை என்று சொன்னார்கள் நபி (ஸல் ) அவர்கள்.அல்லாஹ்விற்கு அஞ்சிக்கொள்ள வேண்டும்.தனக்கு விரும்பியதை தனது சகோதரனுக்கும் விரும்பாதவரை நீங்கள் உண்மையான முஸ்லிம்களாக முடியாது.(நபி மொழி)

அல்லாஹ்வே அனைத்தையும் அறிந்தவன்

நன்றி - நாகூர்பிளாஷ்